Biblia Todo Logo
La Biblia Online
- Anuncios -




DUNGWVNC 20:23 - Hawa Naga Bible 2001

23 Nuimshiq rueq ngaz maq lvy vtueq kuimphox, rvmuq ngoz ruiux kuimshawx maq tishox htenc yac kuex tvhungx mvy muq, nuimshiq rueq ngaz vruex dvyx nawk palx rax.

Ver Capítulo Copiar

ASII LAKDAP Bible (BSI)

23 Namshiq Ngi tiitsuq ma shomnoq wan miitu phra thun ka kampho maq riimakla chaq maq naq klo rongkiq.

Ver Capítulo Copiar




DUNGWVNC 20:23
21 Referencias Cruzadas  

Kvkhoc rvtueq tsuingshiq rueq Yehowa muex nawk palx wuez tueq, yuq muinz tsuingshiq waung wvnc tueq mungtan htenc wawc htungx vlayx htenc rulc rv-ngvlc tsuingshiq tishox htenc muex muinz nawk palx wuez tueq.


Kvkhoc rvtueq miq htenc rueq Yehowa muex nawk palx wuez yaq, yuq muinz tsuingshiq rueq yac yuimx htenc muinz nawk palx wuez yaq; majuiuc raungnuiyq nuex httuiuc laz tsuingshiq suiuz vsaz htenc rueq kvkhoc dvyx shuimx wuez yaq.


Moshe kuex Yehowa kox nuex yek waung vtueq jungx tueq kuex, “Vruex miq htenc vraq mvrax yunghvlc yaq gay tueq. Tsuingshiq rueq tishox yac kuex kuimshawx maq tvhungx guirx vtueq nawk palx gay tueq.


“Tvyuimx lauz vruex maq tishox htenc kuex nauk tvhungx, nauk nawk palx kaz.


Johvlc Yehowa rueq, “Israel miqsaz lotlaz lex, majuiuc nuimshiq kuex vlenc vlauk httax kuinz! Kvkhoc tvhttoarc vtueq nuimshiq yac yuimx muex nawk shuinz! Yuq muinz majuiuc vmaq phaungc vtueq ngvy kvjaz kuex phvnc rax, yac yuimx htenc muex yauk noalc shomc kuq vtueq ngvy vsawc muingc kuex shummarc mvy muq, ngoz tueq nuimshiq muex honc tvsvmz vphaungx.


Hokhvmx bix rueq tsuingshiq kaluix htung htenc nuiyc kaluix daungx htenc kuex ngvy Shomc Yuimx kaluix htung htenc nuiyc kaluix daungx htenc rulc nvp shauk tvhungx wuez tueq, kvkhoc rvtueq nuiyhez hvlwvl kuex khoalx tuk rueq dvyx tvhvl tueq. Tsuingshiq rueq miqsuirc vsac phvnx htenc shuimx kaz vtueq ngvy vsawc muingc kuex shummarc wuez yaq, kvkhoc ningkhvnc nuex ngvy thuinkhaq vtueq tsuingshiq kuex tvbac gay tauk.


Mnoz rueq raungmungx Taungjix kuex khawx lvlx vtueq vpiq Shomc Yuimx wawc vlvmz wvnc kok nuiyc wanc htenc kuex lvmz vshuiux. Mnoz nuiyc mnoz vyungx vlaungx bix muinz, mtaungx nyuiuz hez nuiyc mtaungx nyuiuz ruinx hez rueq muinz kvyuq svpiq tix nuingx vtueq, kuimshawx, kuimphox, nvyrvyx, yanx, pulx nuiyc lung htenc maq vtvhungx muik khiz muq, nac tay muq, yvmx muinz tuiuz muq tishox htenc muex tvtsvmc kvmc wuez vshuinx. Yuq muinz mnoz kuex mrullungx nuiyc mnoz rueq shuimx kaz vshuiux phvnx ruip saz kuex shuimc lawc jix Tishox muex tvtsanc nganc vshuiux rvmuq.


kuimshawx, kuimphox, nvyrvyx, yanx, pulx nuiyc lung htenc maq vtvhungx maq tishox htenc muex tvtsvmc kvmc wuez tueq.


“Ngaz kuex tvdux gay ruiux yac yuimx kuex nauk nawk palx kaz; tvyuimx vtueq tishox htenc kuex nauk tvhungx, nauk nawk palx kaz. Ngaz kuex Yehowa nuimshiq Tishox rvtauk.


Ukhaq muinz miqmac yuimx wux khux htauk nuex duiz vtueq shalx, yapix nuiyc ruiysuiyq htenc nawk palx jix kuex ngaz rueq tvbac gay shaungx. Ngaz muex nawk palx vtueq tvmtuing httax taungx ngoz tueq kvtuemc tvy jix htenc kuex ngvy kox wawc dawk wvnc vtueq Molek tishox muingc maq kvtuemc jix htenc kuex ngaz rueq tvbac gay shaungx.


“‘Yehowa rueq yac yuimx nawk palx htungx kuex shuiuc pac yaq ningkhvnc nuex, Lung, pulx nuiyc tvyuimx vruex phvnx maq tvhungx guirx vtueq vguiuq vyumx maq nawk palx jix waz kuex Tishox mvnhttonc m-gurx shueq.’ “Kvkaq miq lotlaz rueq, ‘Amen!’ ngoz tueq tvralc wuez rax.


Pulx, lung, kuimphox nuiyc kuimshawx htenc maq vtvhungx guirx tsuingshiq nuex miqsuirc vsac phvnx yac yuimx htenc kuex nuimshiq rueq khiz wvnc tuit.


Yuq muinz miq rvmuq layx bac jix htenc, mantan htaqpix shuimc jix htenc, sahtok sapawx shuimc jix htenc, miq thvy jix htenc, yac yuimx nawk palx jix htenc, vrot vkaq lvmz raungc raq vtueq shuimx kay jix htenc lotlaz kuex ghaqyungx phic kox nuex httax wuez tuex, ngoz tueq jungx phuex.


Piq rueq kvruex kuimphox sawx kuex vnyuiuz muex yez kuq yek koq tueq, vnyuiuz rueq, “Isaz htauk nuex mvnhttonx kvdaungc muq tvkoc kuimphox kvruex Yehowa muex kvtuemc vtueq lekuq vphaungx. Kuimphox maq vtvsvp rvp pulx yac yuimx vshiz tvhungx tvkoc kvruex kuimphox sawx kuex shuimx rax. Kvkhoc rvtueq majuiuc ngaz rueq mnoz muex kuimphox sawx kuex tvyez kuq yek vphaungx,” ngoz tueq jungx tueq.


Síguenos en:

Anuncios


Anuncios


¡Síguenos en WhatsApp! Síguenos