DUNGWVNC 21:26 - Hawa Naga Bible 2001

²⁶ “Jiyungx waz rueq vdax waz, rvmuq ngoz ruiux vdax nyuiuz muik tv-phuk wung gay ruiux yuq, muik laung htuimc kuy tvraung dax wawc tvdungc gay rax.

ASII LAKDAP Bible (BSI)

²⁶ “Kiimaq maiq weshi raq adiwe lo adi nyung lo kra amakpo na buk raüta, makpo ka tiiphok raüla, apaiq raq adiwe lo adi nyung lo ka amakpo tiiphoktaq kra song ma phemaq adise ka wase ma tiiwabaiq ratlo.

DUNGWVNC 21:26 Referencias Cruzadas

NEHEMIA 5:5

Nuiyshiq muinz Yuda miqsaz jvnc rvtiq. Nuiyshiq suiuz vsaz hez muinz tsuingshiq suiuz vsaz hez ikhoc jvnc rvmuq haz? Yuq muinz nuiyshiq rueq miqmac suiuz vsaz kuex dax tvyaungc vshix. Nuiyshiq saz yalxjuik hez wvyvmc kuex dax ikhoc shaung gay tiq. Nuiyshiq rueq yvmx khoc muinz rvlot miq, nuiyshiq nax htenc nuiyc svpiq sunc htenc kuex miq yauk nuex shex httuiuc kaz vtuex,” ngoz tueq kvbot wuez tueq.

Tvtsvmc 10:14

Yuq muinz vkuilc vdaz nuiyc vjamz vjaux htenc kuex mnoz rueq khiz vtueq tvtsuingc taq vshuiux nuiyc romc kuy tvkoc mkaq muinz tvyoalc yoalx httax vtuiux. Romc kuy lvmx vguez waz kuex piq shauk pumz mnoz muex lekuq kvnvp httax ruiux; mnoz rueq rax yaq jix muex mkaq muinz romc kuq vshuiux.

Tvtsvmc 10:18

Guirguenc rvhumc jix nuiyc nojix sahez rueq guyc sez thoz yaq kuex mnoz rueq tay kuq shuiux; mnoz rueq tsuingshiq kox maq phox kuq naungx shuiux nuex, mungkawx miqsaz htenc rueq kvhiz juing lvmx kuex tv-yaungc yek shuex rvmuq shex.

Tvtsvmc 9:12

Tishox rueq kuilc daz rvhumc yaq jix muex rvwvl tvmaung vtueq; tsuingshiq rueq guyc thoz yaq kuex lauk gay muq, vpiq rueq tsuingshiq muex yaq jix htenc muex murx tvgurc yaq.

DUNGWVNC 21:20

“Miq washiz rueq vdax waz, rvmuq ngoz ruiux vdax nyuiuz kuex janx htaq maq thvt vtueq, vyauk nuex thueyc ruiux yuq, kvruex waz kuex murx gurc rvhumc tuex.

DUNGWVNC 21:24

muik laung muik, wac laung wac, yauk laung yauk, yaz laung yaz,

DUNGWVNC 21:25

wvr rueq khamc laung wvr rueq khamc, vheq laung vheq, vmac laung vmac kuex tvyez rax.

DUNGWVNC 21:27

Piq rueq wac tv-ngawk wung kuq gay ruiux yuq, wac laung htuimc kuy tvraung dax wawc tvdungc gay rax.

Ephesians 6:9

Jiyungx bix lex, nuimshiq rueq muinz tvhiz tvsungx nauk ruez kaz maq dax hez rulc rvbomc rv-nyamc wuez kuinz, nuimshiq nuiyc nuimshiq dax hez kuex raungmungx nuex Taungjix washiz dvyx httax yaq lvmx muinz, vpiq rueq miq htvlx phawc thvl httauk muq lvmx muinz rvwvl lvp wuez shuinz.

TRI CHONGKE 16:19

Khac phox ruiux yuq, tvrac rulc rv-ngvlc muq muinz, miq htvlx phawc thvl httauk vtueq muinz phoc kuy mvy muq; khauloayc yauk noalc lvmc mvy muq, kvkhoc yauk noalc rueq wvtharc jix nuiyc miq tsuing jix muik kuex puingc kuq gay vtueq vyaq kox nuex htvp htaz kuq gay yaq.

Colossians 4:1

Jiyungx waz tamx lex, nuimshiq muinz raungmungx nuex Taungjix washiz lvp taq vshuinx kuex rvwvl hvt maq, miqmac dax hez kuex tvrac vlvmz maq nvr shuinc shuinz.