DUNGWVNC 21:1 - Hawa Naga Bible 2001

¹ “Israel miqsaz muex vruex tvrac htenc kuex kuq shuiuz:

ASII LAKDAP Bible (BSI)

¹ “Israilnok ma arthun thungtri raüto ara kuqlaq:

DUNGWVNC 21:1 Referencias Cruzadas

1 HOKHVMX 6:12

“Mnoz rueq ngvy tvrac htenc nuiyc ngaz rueq nvr vphaungx htenc kuex phvnx ruiux yuq, m-waz Dawid muex ngaz rueq kuq tauk bomkhvmc rulc rv-ngvlc mnoz tvkoc ngaz rueq shuimx kuq phaungx.

2 KAÜWA WERAÜ 19:10

Miq ghaqyungx htenc nuex httax yaq nuimshiq phuz vnox hez rueq nuimshiq htumc nuex miq thvy gay khac, tvrac rvmuq ngoz ruiux vnvrc bomc, vshiz shiz muex vyaq gay mvrax jungx kaz ruiux yuq, tsuingshiq kuex Yehowa khaungkac nuex mvrax yaq muq laz juing khac phox yaq baunglaung tsuingshiq shauk pumz mkhoc httaz juing lac lvmz kuex tvmtuing maq tsuingshiq muex lvmx shvlc kuy juing rvtuex. Kvkhoc honc tvsvmz kuq muit ngoz ruiux yuq, nuimshiq nuiyc nuimshiq phuz vnox htenc Yehowa thuinkhvy hungc rulc rvhumc tuinx. Yuq muinz nuimshiq rueq gurc pic juing gurc kuex tvkhvlc muit ngoz ruiux yuq, nuimshiq mvrax kuex kop muq rvtuex.

NEHEMIA 10:29

vpiq nvrc waz Moshe maq raz tueq Tishox rueq vkuq Tishox Tvrac rulc rv-ngvlc naungshiq rullungx tvraungx muex muinz, Yehowa naungshiq Taungjix rueq naungshiq muex nvr phuex lotlaz kuex phvnc muex muinz, vpiq tvrac htenc nuiyc jungx shec tueq lotlaz kuex phvnc muex muinz, naungshiq walaungx bix rulc vkhoc rvhumc henc vtueq bomshuit taq vshix ningkhvnc nuex kvruex naungshiq rueq tvbac gay ruiux yuq, vhttonc vtvmc murx gurx shix ngoz tueq kvtuemc vtix.

Tvtsvmc 147:19

Vpiq rueq vpiq miqsaz htenc kox nuex vpiq bomjungc nuiyc vpiq jungx yaq kvjaz nuiyc tvrac htenc kuex Israel kox nuex kuq tueq.

DUNGWVNC 19:7

Kvkhoc rvtueq Moshe kuex kanx kvmaq svt kaz vtueq, mungx miqsaz walaungx bix htenc tvtuimx gvl ruiux, Yehowa rueq nvr tueq phvnx ruip saz kuex tvtay jungx kuq tueq.

EJEKIEL 20:11

Ngaz rueq nvrc bomc htenc nuiyc ngvy tvrac htenc kuex tvluing kuq tauk, kvruex phvnc jix kuex rullungx tvraungx httax tuex.

EJEKIEL 20:25

“Kvruex yimaq ngaz rueq tsuingshiq kuex vbac tvrac htenc nuex rullungx tvraungx lvp muq nvrc bomc kuex kuq tauk.

LEWI 18:26

Tsuingshiq lotlaz rueq kvkhoc miqsuirc vsac kuex shuimx vtueq ghaq vraungx kuex tvshuy shac wuez tueq, yuq muinz nuimshiq rueq kvkhoc nauk ruez kaz. Nuimshiq rulx vdvmz httax yaq Israel miqsaz htenc nuiyc pungnuk miqsaz htenc lotlaz rueq Yehowa tvrac htenc nuiyc vpiq rueq nvr yaq kvjaz htenc kuex phvnc tvhungx wuez rax,

LEWI 18:5

Ngaz rueq kuq phaungx tvrac htenc nuiyc honc vyaungc htenc kuex phvnx shuinz; kvkhoc phvnx ruiux yuq nuimshiq thuiuzthuic tvraungx lvp shuinz. Ngaz kuex Yehowa rvtauk,” ngoz tueq jungx tueq.

LEWI 19:37

Ngvy tvrac htenc nuiyc nvr phaungx htenc lotlaz kuex phvnx wuez shuinz. Ngaz kuex Yehowa rvtauk,” ngoz tueq jungx tueq.

LEWI 20:22

Yehowa rueq, “Ngaz rueq shvlx wvnc vtueq nuimshiq httuiuc kaz tuinx Kanaan mungx maq nuimshiq tvdux gay rvhumc muit tvkoc ngaz rueq nvr phaungx nuiyc tvrac htenc kuex phvnx shuinz.

MALAKI 4:4

“Israel miqsaz lotlaz rueq phvnc tvkoc Sinai Kanx maq ngvy nvrc waz Moshe muex ngaz rueq kuq tauk tvluingc jungphvnc lvmz, tvrac htenc nuiyc vnvrc bomc htenc kuex rvwvl wuez shuinz.

