DUNGWVNC 25:22 - Hawa Naga Bible 2001

²² Ngaz nuimshiq rulc kvruex maq rvhumc tix, ngaz kuex kherubim raungx nueyc hvlwvl vguip htauk kvyuq httax vtueq, Israel miqsaz tvkoc ngvy tvrac htenc kuex mnoz muex jungx kuq phaungx.

ASII LAKDAP Bible (BSI)

²² Ngi raq ümniirai ka kiijaq mirhum kang. Kiimaq apang chang thaq na cherubim kaünai hea wea kiimaq Ngi raq ümniima Israilnok miitu ithung tri ka wiita mikuq kang.

DUNGWVNC 25:22 Referencias Cruzadas

RAPHA HIQWA LAK 18:33

Yehowa kuex Abraham rulc rvbomc lot rac waung wvnc tueq, Abraham muinz vyuimx nuex yek waung tueq.

2 SAMUEL 6:2

kherubim htauk nuex ngaungc yaq Tvphaungc Tvsuip Yehowa ngoz tueq muingc yaq Tishox Bomkhvrc Jep kuex tvhttot lvmc kay tvkoc Yuda mungx Bala ghaq nuex tsuinghez kuex shvlx laq tueq.

2 HOKHVMX 19:15

vjux thoz tueq, “O Yehowa Israel Tishox lex, kherubim hez htauk wawc mnoz daungraungc htauk nuex ngaungc vtueq, mnoz dvyx mungkawx mungtan lotlaz kuex guimz lawc jix waz Tishox rvtoq. Mnoz rueq raungx nuiyc ghaq kuex tvdung sung taq toq.

1 KAÜWA WERAÜ 13:6

Vraungx httax yaq kherubim htauk wawc Yehowa muingc nuex seng yaq, Tishox Bomkhvrc Jep kuex lvmc kay tvkoc Dawid nuiyc piq miqsaz htenc kuex Yuda mungx wawc Kiriat Jearim ngoz yaq Bala ghaq nuex kaz wuez tueq.

Tvtsvmc 80:1

Israel Khelbuenx remc waz lex, nuiyshiq muex tay kuq koq; khelbuenx kung htenc muex walaungx waz lex, nuiyshiq muex tay kuq koq. Kherubim htauk wawc mhoc daungraungc nuex ngaungc jix waz lex,

Tvtsvmc 80:2

Ephraim, Benjamin nuiyc Manase phvnx muex mshauk pumz tvkhic shuiuz. Mnoz hungc vlaungc tvkhic vtueq; nuiyshiq kuex palc kay kaz loq!

Tvtsvmc 90:1

O Yehowa lex, mnoz kuex nuiyshiq mkaq muinz httaz juing yuimx rvtoq.

Tvtsvmc 99:1

Yehowa kuex hokhvmx rvtueq; miq htenc kuex hiyaz kvkhuirc wuez yaq. Vpiq kuex kherubim hez htauk wawc vpiq daungraungc htauk nuex ngaungc yaq, ghaq kuex kvkhuirc kvbuilc yaq.

DUNGWVNC 20:24

Ngvy tvkoc shomrawx kuex ghaq wawc tvhungx shuinz, kvruex htauk kvyuq shomc kuy tvkoc mkhelbuenx nuiyc manx htenc kuex vpumz maq jauk vtueq shomc nawk kuy nuiyc lux rvyaungc shomc nawk kuy rax. Ngaz muex nawk palx kuy tvkoc tvhungx shuinx baung htenc kvyuq ngaz kaz vtueq, nuimshiq muex ruimrix kuq phaungx.

DUNGWVNC 27:21

Arun nuiyc piq sahez rueq ngvy httaz juing Tap mungx nuex Bomkhvrc Jep vtuk shec maq kantsec kox nuex, wvrkok kuex raungyac maq raungnvp nuex httuiuc laz ngvy khaungkac nuex tvluic tvy rax. Israel miqsaz nuiyc tsuingshiq phvnx vmaq htenc rueq tvrac vruex mkaq muinz phvnc wuez rax.

