DUNGWVNC 26:14 - Hawa Naga Bible 2001

¹⁴ “Vshuip juing kuex lap nueyc tvhungx tvy rax, lap shiz kuex vshawx vtsac khelbuenx vpung khuix maq tvhungx juing, vganc vshiz kuex vnyel ngvmx khuix maq tap htauk nuex shuip juing rvtueq.

ASII LAKDAP Bible (BSI)

¹⁴ “Kiimaq kriithaq na wukhu pang chang ka liipshi diim nai ri hali klo nonglaq. Diimshi ka sku pongwe khü riiqshii maq alo riichang. Kiimaq diimshiti ka ngamkhü nyeadang danghea maq aklo riichang. Arka ra liipti wukhu shap ma tiihong chang.

DUNGWVNC 26:14 Referencias Cruzadas

Tvtsvmc 27:5

Kuilc daz rvhumc taungx vkhing htenc nuex vpiq kuex ngvy kvguing juing muex yaungx tuex; vpiq rueq ngaz kuex vpiq Shomc Yuimx nuex tvkhup wungx kuq phuex, johvlc lung rauk htauk nuex ngaz kuex tvguing taq phuex.

DUNGWVNC 25:5

tvshawc nyvt vruez khelbuenx pung khuix, vhvlx phvnx ngvmx khuix, akasia pulx penc,

DUNGWVNC 26:13

Khvymvnz vloayc kox samx wvguip nuex kvjungx dung yaq sentimeter 50 phok kuex Tap hep nuex tvbvt tvdvy juinx shuiuz.

DUNGWVNC 35:23

Khvymvnz vnyel; khuingc wuil nvm-yaz, pasic nvm-yaz, vshawx, khelx mul khvymvnz, tvshawc nyvt vruez khelbuenx pung khuix, vsvp vnyel ngvmx khuix vhttax jix htenc rueq laq wuez tueq.

DUNGWVNC 35:7

tvshawc nyvt vruex khelbuenx pung khuix, vkhuix nyel jek mvnz, akasia pulx;

DUNGWVNC 36:19

Tsuinghez rueq vshuip juing lap nueyc kuex tvhungx tueq, phux shiz kuex vshawx vtsac khelbuenx pung khuix maq, kvruex htauk kvyuq tvdvp juing phux kuex ngvmx khuix vnyel maq tvhungx wuez tueq.

DUNGWVNC 39:34

khelbuenx pung khuix vshawx vnyvt shuip, vshuip juing tuk tvkoc vtuk juing ngvmx khuix vhvlx;

ISAIA 25:4

Htemc saz jix nuiyc romc lawc kuy lvp muq jix htenc kuex mnoz kox nuex nyuip yuz wvnc vtueq, kuilc daz rvhumc yaq vkhing nuex tvkhup wungx lvp wuez yaq. Mnoz rueq tsuingshiq muex raunghtiq raungguil kvgawx juing muinz kawc hvlc kalx yaq wawc kvguing kvbuingc juing maq puingc kuq toq. Guirguenc naqsaq jix htenc rueq khvt yaq kuex raunglawc raungguil vshiz ikhoc muinz,

ISAIA 4:6

Vpiq ngauz vngax rueq ghaqyungx kuex raungnuiyq shalx kawc thuiuz kuex tvwungx kuq ruiux, raunghtiq raungguil raungyunx ruiux yuq kvtuing tvwungx juing tvyaungc kuq shuex.

EJEKIEL 16:10

Ngaz rueq mnoz muex wvwuiyq wv-ngonc khvy htenc kuex tvsvmc ruiux, vhvlx pinhtumc ngvmx khuix jotac kuex tvpaungc phaungx, ruiynyel khvy maq tvmarc khak ruiux vhtawz tsanc hvlc khvy kuex tvsvmc phaungx.

WEAWEA 4:10

Tsuinghez rueq wvrkok htung nuex seng yaq hup svmx lotlaz kuex nyenz taungtaung hvlc ngvmx khuix mvnz maq htop vtueq, pic juing pvrrawx htauk nuex tvdaungc rax.

WEAWEA 4:25

Tap, tap gaq kox nuex phawc juing, kantsec kox tuk juing, raungx kox nuex shuip juing nyenz taungtaung hvlc ngvmx khuix mvnz, kaluix nuex juinc juing,

WEAWEA 4:5

Yehowa rueq Moshe muex vkhoc jungx kuq tueq. Jerak kvruex httak gay vkhing httuiuc ruiux yuq, Arun nac sahez kuex Tap mungx kvyuq nyuip vtueq, Bomkhvrc Jep khaungkac nuex httax yaq vtuk juinc juing kuex lvmz vtueq, kvruex maq Jep kuex puingc rax.