DUNGWVNC 2:3 - Hawa Naga Bible 2001

³ Yuq muinz vnyuiuz rueq vsaz kuex httuiyq tvwungx lot muq shex ningkhvnc nuex, gomx kawz maq boarx vshiz way tvhungx vtueq yuix bulrix nuiyc pulx tix maq tsac ruiux, nox kuex boarx kvyuq htawc vtueq yuix kawx gomx ruix nyuing nuex taq shec tueq.

ASII LAKDAP Bible (BSI)

³ Shatmaq apaiq raq no ka alu paülot mak she riito. Kra ningkhan apaiq raq hongkii ashi tingjang kii maq awai kra kaichangtai maq loto. Raüta kham raq chhemak chang kloto. Raüta apaiq raq no ka kra hongkii mong na tiiweto. Raüta jüraikii na sangphii aluwiq ba na tiiweto.

DUNGWVNC 2:3 Referencias Cruzadas

RAPHA HIQWA LAK 11:3

Kvkaq tsuingshiq rueq, “Kaz luit! Ghaqlung htenc kuex tvtsanz shuz wuez ix,” ngoz tueq rvjungc wuez tueq. Kvkhoc rvtueq tsuingshiq rueq vguirc tvkoc ghaqlung nuiyc ghaqlung htenc kuex tv-phaungx tvkoc rvpshuirx phvnx shiz humc wuez tueq.

RAPHA HIQWA LAK 14:10

Kvruex warc tvnx nuex shuirx khurx sawc sauk httax yaq, kvkaq Sodom nuiyc Gomorra hokhvmx bix kuex ralx rvkhvt yaq kvwawc yuz wvnc vtueq, kvruex khurx htenc kvyuq htuip kaz wuez tueq; yuq muinz vganc hokhvmx wathuimx kuex kuz nuex yuz wvnc tueq.

RAPHA HIQWA LAK 6:14

Mtvkoc vhvlx phvnx pulx maq lix vshiz tvhungx guirx shuiuz; khok htenc tvhungx vtueq vtsec kox nuiyc vmungx kox kuex shuirx maq tsac shuiuz.

DUNGWVNC 1:22

Kvkhoc ningkhvnc nuex hokhvmx rueq, “Hebre nyuiuz tamx rueq vjawx miqwaz saz vngoz htenc kuex Sinai yuix yungx kvyuq tuip gay rax, yalxjuik sahez kvdvyx vtvraungx tvy rax,” ngoz tueq piq miq muex bomc tvdvy kuq tueq.

ISAIA 18:2

Kvruex mungtan wawc kamx waz hez kuex may-o kawx maq vtvhungx wonz htenc nuex ngaungc vtueq Nile ruilx nuex kaz wvnc wuez tueq. Htuik vhtat thaungc gurc pic jix kamx waz hez lex, yuimx nuex yek wuez kuinz! Yuix ruilx htenc maq tv-phvlc shec tueq mmungtan nuex, hungc hvlc mnoz luimc vkawc httax yaq miqphvnx kox nuex, vshvmx loayc hvlc gvnz vnyel mmiqsaz htenc ngoz yaq mungkawx lotlaz hiz yaq hez kox nuex bomjungc vruex lvmz wvnc yek shuinz.

ISAIA 19:6

Yuix ruilx htenc kuex raungluingx luingx maq ruic wvnc vtueq, yuix saz ruilx htenc kuex vnvmc thuingc thuingx tuex. May-o nuiyc tuingyawx htenc muinz shanx wvnc tuex,

ISAIA 35:7

khamc thvt yaq kumtsvy tvnx kuex yuix jumx muex yaungx tuex, httuiz rawk yaq ghaq kuex yuix jumx htenc muex yaungx tuex. Yaruix guyhex htenc httax wvnc tueq baung kuex httuingx nuiyc may-o htenc kemz wvnc tuex.

Matthew 2:13

Tsuinghez waungc wvnc yix Taungjix vpiq kamx waz washiz kuex Yosep maung nuex kvkhic kaz vtueq, “Herod rueq nox kvruex thvy gay tvkoc thuiyx yaq. Kvkhoc rvtueq kvtenc kuiuz, nox nueyc saqnyuiuz kuex shvlx wvnc vtueq Ejip mungx nuex yuz wvnc kuiuz, ngaz rueq gvl mauk wawwawx kvyuq lawx httax kuiuz,” ngoz tueq jungx tueq.

Matthew 2:16

Shaldungc mungx wawc phaqjic vhttax jix hez rueq piq lauc gay shec tueq lvmz Herod rueq helc vtueq piq pinhtumc vthuinz khaq tueq. Kvkhoc rvtueq phaqjic vhttax jix hez kox wawc wisoz tuiuz tueq rulc rv-ngvlc ruiysuiyq khiz tueq vkhing kuex hesap lawc vtueq Betlehem nuiyc kvruex tvroz miqghaq htenc wawc rullungx wawc nueyc maq kaq kox miqwaz saz htenc kuex lotlaz thvy gay tvkoc nvr tueq.

Acts 7:19

Kvruex hokhvmx waz kvraq naungshiq jix vwaz htenc kuex tvkuilc daz guirguenz wvnc tueq, tsuingshiq suiuz vsaz noshawx sahez htenc kuex tvthueyc tvkoc yuzphic nuex tvtuip gay kaz ruiux tuex.