DUNGWVNC 30:36

Vhomc vshot kvwawc wvyvmc kuex tvwanx htuiuz ruiux, Ngaz httax taungx Tap mungx nuex lvmz laq vtueq Bomkhvrc Jep kvlc kvyuq wuinc shuiuz. Kvruex vhomc vshot kuex vsawc pinhtumc vhomc vtumc muex tvyaungc rax.

DUNGWVNC 30:6

Shomrawx kvruex Bomkhvrc Jep max nuex vjuinx khvymvnz phic kox kvyuq taq shuiuz. Kvruex baung kvyuq ngaz mnoz rulc rvhumc taungx.

DUNGWVNC 31:18

Tishox rueq Sinai Kanx maq Moshe muex jungc kuy lot yix, Tishox vpiq rueq bomkhvrc htenc vwuiyq taq lungdvmx nueyc kuex piq muex kuq tueq.

DUNGWVNC 31:6

Piq rulc vdvmz yauk shuimc tvkoc Dan phvnx wawc Ahisamak saz Oholiab kuex ngaz rueq thvl taq shec tauk. Vganc tuiuz thenc yaq thamtharc lotlaz muinz vyungx khvmc juing ngaz rueq kuq shec tauk, kvkhoc rvtueq tsuingshiq rueq shuimc tvkoc nvr tauk:

ISAIA 37:16

“Kherubin htauk nuex ngaungc yaq Tvphaungc Tvsuip Yehowa Israel Tishox lex, mnoz kuex mungkawx mungtan lotlaz guimz jix Tishox mnoz dvyx rvtoq. Mnoz rueq ghaq nuiyc raungx kuex tvdung sung toq.

EJEKIEL 43:6

Kvruex miq waz ngvy hep nuex jvp yaq, nuiyc Yehowa rueq Shomc Yuimx mungx maq ngaz muex vkhoc jungx yaq kuex ngaz rueq tay tauk:

LEWI 1:1

Yehowa rueq Moshe kuex Yehowa httax yaq Tap maq gvl vtueq,

LEWI 16:2

Vpiq rueq, “Mphuz Arun kuex vtuk vruez shec Vsawc Pinhtumc Baung nuex nyuip vkhing baunglaung dvyx nyuip juing rvtueq jungx kuq shuiuz, yvmx khoc lac ngoz ruiux lec Bomkhvrc Jep guip htauk kvyuq phuemx nuex ngaz kvkhic kaz taungx. Mkhoc shoc maq piq rueq phvnx muq ngoz ruiux vthvy gay rvhumc tuex.

WEAWEA 17:4

Ngvlhtulc htenc kvruex kuex ngaz httax yaq Tap nuex lvmz laq vtueq, Bomkhvrc Jep khaungkac nuex taq shuiuz, kvyuq ngaz kuex mnoz rulc rvhumc tix.

WEAWEA 7:89

Moshe kuex Yehowa muex jungc tvtay tvkoc Tap mungx nuex nyuip waung ruiux yuq, Bomkhvrc Jep guip htauk wawc kherubim vnueyc hvlwvl kvmaq Yehowa rueq jungx yaq thuic bomc kuex tay yaq.

PHOWEBI 20:27

Kvtanc jauz Bethel ghaq nuex Tishox Bomkhvrc Jep httax yaq ningkhvnc nuex kvruex jep kuex Arun suiuz, Eleazar saz Phineha rueq yauk shuimc gurx pix lawc yaq. Kvkaq tsuinghez rueq Yehowa muex ngoc, “Nuiyshiq rueq nuiynox Benjamin miqsaz kuex laukshiz hulawx khvt gay yek juing shuex, khvt miq shex lac?” ngoz tueq wiz tueq. Yehowa rueq, “Khvt shuinz. Invp raungnuiyq ngaz rueq nuimshiq muex taungx wvnc juing kuq phaungx,” ngoz tueq tvralc tueq.

1 SAMUEL 4:4

Kvkhoc rvtueq tsuinghez rueq Shilo ghaq nuex kamx waz hez tvkaz vtueq kherubim htauk nuex ngaungc yaq Tvphaungc Tvsuip Yehowa Bomkhvrc Jep kuex tvlvmz kaz tueq. Eli saz nueyc Hophani nuiyc Phineha muinz Bomkhvrc Jep rulc vdvmz kaz naungx tueq.