DUNGWVNC 2:5 - Hawa Naga Bible 2001

⁵ Hokhvmx saz yalxjuik saz kuex yuix rvhoalc muex yuix ruilx nuex svt kaz yaq nuex, piq nvrc nyuiuz hez rueq yuix kawx kvyuq khuemx vtueq bvmc wuez yaq. Huingc rvhek maq piq rueq gomx ruix mungx wawc boarx kuex khiz vtueq, dax nyuiuz shiz muex boarx kuex tvlvmz kaz tueq.

ASII LAKDAP Bible (BSI)

⁵ Hokhamwe se jechakse ka kiijaq aju hekai kito. Kra liipan na ajaqshi nyungsetiim ka kra jürai kii na akhumsea riito. Tiidongchhaq miili apaiq raq kra hongkii ka sangphii rü aluwiq ba kiijaq tiiwe raü chhito. Kiimaq apaiq raq adi nyung jechakse ashi ka tiiki raüta kra hongkii ka tlam kito.

DUNGWVNC 2:5 Referencias Cruzadas

1 HOKHVMX 17:6

Wuzkhax rueq piq phuiuz svy juing wanx nuiyc jac kuex raungx nvp tek, raungyac tek lvmz kuq laq ruiux shuex, yuix saz ruilx wawc yuix kuex piq rueq nuingx lvp yaq.

Tvtsvmc 12:5

Yehowa rueq, “Yuq muinz htem-suiuz rvmsaz jix tvkuilc daz rvhumc yaq ningkhvnc nuex muinz, vguirc vguenc rvhumc jix kuex vthuiuz vsac nuiyc vhuinc vsez rvyaq ningkhvnc nuex muinz, ngaz majuiuc dvyx kaz raungx. Tsuingshiq rueq raungc raq yaq vhiz rac muq kvwungx juing kuex ngaz rueq kuq shaungx,” ngoz tueq jungx tueq.

Tvtsvmc 46:1

Tishox kuex naungshiq kvwungx juing hungc vlaungc rvtueq, kuilc daz rvhumc tix nuex romc kuy tvkoc tvyoalc yoalx httax yaq.

Tvtsvmc 76:10

Miqsaz thuinkhvy kuex mnoz tvkoc pinhtumc tvtsvmc juing muex dvyx tvyaungc kuq yaq; ralx khvt nuex thueyc muq tvraungx kvjungx yaq htenc kuex mnoz rueq htvp htaz taq toq moalx htenc nuex vkoz vkez maq lomx lvp tuex.

Tvtsvmc 9:9

Yehowa kuex vguirc vguenc rvhumc jix miqsaz kvwungx juing rvtueq, vkuilc vdaz rvhumc tuex nuex kvkhup wungx juing baung rvtueq.

DUNGWVNC 2:6

Hokhvmx saz rueq boarx kvruex lanx lawc koq tueq, khoar thuiyc yaq nox kvruex khiz vtueq vmenjenc svy ningkhvnc nuex, “Nox vruex kuex Hebre phvnx nox rvtueq ngoc raung,” ngoz tueq.

DUNGWVNC 7:15

Kvkhoc rvtueq piq raungnvp nuex Nile ruilx kox nuex svt kaz yaq kvkaq, piq rulc rvhumc kaz kuinz. Mngvl htulc puiuc muex yaungx tueq kuex lvmz laq vtueq, yuix kawx kvmaq bvmc kaz kuinz.

DUNGWVNC 8:20

Yehowa rueq Moshe muex ngoc, “Invp raungnvp nuex hokhvmx waz kuex yuix kawx nuex kaz yaq kvyuq piq rulc rvhumc kaz vtueq, piq muex ngoc Yehowa rueq vkhoc ngoz yaq, ‘Ngaz muex nawk palx kay ngvy miqsaz htenc kuex tvkaz shuiuz.

TAKSU LAK 21:1

Yehowa rueq yuix ruilx piq kay juing lvmx kuex yoalx rek dvyx wek wiz gay yaq ikhoc, hokhvmx waz thuinz kuex yoalx rekrek ruip rux lot yaq.

Jona 1:17

Yehowa rueq nvr tueq rulc rv-ngvlc ngaq yunghvlc kuiux shiz rueq Yona kuex yuk gay tueq, piq kuex ngaq wuk mungx nuex vnuiyq nuiyq thuimx vwvrx wvrx thuimx httax yaq.

Jona 2:10

Kvruex yimaq Yehowa rueq ngaq kuiux muex nvr koq tueq ngaq kuiux rueq Yona kuex taungkawx htauk nuex phaay gay waung tueq.

Acts 7:21

Piq kuex yuzphic nuex gay kaz koq tueq hokhvmx waz saz yalxjuik saz rueq khiz vtueq, vsaz muex tvyaungc wvnc tueq.