DUNGWVNC 22:28 - Hawa Naga Bible 2001

²⁸ “Tishox muex layx vbac kvjaz nauk kvjak kaz, mmiqsaz htenc wawc walaungx waz muex mvnhttonc mvy muq.

ASII LAKDAP Bible (BSI)

²⁸ “Shiikeawe ma abi naq bomkiq. Kiimaq ümnok ümta rümti welawe ma man naq sonkiq.

DUNGWVNC 22:28 Referencias Cruzadas

2 SAMUEL 16:5

Dawid kuex Bahurim nuex httuiuc kaz koq tueq, Sholu phvnx vmaq wawc Gera saz Shime kuex piq rulc rvhumc kay kaz wvnc tueq. Piq rueq Dawid kuex httonx yaq lvmx maq kaz yaq.

2 SAMUEL 16:9

Vnyuiuz Zeruia saz Abishai rueq hokhvmx waz muex ngoc, “Taungjix hokhvmx waz lex, vruex guyhex vmac yvmx ngoz tueq lac tvhttonx tvmx vshuiux? Nuex kvyuq tvshvlx laq vtueq vkhux poz kuex tvjumz gay koq!” ngoz tueq jungx tueq.

2 SAMUEL 19:21

Zeruia saz Abishai rueq vkhoc ngoz kuq tueq, “Shime kuex Yehowa rueq vhttauk taq hokhvmx waz kuex httonx tvmx gay tueq ningkhvnc nuex vthueyc juing rvtueq.”

1 HOKHVMX 21:10

Tishox muex muinz, hokhvmx waz muex muinz httonx ngoz gay toq, ngoz tueq piq htumc nuex mvrax tvgurc jix miq waz nueyc kuex taq shuinz. Kvruex yimaq ghaqyungx ke-phic nuex shvlx laq vtueq lung maq tuip thvt gay shuinz,” ngoz tueq.

Tvtsvmc 138:1

Yehowa lex, ngvy thuinz vmungx lotlaz maq mnoz muex kejux vyungx ngoz vphaungx; tishox htenc khaungkac nuex mnoz muex ngaz rueq shix ngoyx phaungx.

Tvtsvmc 32:6

Kvkhoc rvtueq mnoz muex tvmtuing httaz yaq miqsaz lotlaz kuex rax yaq vkhing nuex mnoz kox wawc vjux thoz aungx yaq; vdaungx maq buk wvnc yaq yuix kuex tsuingshiq kox nuex httuiuc kaz tuex rvmuq.

DUNGWVNC 13:12

nuimshiq rueq miqwaz pekhux htenc kuex Yehowa muex lekuy rax. Nuimshiq nyvmx saz nyuiuz khux vpung htenc kuex Yehowa rueq guimx yaq.

DUNGWVNC 13:2

“Israel miqsaz wawc jawc phaungc miqwaz nuiyc nyvmx saz nyuiuz phaungc vpung htenc kuex ngaz rueq guimz yaq ningkhvnc nuex, jawc phaungc miqwaz nuiyc nyvmx saz nyuiuz phaungc vpung lotlaz kuex ngaz muex lekuy rax,” ngoz tueq jungx tueq.

DUNGWVNC 21:17

“Vwaz muex rvmuq ngoz ruiux vnyuiuz muex mvnhttonc jix kuex vthueyc rvhumc tuex.

DUNGWVNC 23:16

“Nuimshiq wuik vnax wawc tuiz vtsvmz yut phaungc wvnc jauz nuex, tsvmz Nyalx Svy Moalx kuex moalx shuinz. “Raungx wawc vhtumx kox nuex vthuey vngoz tvjomx lot vtueq, vthuey vngoz Tvjomx lot Moalx kuex moalx shuinz.

DUNGWVNC 23:19

“Wawc tek nuimshiq wuik vnax htenc wawc vphaungc tvjomx shuinx vthuey vngoz htenc kuex Yehowa nuimshiq Tishox yuimx kvyuq laq wuez shuinz. “Khelbuenx saz rvmuq ngoz ruiux, khelkhix saz kuex vkuiux puix maq lumc mvy muq.

THARC TVLUINGC 10:20

Hokhvmx waz kuex thuinz mungx maq doc muinz nauk httonx kaz, luiz waungx jix kuex m-woalc chuing khok maq muinz nauk httonx kaz. Wushawx kuex mnoz rueq yvmx lac jungx shuiux bomjungc kuex gur wvnc vtueq tsuingshiq muex jungx tvtay kuq shuex.

