DUNGWVNC 23:23 - Hawa Naga Bible 2001

²³ Ngvy raungkamx waz kuex nuimshiq khaungx tvmax nuex kaz vtueq, piq rueq nuimshiq kuex Amori, Hitti, Perizi, Kanaan, Hiwit nuiyc Jebusi miqsaz httax yaq mungx kvyuq tvshvlx wvnc phaungx, ngaz rueq tsuingshiq kuex tvbac gay shaungx.

ASII LAKDAP Bible (BSI)

²³ Irase ka ümniima sinkhu na miwa. Raüta ümniika Amoraiqnok, Hitaiqnok, Perijaiqnok, Kanannok, Hiwaiqnok, kiimaq Jebusaiqnok sichang hiqshong thun kiina ümniika mishea wan. Kiimaq Ngi raq tsangshiqnok thun ka wiita mijiip baiqha.

DUNGWVNC 23:23 Referencias Cruzadas

RAPHA HIQWA LAK 24:7

Yehowa htunghtauk raungmungx Tishox rueq iwaz yuimx wawc nuiyc iphvnx imaq mungtan wawc ngaz kuex gvl laq vtueq, isuiuz isaz phvnx muex vruex mungx kuex kuq phaungx ngoz tueq ngaz muex vpiq kvtuemc vtueq bomkhvmc kuq phuex. Mnoz rueq isaz muex miq thuiyx kaz ruiux yuq humc tvkoc vpiq raungkamx waz kuex mmax nuex tvkaz shuex, kvruex wawc isaz tvkoc vyuimx jix nyuiuz kuex humc kuq shuiux.

RAPHA HIQWA LAK 34:2

Kvruex hong wawc vyungx vlaungx Hiwi phvnx Hamor saz Shekhem rueq Dina kuex khiz vtueq, piq rueq shvlx wvnc vtueq yomnamc gay tueq.

DUNGWVNC 18:8

Moshe rueq Jethro muex Yehowa rueq Israel miqsaz palc wvnc tvkoc nuex Ejip hokhvmx waz rueq mungx miqsaz htenc htauk nuex ruez wvnc tueq lvmz htenc kuex jungphvnx kuq tueq. Kvmaq Israel miqsaz rvhumc wvnc tueq vgvrx vtsvrx htenc kvwawc Yehowa rueq palc wvnc tueq lvmz jungx kuq tueq.

DUNGWVNC 23:20

“Nuimshiq khuemx vtuinx nuex tvkhup wungx kuy tvkoc nuiyc ngaz rueq vtvhungx shec baung nuex nuimshiq shvlc wvnc tvkoc nuimshiq khaungx tvmax kox nuex raungkamx waz kuex ngaz rueq tvkaz shaungx.

DUNGWVNC 3:17

Ngaz rueq tsuingshiq kuex Ejip mungx wawc tvdungc shvlc wvnc tvkoc htvp htaz wuez shex, tsuingshiq guirguenz yaq kvwawc shvlx wvnc vtueq, puix nuiyc nyaq ngurx dung yaq mungx, Kanaan, Hitti, Amori, Perizi, Hiwi nuiyc Jebusi phvnx htenc httax yaq mungx nuex shvlx wvnc tvkoc htvp htaz tauk shex.

DUNGWVNC 32:2

Arun rueq tsuinghez muex, “Nuimtaungx nyuiuz tamx nuiyc nuimsaz hez nac nuex jic yaq kuimshawx nac jic htenc kuex put vtueq ngaz kox nuex lvmz wvnc wuez luit,” ngoz tueq jungx tueq.

ISAIA 5:13

kvkhoc rvtueq mnoz kuex khoktep miqsaz htenc ikhoc shvlc wvnc rvhumc tuiux. M-walaungx bix kuex rvmc rueq thueyc tuex, miq talaz jix htenc kuex khvmz svy rueq thueyc tuex.

TRI CHONGKE 9:3

Yuq muinz Yehowa nuimshiq Tishox kuex nuimshiq khaungx tvmax nuex thuiuz hvlc wvrluic ikhoc, kaz wvnc tueq kuex nuimshiq rueq majuiuc khiz wvnc shuinx. Nuimshiq kaz yaq nuex vpiq rueq tsuingshiq kuex taungx gay ningkhvnc nuex vpiq bomkhvmc httax yaq rulc rv-ngvlc nuimshiq rueq tsuingshiq kuex yurc gay ruiux yauk lox maq tvbac gay wvnc shuinx.

JOSHUA 23:9

Nuimshiq kvtenc waung wvnc ruiux yuq, wvyungc wvloayc luimc vkawc httaz hvlc miqphvnx htenc kuex Yehowa rueq yurc gay tueq ningkhvnc nuex, vshiz raung muinz nuimshiq khaungkac nuex mkaq muinz kvtenc jvp lot tueq rvmuq.

JOSHUA 5:13

Yoshua kuex Yerikho ghaq hep nuex httuiuc kaz tueq nuex piq khaungx tvmax nuex yaung shuimc jix washiz jvp yaq kuex huingc rvhek laz maq khiz tueq. Yoshua kuex kvruex waz kox nuex kvnvp kaz vtueq, “Mnoz kuex nuiyhez kox wawc nolaungx shuex, ralx lac rvtonx?” ngoz tueq wiz tueq.

JOSHUA 9:1

Yodan ruilx maq shalx nyuip kox wawc kuz htenc, kuz yaz htenc, ghaqkhux kox Lebanon kanx nuex httuiuc laz luz yaq Svmuktvrax Mediteranean kawx htenc guimz yaq Hitti, Amori, Kanaan, Perizi, Hiwi nuiyc Jebusi phvnx hokhvmx bix htenc kuex Israel miqsaz rueq taungx wvnc tueq thaungc tay wuez tueq.