DUNGWVNC 22:9 - Hawa Naga Bible 2001

⁹ “Manx, khelbuenx, loze, khoz vkhvy, rvmuq ngoz ruiux vganc phvnx shishiz vmoz kaz kuex lvp wvnc nuex seng vtueq, miq wanueyc rvkhawc lvlc ruiux yuq, tsuingnueyc kuex nawk palx juing nuex shvlc lvy rax. Tishox khaungkac nuex wisoz phox vtueq, sumx jix waz rueq htvp nueyc maq htuimc kuy rax.

ASII LAKDAP Bible (BSI)

⁹ “Phanrap hupsam mokai kha she dongtaq miiphat, kriika nyamse minsaü chhechhi kha, kumtoq kong kha, sku kong kha, khu akhea kha, riimakla, laihin hupsam amo arki kha dong haüla, kra hupsam miitu kha riinyantlaq wenai ka noqku jam na shea wan chang. Tsangnai wenai kiiwa Shiikeawe raq ümriitiwa ajiqwe nguta phokuqtlaq, kriiwe raq arewe ma thep tliip raüta thamke ratlo.

DUNGWVNC 22:9 Referencias Cruzadas

RAPHA HIQWA LAK 31:39

Khelbuenx vshiz vsvl rueq kauk gay ruiux muinz, mkaq muinz ngaz rueq httungx kuq ruiux phaungx. Ngvy mvrax rvmuq ngoz tueq vmaungx kuex mnoz kox nuex pix wvnc mauk. Raungnuiyq nuex rvmuq ngoz ruiux raungwvrx nuex nyvmx saz kuex miq rueq guiuq laq ruiux yuq, mnoz rueq ngaz muex nyvmx saz kuiux kvruex laung tvhtuimz ruiux phux.

1 HOKHVMX 8:31

“Miq washiz kuex vganc washiz muex yaq tueq mvrax nyvnc rvhumc vtueq vruex Shomc Yuimx mungx wawc shomrawx vyuq shvlx laq ruiux piq mvrax vguez rvhvt maq tvtuemc ruiux yuq,

2 KAÜWA WERAÜ 19:10

Miq ghaqyungx htenc nuex httax yaq nuimshiq phuz vnox hez rueq nuimshiq htumc nuex miq thvy gay khac, tvrac rvmuq ngoz ruiux vnvrc bomc, vshiz shiz muex vyaq gay mvrax jungx kaz ruiux yuq, tsuingshiq kuex Yehowa khaungkac nuex mvrax yaq muq laz juing khac phox yaq baunglaung tsuingshiq shauk pumz mkhoc httaz juing lac lvmz kuex tvmtuing maq tsuingshiq muex lvmx shvlc kuy juing rvtuex. Kvkhoc honc tvsvmz kuq muit ngoz ruiux yuq, nuimshiq nuiyc nuimshiq phuz vnox htenc Yehowa thuinkhvy hungc rulc rvhumc tuinx. Yuq muinz nuimshiq rueq gurc pic juing gurc kuex tvkhvlc muit ngoz ruiux yuq, nuimshiq mvrax kuex kop muq rvtuex.

DUNGWVNC 22:10

“Miq washiz rueq loze, manx, khelbuenx rvmuq ngoz ruiux vganc nyvmx saz kuiux shiz kuex vganc miq washiz kox nuex lekuq shec ruiux yuq, nyvmx saz kvruex vthueyc rvkaz, rvmuq ngoz ruiux vmac vtsac rvkaz, rvmuq ngoz ruiux uraq muinz khiz muq nuex mawz kaz ruiux yuq,

DUNGWVNC 22:28

“Tishox muex layx vbac kvjaz nauk kvjak kaz, mmiqsaz htenc wawc walaungx waz muex mvnhttonc mvy muq.

Matthew 18:15

“Mphuz mnox waz rueq mnoz muex mvrax yaq kuq ruiux yuq, piq mvrax kuex jungc kuy tvkoc piq kox nuex kaz kuiuz, yuq muinz nuimnueyc dvyx rvjungc phvnc kuinz. Mkvjaz kuex tay kuq ruiux yuq, mphuz mnox waz kuex mnoz rueq tvyez palc wvnc yek shuiux.

Matthew 18:35

Yesu rueq tvsuip nuex, “Nuimshiq muinz phunox vdvmz dvmz washiz mvrax kuex washiz rueq thuinz vmungx lotlaz maq dawc kuq muit ngoz ruiux yuq, raungmungx wawc Iwaz rueq muinz nuimshiq mvrax kuex dawc kuq shuex rvmuq,” ngoz tueq.

TRI CHONGKE 25:1

“Israel miqsaz wanueyc vdvmz dvmz rv-thoz thvy ningkhvnc nuex tvrac rungx nuex khac rvjungc kaz ruiux yuq, washiz kuex mvrax vguez, vganc washiz kuex mvrax vhttax ngoz tueq phox kuq shuinx.