DUNGWVNC 30:33 - Hawa Naga Bible 2001

³³ Ukhaq rueq muinz kvruex vpuiz tix kvrulc rv-ngvlc laz tvhungx shot tvy, rvmuq ngoz ruiux shomc waz rvmuq miq washiz shiz htauk nuex vpuiz tix kvruex maq shvy kuq ruiux yuq, kvruex waz kuex ngvy phvnx miq wawc tvdux gay rvhumc tuex,’” ngoz tueq jungx tueq.

ASII LAKDAP Bible (BSI)

³³ Kiimaq jurwa akha tel ka phoq tlaq, riimakla arwa maiq ahinti juwa ramwe riimakti khum na nyat kuq raüla, kriiti ka isengi nguta weamak she miraq.’”

DUNGWVNC 30:33 Referencias Cruzadas

RAPHA HIQWA LAK 17:14

Vhttoar gvnz muq miqwaz kuex ukhaq yuq muinz ngvy miqsaz wawc ruiy gay rvhumc tuex, yvmx khoc lac ngoz ruiux lec ngaz rulc vtaq bomkhvrc phvnx muq ningkhvnc nuex rvtueq,” ngoz tueq jungx tueq.

DUNGWVNC 12:15

Yehowa rueq, “Nuimshiq rueq raungx mvshix tup wisiz maq vtvhungx wanx kuex nauk phauk kaz, wisiz lomx muq wanx dvyx phauk shuinz. Vphaungc raungnuiyq nuimshiq yuimx htenc wawc wisiz kuex lvmz gay wuez shuinz, raungx mvshix baunglaung vyuq wisiz maq vtvhungx wanx phuiuz jix ukhaq yuq muinz ngvy miq wawc tvdux gay rvhumc tuex.

DUNGWVNC 12:19

Raungx mvshix tup nuimshiq yuimx htenc kvyuq wisiz tvy mvy muq, wisiz maq vtvhungx wanx phuiuz jix kuex kvruex mungx maq vjawx miq, rvmuq ngoz ruiux pungmungx maq vhttax kaz ruezruez ngvy miqsaz wawc tvdux gay rvhumc tuex,” ngoz tueq jungx tueq.

DUNGWVNC 29:33

Tsuinghez kuex ruimruimx shuex nuex, mvrax kvdawc shomc kuq yaq phuiuz vsvy htenc kuex phauk saq shuex rvtueq. Kvruex kuex vsawc phuiuz svy ningkhvnc nuex shomc waz bix rueq dvyx phuiuz svy mvy yaq.

DUNGWVNC 30:34

Yehowa rueq Moshe muex ngoc, “Vhomc vtumc phvnx rvtueq stake, onicha, pvnchic, loban kvruex lix htenc kuex rv-ngvlc phok shenc vtueq taq shuiuz.

DUNGWVNC 30:38

Vruex vhomc vtumc vkhoc miqmac tvkoc tvhungx jix waz kuex, ngvy phvnx miq wawc tvdux gay rvhumc tuex,” ngoz tueq jungx tueq.

DUNGWVNC 31:14

Kvruex raungnuiyq kuex nyec tvkuiyq guilc raungnuiyq rvtueq, yvmx rvtueq lac ngoz ruiux lec kvruex raungnuiyq kuex vsawc rvtueq. Uwaz rueq muinz yauk shuimc mvy muq, kvruex raungnuiyq yauk shuimx ruiux kuex vthueyc murx tvgurc rvhumc tuex.

LEWI 17:10

Israel miqsaz ukhaq yuq muinz, tsuingshiq rulc httaz naungc jix pungnuk miqsaz ukhaq yuq muinz, tvguiy nuiyc vngvmx tvshot phauk ruiux yuq, Yehowa kuex kvruex waz kox kvwawc kvroz wvnc vtueq vpiq miq wawc tvdung gay shuex.

LEWI 17:14

Tvraungx httax yaq phvnx ruip saz thuiuzthuic kuex tvguiy nuex httax yaq ningkhvnc nuex, Yehowa rueq Israel miqsaz htenc muex ngoz tueq rulc rv-ngvlc gvnngvmx tvguiy kvyuq vhttax shauk doc ngoz ruiux yuq kvruex tsuingshiq rueq phuiuz mvy muq, kvkhoc phuiuz jix waz kuex vpiq miqsaz wawc tvdungc gay rvhumc tuex.

LEWI 17:9

Tishox miqsaz wawc tvdungc gay rvhumc tuex.

LEWI 18:29

Ekvkhoc vshuy vshac shuimc lvmc jix kuex Tishox miqsaz wawc tvdux gay rvhumc tuex kuex nuimshiq rueq tuiuz yaq.

