DUNGWVNC 20:20 - Hawa Naga Bible 2001

²⁰ Moshe rueq, “Nauk hiyaz kaz; nuimshiq kuex talc lawc muinz, nuimshiq rueq mvrax yaq muit maq vpiq kvjaz phvnx tvkoc muinz, Tishox kuex httuiuc kaz tueq,” ngoz tueq jungx tueq.

ASII LAKDAP Bible (BSI)

²⁰ Kiijiishe Mosheq raq treto, “Naqhai rongkiq. Shiikeawe ka namshiq tairai kai li kito. Raüta namshiq raq apaiq bom ka phaqchii nichii maq tai wan ruq ratlo. Kra riihanla ngarai na dea man mirhan.”

DUNGWVNC 20:20 Referencias Cruzadas

RAPHA HIQWA LAK 20:11

Abraham rueq, “Vruex hong wawc miq htenc kuex Tishox muex hiyaz wuez muq, itaungx nyuiuz kuex nyvlc wvnc tvkoc ngaz kuex thvt gay phuex, ngoz tueq tvmaung tauk.

RAPHA HIQWA LAK 22:1

Kvruex yimaq Tishox rueq Abraham kuex taruiyx tueq; vpiq rueq, “Abraham!” ngoz tueq gvl koq tueq Abraham rueq, “Ayc, ngaz vyuq luez!” ngoz tueq tvralc tueq.

RAPHA HIQWA LAK 22:12

Raungkamx waz rueq, “Nox kvruex nauk tuingc kaz, piq kuex yvmx muinz nauk ruez kaz. Msaz washiz lauklauk kuex vpiq muex kuy tvkoc mnoz rueq tvlvlc muq rvtoq ningkhvnc nuex, Tishox muex mnoz hiyaz tvtsanc nganc vtueq tay phvnx vshuiux kuex majuiuc ngaz rueq tuiuz tauk shex,” ngoz tueq jungx tueq.

NEHEMIA 5:15

Ngaz rueq max shuimx shauk kungkhux nuex mungx walaungx yaungc jix bix rueq kuex mungx miqsaz muex gurc liq tvgurc wvnc tueq, mungx miqsaz kox wawc lvmx svy nuiyc svpiq tix laung nuex nuiyq shiz nuex kuimphox sawx rok bvlic thoz tueq. Tsuingshiq nvrc waz hez rueq doc muinz mungx miqsaz kuex tuinghtuing wuez tueq. Yuq muinz ngaz kuex Tishox muex tvtsanc nganc jix ningkhvnc nuex kvkhoc kuex ruez rvmauk.

YOBA 28:28

Tishox rueq miq htenc muex ngoc, “Nuimshiq kuex taksux tharc httaz tvkoc Taungjix muex hiyaz tvtsanc nganc rax. Nuimshiq rueq tuiuz tay wvnc tvkoc layx vbac wawc kvroz wvnc yek tuinx rvtueq,” ngoz tueq jungx tueq.

DUNGWVNC 14:13

Moshe rueq, “Nauk hiyaz kaz! Phaungx duing rvwuez kuinz, majuiuc raungnuiyq Yehowa rueq nuimshiq yvmx khoc lac palc wvnc kv-phuinx kuex khiz wuez shuinx; nuimshiq rueq vruex Ejip nuk htenc kuex yix maq mkaq muinz khiz yek shuinx rvmuq shex.

TAKSU LAK 1:7

Mnoz kuex phaqjic lvp tvkoc vphaungc nuex Yehowa muex hiyaz tvtsanc nganc thuinz httax wvnc toq. Miqyaq jix rueq taksux tharc vhtawz kuex tuiuz wuez muq, kvruex tvluingc tvkoc tvlvlc wuez yaq.

TAKSU LAK 16:6

Tvmtuing raz tueq vlvmx yaungx kuiuz, ngoz ruiux Tishox rueq mmvrax kuex dawc kuq gay kv-phux. Yehowa kvjaz tay phvnx shuiuz, kvkaq honc bac phvnx yvmx muinz mnoz nuex yaungx wvnc rvhumc tuiux rvmuq.

TAKSU LAK 3:7

Mnoz tuiuz shuiux kvruex htauk nuex jvnc vtueq tvmaung tharc nauk httax kaz, Yehowa muex rvkhauk tay phvnx kuq ruiux, vyaq yauk shuimc kuex tvdux gay shuiuz.

ISAIA 41:10

Nauk hiz kaz, ngaz kuex mnoz rulc vdvmz! Ngaz kuex m-Tishox rvtauk, mnoz muex yvmx muinz tvhiz sungx muq mruez shueq! Ngaz rueq mnoz muex tvhung ruiux, romc kuq phaungx; Ngaz rueq mnoz kuex tvkhup wungx ruiux palc wvnc phaungx.