LEWI 24:15

Kvruex yimaq ukhaq yuq muinz Tishox muex mvnhttonc jix waz kuex piq mvrax gur vtueq vthueyc rvhumc tuex lvmz,

LEWI 24:16

Israel miqsaz htenc muex jungx shuiuz. Israel miqsaz rueq ngoz ruiux muinz, Israel miqsaz rulc httaz naungc jix pungnuk miqsaz rueq ngoz ruiux muinz, Yehowa muex httonx ruiux yuq, miq lotlaz rueq piq kuex lung maq tuip thvy gay rax.

Acts 23:3

Polu rueq, “Lunghtunc maq vtsac khoalx tuk, mnoz kuex Tishox rueq vsuing murx mtvgurc kuq kv-phux. Mnoz rueq ngaz kuex Tvrac rulc rv-ngvlc phoc kuy muex tvrac rungx nuex ngaungc vtuiux rvyruiux, ngvy tvwungc ningkhvnc nuex tvrac kuex lvlc gay vshuiux nyix!” ngoz tueq.

Acts 23:5

Polu rueq, “Ngvy phunox Israel miqsaz lex, piq kuex Shomc Wayungx ngoz tueq ngaz rueq tuiuz mauk ningkhvnc nuex rvtueq. Rumvrc luik nuex, ‘Mphvnx mmaq guimz lawc jix waz muex kvjaz vbac ngoc mvy muq,’ ngoz tueq wuiyq shec tueq,” ngoz tueq.

1 Peter 2:17

Miq lotlaz muex tvtsanc wuez shuinz, kvmluimx jix miqsaz htenc muex lungwawx wuez shuinz, Tishox muex nuiyc honoc hokhvmx muex tvtsanc nganc kuq shuinz.

2 Peter 2:10

Gvnngvmx vshuy vshac lvmx nuex phvnx vtueq Tishox vrangx vpangx kuex wvlc guez jix htenc rueq kvkhoc phvnx htenc rvhumc wvnc tuex. Vruex vrot vkaq tvluingc waz bix kuex pinhtumc khvmc vtueq ngamc yungx ngax yungx maq raz tueq raunghtauk wawc ngauz vngax vhttax jix htenc muex tvtsanc nganc lvmx tvkhic muq maq tsuingshiq kuex yomnamc wuez yaq.

Jude 1:8

Kvruex rulc rv-ngvlc vruex miq htenc muinz miqmac rueq khiz yaq vshuy vshac maung maq khiz yaq romzyac htenc tsuingshiq shauk vgvnz muex mvrax tvshuimc yaq; tsuingshiq rueq Tishox vrangx vpangx kuex wvlc guez tvyaungc gay ruiux, raunghtauk wawc ngauz vngax vhttax jix htenc kuex shummarc wuez yaq.

1 SAMUEL 24:10

Majuiuc doc muinz Yehowa rueq mnoz kuex ngvy luimc vkawc mungx nuex lung tap kvmaq lekuq phuex lvmz mshauk pumz kuex mnoz rueq khiz vshuiux. Ngvy miq wvyvmc rueq mnoz thvy gay tvkoc jungx yaq, yuq muinz mnoz kuex hokhvmx yaungc tvkoc Yehowa rueq vthvl taq waz ningkhvnc nuex, ngaz rueq mnoz kuex raungluingx saz muinz tvthuiuz sac mauk ngoz tueq, mnoz tvkoc thuinbac rvhumc vtaungx.

1 SAMUEL 24:6

piq rueq vmiq hez muex ngoc, “Yehowa rueq vthvl hokhvmx ngvy jiyungx waz muex tvthuiuz sac yauk shuimc kuex mkhoc maq dvyx ruezruez Yehowa rueq ngaz muex mtuing kuq gay phueq! Piq kuex Yehowa rueq vthvl hokhvmx waz rvtueq ningkhvnc nuex ngaz rueq piq kuex raungluingx saz muinz tvthuiuz sac lvp shaungx rvmuq!” ngoz tueq jungx tueq.

1 SAMUEL 26:9

Yuq muinz Dawid rueq, “Piq kuex tvthuiuz sac mvy muq! Vpiq rueq vthvl taq hokhvmx waz tvthuiuz sac jix waz kuex Yehowa rueq vsuing murx tvgurc shuex.