LEWI 19:8

Miq washiz shiz rueq ngvmx kvruex phauk gay ruiux yuq, ngaz muex vlekuq kuex wvlc guez tvyaungc ningkhvnc nuex, piq kuex ngvy miq wawc tvdux gay rvhumc tuex.

LEWI 20:17

Miq washiz shiz kuex vwaz saz yalxjuik saz, rvmuq ngoz ruiux vnyuiuz saz yalxjuik saz, vshvlx nyuiuz rulc rvlvmc ruiux yuq, tsuingnueyc kuex miq phungc mungx kvyuq yomnamc vtueq, Israel miqsaz wawc yurc tvdungc gay rax. Piq kuex vshvlx nyuiuz rulc rvshonx ronx tueq ningkhvnc nuex mvrax tvgurc rax.

LEWI 20:18

Miq washiz shiz kuex khvysvmc kaz yaq yalxjuik nyuiuz rulc rvjuik gay ruiux yuq, tsuingnueyc kuex nawk palx htungx maq sawc muq ningkhvnc nuex, Israel miqsaz wawc tvdungc gay rax.

LEWI 20:3

Mkhoc shoc maq miq vshiz shiz rueq vsaz kuex Molek tishox muex kuq vtueq, ngvy vsawc Tap kuex tvshuy shac ruiux, ngaz vsawc muingc jungc kuex yomnamc jix waz ukhaq yuq muinz, ngaz rueq khawx gay ruiux piq kuex ngvy miq wawc tvdux gay shaungx.

LEWI 22:3

Msuiuz msaz hez wawc nawk palx htungx maq sawc muq ngoz ruiux yuq, ngvy tvkoc Israel miqsaz rueq lekuq yaq vsawc shomc kuy juing phvnx htenc maq kvnvp kaz lot ruex rvmuq; shomrawx nuex mkaq muinz shuimx kaz lvp shuex rvmuq. Vruex kuex pattup phvnc juing rvtueq. Ngaz kuex Yehowa rvtauk.

LEWI 23:29

Kvruex raungnuiyq washiz shiz rueq phuiuz vsvy phauk saq gay ruiux yuq, Tishox miqsaz wawc tvdungc gay rvhumc tuex.

WEAWEA 15:30

Israel miqsaz rueq rvmuq ngoz ruiux pungnuk miqsaz rueq tvmx lvmlvmc maq yaq gay ruiux kuex, kvruex waz rueq Yehowa muex wvlc guez waqguez tvyaungc tueq ningkhvnc nuex piq kuex vthueyc tvrvhumc rax.

WEAWEA 15:31

Yvmx khoc lac ngoz ruiux lec piq kuex Yehowa rueq vjungx kvjaz kuex tvdux gay ruiux, bomkhvrc tvrac kuex tvmx lvmlvmc maq yaq gay ningkhvnc nuex rvtueq. Piq kuex mvrax kvruex tv-phvnc vthueyc rvhumc juing rvtueq.

WEAWEA 19:13

Miq maungx shuimc gay jix waz kuex kvsawc nawc lvmz nuex seng yaq yuix kuex gvnz htauk nuex kvshvy ruiux, kvsawc nawc yauk shuimc shuimx muq ngoz ruiux kuex sawc muq dvyx httax yek tuex. Piq rueq Yehowa Tap kuex tvshuy shac gay ningkhvnc nuex Tishox miqsaz wawc tvdux tvdungc gay rvhumc tuex.

WEAWEA 19:20

Nawk palx htungx maq sawc muq miq kuex kvsawc nawc lvmz nuex seng yaq yuix maq miqmac shauk gvnz htauk nuex kvshvy vtueq kvsawc nawc lvmz kuex shuimx kaz muq ngoz ruiux yuq, sawc muq dvyx httax yaq. Piq rueq Yehowa Tap kuex tvshuy shac gay ningkhvnc nuex Tishox miqsaz wawc tvdungc gay rvhumc tuex.

WEAWEA 4:18

“Kohat taungx hez kuex vthvy gay rvhumc muq tvkoc vsawc hup svmx htenc kvruex hep kvyuq nauk tvnvp kaz. Kvkhoc rvhumc muq tvkoc Arun nac sahez kuex Tap mungx nuex nyuip vtueq, miq pumz tek rueq shuimc juing yauk shuimc nuiyc gurc pic juing htenc kuex phvlc kuy rax.

WEAWEA 9:13

Miq vshiz shiz kuex nawk palx htungx maq vsawc rvhvt maq wuinz ghaq lvmx khuemc nuex muinz rvmuq rvyruiux, Tvlvy Wvnc Moalx baunglaung ngaz muex yauk noalc shomc kuq muq ngoz ruiux yuq, kvruex waz kuex ngvy phvnx miq wawc tvdungc gay rax. Piq kuex miqmac mvrax kvruex tv-phvnc murx tvgurc rax.