ISAIA 41:13

Ngaz kuex Yehowa m-Tishox rvtauk; Ngaz rueq mnoz muex hungc kuq vtueq mnoz muex, ‘Nauk hiz kaz; ngaz rueq mnoz muex romc kuq phaungx,’ ngoz tueq jungx phaungx.

ISAIA 8:13

Ngaz kuex, Tvphaungc Tvsuip Yehowa vsawc rvtauk, tvtsuingc taq shuinz; ngaz kuex mnoz hiyaz vtuiux waz rvtauk.

TRI CHONGKE 10:12

“Majuiuc, Israel miqsaz lex, Yehowa nuimshiq Tishox rueq nuimshiq kox wawc yvmx lac thoz yaq nguinx tay shuinz: Yehowa muex nawk palx vtueq vpiq rueq nvr yaq lotlaz kuex shuimx shuinz. Vpiq muex lungwawx shuinz, nuimshiq thuinz vmungx lotlaz maq vpiq muex shuimc kaz kuq vtueq,

TRI CHONGKE 13:3

piq kvjaz kuex tay mvy muq. Nuimshiq rueq Yehowa kuex miqmac thuinz vmungx maq lungwawx yaq shuex lungwawx muq lac kuex tuiuz lot tvkoc Yehowa nuimshiq Tishox rueq kvruex waz kvmaq nuimshiq kuex tvtaruiyx lawc yaq.

TRI CHONGKE 4:10

Sinai Kanx maq Yehowa nuimshiq Tishox khaungkac nuex jvp tuit raungnuiyq ikaq vpiq rueq ngaz muex ngoc, ‘Miq htenc kuex tvtuimx shuiuz. Ngaz rueq jungx phaungx kvjaz kuex tay shuiuz, ngoz ruiux yuq jix tsuingshiq tvraungx httax tuex wawwawx ngvy kvjaz tay phvnx vtueq kvrulc rv-ngvlc hulawx tsuingshiq suiuz vsaz htenc muex tvluing jungphvnx kuq lvp laz juing ngaz rueq jungx vshaungx kvjaz tsuingshiq muex tvtay wvnc roc vshaungx,’ ngoz tueq ngaz muex jungx kuq phuex.

TRI CHONGKE 6:2

Nuimshiq nuiyc nuimshiq suiuz vsaz phvnx htenc tvraungx httax ngaungc tuinx wawwawx Yehowa nuimshiq Tishox muex hiyaz tvtsanc nganc wuez shuinz. Nuimshiq kuex kvruex mungtan kvyuq loayc hvlc httaz lvp tvkoc ngaz rueq kuq phaungx tvrac htenc kuex phvnx wuez shuinz.

TRI CHONGKE 6:24

Kvruex yimaq Yehowa naungshiq Tishox rueq tvrac lotlaz kuex phvnc tvkoc nuiyc vpiq muex tvtsanc nganc tvkoc tvkhic kuq shec phuex.

TRI CHONGKE 8:16

Kumtsvy tvnx maq nuimshiq jix vwaz tamx rueq phauk saq muq doc phvnx manna wanx kuex tvsaq tueq. Vtvsuip nuex nuimshiq rueq ruimrix lvp wvnc tvkoc nuimshiq kuex kuilc daz htemc rvmc tvrvhumc kv-phuinx, kvkhoc kuilc daz tvrvhumc kv-phuinx lvmz kuex nuimshiq taruiyx lawc tvkoc rvtueq.

TRI CHONGKE 8:2

Nuimshiq kuex taruiyx lawc tvkoc ngoz tueq, vgvrx vtsvrx phvnx htenc kuex tvkaz ruiux vpiq rueq nvr yaq kvjaz htenc kuex tay phvnx vtueq shuimc kay thuinz httax yaq httax muq tuiuz lot laz juing, lvy wvnc tueq wawc rok bvlic tup Yehowa nuimshiq Tishox rueq kumtsvy tvnx lvmx luz kuex mkhoc lac shvlx kv-phuinx rvwvl shuinz.

JOSHUA 24:14

Yoshua rueq, “Majuiuc nuimshiq rueq Yehowa muex tvtsanc nganc vtueq, kenrix rix maq nuiyc tvmtuing maq vpiq kuex nawk palx wuez shuinz. Mesopotamia nuiyc Ejip mungx maq nuimshiq jix vwaz tamx rueq nawk palx wvnc tueq tishox htenc kuex tuip gay ruiux, Yehowa muex dvyx nawk palx wuez shuinz.

1 SAMUEL 12:20

Samuel rueq, “Nauk hiz wuez kaz, nuimshiq rueq kvkhoc layx vbac kuex nuimshiq rueq shuimx gay tuit, yuq muinz Yehowa kox maq nauk kvroz wvnc wuez kaz, nuimshiq thuinz vmungx lotlaz maq vpiq muex shuimx kuq wuez shuinz.