Biblia Todo Logo
La Biblia Online
- Anuncios -




DUNGWVNC 23:15 - Hawa Naga Bible 2001

15 Ngaz rueq nuimshiq muex nvr phaungx rulc rv-ngvlc Ejip mungx maq dung wvnc tuit Abib yapix nuex Wisiz lomx muq Wantuc Moalx kuex moalx wuez shuinz. Raungx mvshix tup moalx shuinx baunglaung wisiz maq vtvhungx wanx kuex nauk phauk kaz. Shomc kuy juing lvmz laq muq maq ngaz muex nawk palx tvkoc mkaq muinz kay mvy muq.

Ver Capítulo Copiar

ASII LAKDAP Bible (BSI)

15 Abib jipi lü na, ümniiraq Ejip mung wa laü wan laü jipi lü na, Pi Maq shohü winsii phaq poi kra langlaq. Kriika Ngi raq aming kuqkang kra phan phan langlaq. Ara poi klotlan ramiishi liipan na pi maq asho winsii ka nü na thii maimak. Kiimaq Ngi shomnoq wa watlan na honglu kechang ahü jaqmii maq wa maimak.

Ver Capítulo Copiar




DUNGWVNC 23:15
25 Referencias Cruzadas  

“Vruex yapix kuex nuimshiq tvkoc wawc shiz mungx wawc vphaungc yapix rvtueq.


Moshe rueq mungx miqsaz htenc muex ngoc, “Vruex raungnuiyq kuex nauk lauk kaz; nuimshiq Ejip mungx maq dax wawc dungc wvnc raungnuiyq rvtueq. Vruex raungnuiyq kuex Yehowa piq luimc vkawc yunghvlc maq nuimshiq tvdung wvnc tueq. Wisiz lomx yaq wanx kuex phuiuz mvy muq.


Nuimshiq kuex Abib yapix ngoz yaq vphaungc yapix vruex raungnuiyq nuex Ejip mungx maq dung wvnc tuit.


“Nuimshiq rueq kungkhux muinx yaq puix wungx, svpiq thuey nuiyc olip puiz maq ngaz muex shomc nawk kuy rax. “Nuimshiq saz pekhux waz kuex ngaz muex lekuy rax.


“Wisiz lomx muq Wantuc Moalx kuex moalx shuinz. Ngaz rueq nvr phaungx rulc rv-ngvlc wisiz lomx muq wantuc phuiuz moalx kuex Abib yapix nuex raungx mvshix moalx shuinz, yvmx khoc lac ngoz ruiux lec kvruex yapix nuex nuimshiq kuex Ejip mungx maq dung kaz wvnc tuit.


yuq muinz loze saz nyuiuz phaungc kuex khelbuenx vshiz maq layc vtueq daungc wvnc shuinz, daungc wvnc roc muit ngoz ruiux kuex loze duingx kuex tv-ngawk gay rax. Nuimshiq sahez pekhux htenc kuex lotlaz daungc wvnc wuez shuinz. “Ukhaq yuq muinz shomc kuy juing lomx muq maq ngvy khaungkac nuex nyuip kay mvy muq.


Ngaz kuex vpiq nawk palx tvkoc kaz taungx nuex, Yehowa raungmungx Tishox kox nuex yvmx lvmc lvy juing lac? Vpiq muex wvr maq jauk shomc kuy tvkoc vhvlx pinhtumc manx saz htenc kuex lvmc lvy juing lac?


Tvlvy Wvnc Moalx nuex khelbuenx saz thvt vtueq Wisiz htawc muq Wanx phuiuz Moalx vphaungc raungnuiyq nuex Yesu sangac bix rueq, “Tvlvy Wvnc Moalx raungyac phuiuz svy muex mnoz tvkoc m-yuq tvyoalc tvhungx lac roc shuiux?” ngoz tueq vpiq muex wiz tueq.


Yesu vpiq nyuiuz waz kuex Tvlvy Wvnc Moalx httuiuc wvnc ruiux lec wawc tek Yerusalem nuex kaz ruiux tuex.


Wisiz lomx muq Wanx phuiuz Moalx baunglaung Tvlvy Wvnc Moalx phuiuz svy tvkoc khelbuenx sahez thvt vtueq shomc kuy raungnuiyq httuiuc wvnc tueq.


Kvkhoc thvt gay tueq lvmx kuex Yuda miqsaz rueq raungc raq kuex khiz vtueq Peter muinz lvp tueq. (Kvruex baunglaung kuex Wisiz lomx muq Wantuc Moalx rvtueq.)


“Wawc shiz nuex lauk thuimx moalx tvkoc vthvl taq nawk palx juing baungshiz nuex dvyx kvyuq, Tvlvy Wvnc Moalx, Tsvmz Svy Moalx, Bulax Tap Moalx kuex moalx ruiux yuq, nuimshiq phvnx wawc miqwaz rulx lotlaz Yehowa muex nawk palx kay rax.


Tsuinghez rueq, “Vruex Israel Tishox Bomkhvrc Jep kuex nuimshiq rueq tvyez kuy ngoz ruiux lec, nuimshiq mvrax laung nuex yauk noalc rulc vdvmz rvkhauk laz tvwaungc naungc rax tuex. Bomkhvrc Jep kuex yauk noalc vguez maq tvyez mvy muq. Kvkhoc ngoz ruiux jix nuimshiq vmac vtsac kuex hvlx wvnc tuex, vpiq rueq yvmx ngoz tueq lac nuimshiq muex murx tvgurc yaq nguinx lvmz kvmuinz tuiuz wuez shuinx,” ngoz tueq tvralc tueq.


Síguenos en:

Anuncios


Anuncios


¡Síguenos en WhatsApp! Síguenos