DUNGWVNC 2:11 - Hawa Naga Bible 2001

¹¹ Moshe kuex peluz wvnc vtueq piq phvnx vmaq Hebre miqsaz kox nuex khuemx shamx guilc kaz tueq, tsuingshiq rueq yauk shuimc gvrc hvlc hunnyex shuimx yaq kuex piq rueq khiz tueq. Ejip miq washiz rueq piq phvnx Hebre miqsaz washiz wungthvt yaq kuex khiz tueq.

ASII LAKDAP Bible (BSI)

¹¹ Ümtiikiiwa Mosheq ka maiqla she riitaq, apaiq ka maiqmiinok ahiq Hibrunok rai riihumkai kihoto. Tsangshiq nok ka ningkun maq shiitep raüta jaqsham henghea tiishamtlaq kra apaiq raq chhito. Kiimaq apaiq raq Ejipnok maiq weshi raq Hibruwe, Mosheq apaiq kra nok phan maiq weshi tseabaiq kra chhito.

DUNGWVNC 2:11 Referencias Cruzadas

DUNGWVNC 1:11

Kvkhoc rvtueq Ejip miqsaz rueq tsuingshiq htauk nuex dax yauk shuimc lawc jix kuex thvl taq vtueq, vgvrx vtsvrx yauk shuimc nuiyc tsuingshiq thuinz htenc kuex tvnulx tawk gay tueq. Israel miqsaz htenc rueq hokhvmx tvkoc taungx vwawx tvy juing baung Pithom nuiyc Ramese ghaqyungx kuex Israel miqsaz muex tvguirc tueq.

DUNGWVNC 3:7

Kvruex yimaq Yehowa rueq, “Ngvy miqsaz htenc Ejip mungx nuex kuilc daz rvhumc yaq kuex ngaz rueq rvkhauk laz khiz tauk; tsuingshiq muex nvrc jix hez rueq guirguenz yaq kuex nanx lot muq ningkhvnc nuex tsuingshiq muex romc lawc kuy tvkoc guyc sez kvjaz kuex ngaz rueq tay tauk. Tsuingshiq rvhumc yaq htemc vrvmc lotlaz ngaz rueq tuiuz yaq,

DUNGWVNC 5:14

Ejip miqsaz dax muex tvkuiux raz kuy jix hez rueq yauk shuimc shunshvlc muex vthvl taq Israel walaungx bix kuex wungthvt tueq. Tsuinghez rueq, “Vruex miq htenc kuex kungkhux nuex nuimhez rueq shuimx ruiux shuinx rulc rv-ngvlc yvmx ngoz tueq lac shuimx muit?” ngoz tueq wiz tueq.

DUNGWVNC 5:4

Hokhvmx waz rueq Moshe nuiyc Arun muex ngoc, “Vruex hez kuex yvmx ngoz tueq lac yauk shuimc tvjamz laq shuinx? Yauk shuimc juing kvyuq mkaz wuez kueq!

DUNGWVNC 5:5

Nuimshiq miqsaz htenc kuex Ejip miqsaz htenc htauk nuex muinz vpaung shex. Majuiuc nuimshiq rueq yauk shuimc httvrc gay roc haz dvnc vshuinx?” ngoz tueq httonx tueq.

DUNGWVNC 5:9

Tsuingshiq muex yauk shuimc vgvrx kuex nvp hvt maq tvshuimc shuinz, kvkhoc ngoz ruiux jix tsuingshiq muex laulawc yaq kvjaz kuex tay tvkoc vkhing lvp muq rvshuex,” ngoz tueq jungx tueq.

DUNGWVNC 6:6

Kvkhoc rvtueq Israel miqsaz muex vkhoc jungx kuq shuiuz, ‘Ngaz kuex Yehowa rvtauk; Ejip miqsaz kox nuex dax muex yaungx vtuinx kvwawc ngaz rueq nuimshiq kuex tvdung wvnc phaungx. Ngvy yauk phumz hungc vlaungc tvlanc vtueq, tsuingshiq htauk nuex vhiz juing murx tvgurc ruiux, nuimshiq kuex palc wvnc phaungx.

DUNGWVNC 6:7

Ngaz rueq nuimshiq kuex ngvy miqsaz muex thvl wvnc phaungx, ngaz kuex nuimshiq Tishox muex yaungx taungx. Nuimshiq kuex dax muex tvyaungc jix Ejip yauk wawc ngaz rueq tvdung wvnc ruiux yuq, ngaz kuex nuimshiq Yehowa Tishox rvtauk kuex nuimshiq rueq tuiuz wvnc wuez shuinz.

ISAIA 58:6

“Ngaz rueq roc vshaungx phuiuz svy mamc lvmx kuex vkhoc rvtueq: vguirc vguenc ngoz yaq vkhvrc buinc ruiuz kuex jumz gay ruiux, tvrac rvmuq kuex lvmz gay vtueq vguirc vguenc rvhumc jix kuex tvdungc wvnc rax.

Matthew 11:28

“Gurc liq hvlc gurx vtueq hunnyex jix htenc lex, ngvy kox nuex waung luit, ngaz rueq nyec tvkuiyq kuq phaungx.

Luke 4:18

“Taungjix Siyac kuex ngvy htauk nuex svt kaz ruex; htemc saz jix muex thuix thaungx vhvlx jungc kuy tvkoc vpiq rueq ngaz muex vpuiz tix maq nyvt kuq phuex. Khvrc buinc rvhumc jix htenc tvdung wvnc shuex lvmz nuiyc, muik mawz jix htenc rueq muik khiz wvnc shuex lvmz jungphvnc kuy tvkoc muinz; tuinghtuing rvhumc jix htenc palc wvnc shuex lvmz muinz;