WEAWEA 35:24

kvkhoc yauk shuimc htenc kuex mungx htumc nuex phuiuq lvmc tvkoc khuyx yaq vthueyc jix waz muex taungnyuing sanox waz htvlx phawc kuex lawc muq maq, miq thvy gay jix waz htvlx phawc kuex lawc vtueq phoc kuy rax.

WEAWEA 36:13

Tvrac htenc vruex kuex Yerikho ghaq ral Yodan ruilx kawx wawc Moba tvnx maq Yehowa rueq Moshe maq raz tueq Israel miqsaz muex vkuq shec rvtueq.

Matthew 28:20

ngaz rueq nuimshiq muex nvr vphaungx phvnx ruip saz kuex phvnx wuez shuinz, tsuingshiq muex tvluing kuq shuinz. Kvdvyx muinz rvmuq ghaq vpat htumx wvnc tuex nuex httuiuc laz ngaz kuex nuimshiq rulc vdvmz mkaq muinz httaz naungx phaungx,” ngoz tueq jungx kuq tueq.

TRI CHONGKE 15:12

“Israel miqsaz vshiz shiz kuex dax muex piq pumz kuex mnoz kox nuex shaung kaz ruiux yuq, wawc tvruk mnoz muex shuimx kuq ruiux tvkay gay rax. Kvkaq wawc mvshix httuiuc wvnc ruiux yuq piq kuex tvdungc gay rax.

TRI CHONGKE 4:14

Nuimshiq kaz vtueq lvp wvnc shuinx mungtan maq nuimshiq rueq phvnc juing tvrac kuex ngaz rueq nuimshiq muex tvluingc jungphvnc kuy tvkoc Yehowa rueq ngaz muex jungx phuex.

TRI CHONGKE 4:45

Tsuingshiq kuex Ejip mungx maq kaz wvnc tueq yix maq, Heshbon ghaqyungx nuex httax yaq Amori hokhvmx Sihon ghaq, Yodan Ruilx maq shaldungc kox Betpeor ghaq ral wawc warc tvnx maq tsuingshiq muex vkuq tvrac htenc rvtueq. Tsuingshiq kuex Ejip mungx maq dung kaz wvnc tueq nuex, Moshe nuiyc Israel miqsaz rueq piq kuex khvt taungx gay tueq.

TRI CHONGKE 4:5

“Yehowa ngvy Tishox rueq jungx kuq wvnc phuex rulc rv-ngvlc ngaz rueq tvrac lotlaz kuex nuimshiq muex tvluing kuq wvnc phaungx shex. Nuimshiq rueq khvt lvp wvnc vtueq httax kaz tuinx mungx kvmaq, kvruex tvrac kuex phvnx wuez shuinz.

TRI CHONGKE 4:8

Majuiuc raungnuiyq nuimshiq muex ngaz rueq tvluing kuq vphaungx tvrac htenc kuex vganc miqphvnx mkhoc yungc nuex muinz vkhoc kuex lvp wuez muq.

TRI CHONGKE 5:1

Moshe rueq Israel miqsaz htenc kuex gvl vtueq tsuingshiq muex vkhoc jungx kuq tueq, “Israel miqsaz htenc lex, majuiuc raungnuiyq nuimshiq muex ngaz rueq kuq phaungx tvrac lotlaz kuex tay wuez shuinz. Kvruex tvrac htenc kuex tvluing vtueq phvnc tvkoc honc lvmz wuez shuinz.

TRI CHONGKE 5:31

Yuq muinz mnoz kuex ngaz rulc lawx httax kuiuz, ngaz rueq kuq phaungx mungtan kvmaq nuimshiq rueq phvnc tvkoc ngvy tvrac htenc nuiyc ngaz rueq nvr phaungx htenc kuex tsuingshiq muex tvluing jungx kuq shuiuz,’ ngoz tueq jungx phuex.

TRI CHONGKE 6:1

“Vruex htenc kuex nuimshiq muex tvluingc kuy tvkoc Yehowa nuimshiq Tishox rueq ngaz muex nvr phuex tvrac lotlaz rvtueq. Nuimshiq nyuip vtueq lvp khvt wvnc shuinx mungtan maq vruex tvrac htenc kuex phvnx wuez shuinz.

TRI CHONGKE 6:20

“Yix maq nuimshiq suiuz vsaz hez rueq nuimshiq muex ngoc, ‘Yehowa naungshiq Tishox rueq vruex tvrac htenc kuex yvmx ngoz tueq lac tv-phvnc yaq nguinx?’ ngoz tueq wiz ruiux yuq,

1 Thessalonians 4:1

Tvsuip nuex, phunox bix lex, Tishox rueq raungc raq laz juing nuimshiq yvmx khoc rullungx tvraungx juing lac kuex nuiyshiq kox wawc nuimshiq rueq tvluing wvnc tuit shex. Nuimshiq kvruex khoc rullungx tvraungx httax wuez vtuinx. Kvruex htauk nuex jvnc vtueq shuimc lvp tvkoc Taungjix Yesu muingc maq nuimshiq muex nuiyshiq rueq htuiuz shuiuz jungx vphix.