DUNGWVNC 18:16 - Hawa Naga Bible 2001

¹⁶ Miq wanueyc rvkhawc lvlc ruiux yuq, ngaz rueq tvkuiux rax kuy tvkoc ngaz kox nuex kaz yaq, ngaz rueq tsuingshiq muex Tishox rueq nvr yaq nuiyc tvrac htenc kuex jungx kuq vshaungx,” ngoz tueq tvralc tueq.

ASII LAKDAP Bible (BSI)

¹⁶ Maiq wenai liipan na tatso raüla, tsangnai ka ngi phana watlo. Kiimaq ngi raq juwa ajiq juwa alam kha kra phokuq tiikang. Kiimaq ngi raq tsangshiq ma Shiikeawe aming thun nai thung tri thun kra chongkuq tiikang.”

DUNGWVNC 18:16 Referencias Cruzadas

2 SAMUEL 15:3

Absalom rueq, “Lawc shuiuz, tvrac kuex mnoz kox nuex rvtueq, yuq muinz mnoz khuec vkhac kuex tay kuy jix hokhvmx waz rueq vthvl taq miq ukhaq muinz vguez,” ngoz tueq jungx tueq.

2 KAÜWA WERAÜ 19:10

Miq ghaqyungx htenc nuex httax yaq nuimshiq phuz vnox hez rueq nuimshiq htumc nuex miq thvy gay khac, tvrac rvmuq ngoz ruiux vnvrc bomc, vshiz shiz muex vyaq gay mvrax jungx kaz ruiux yuq, tsuingshiq kuex Yehowa khaungkac nuex mvrax yaq muq laz juing khac phox yaq baunglaung tsuingshiq shauk pumz mkhoc httaz juing lac lvmz kuex tvmtuing maq tsuingshiq muex lvmx shvlc kuy juing rvtuex. Kvkhoc honc tvsvmz kuq muit ngoz ruiux yuq, nuimshiq nuiyc nuimshiq phuz vnox htenc Yehowa thuinkhvy hungc rulc rvhumc tuinx. Yuq muinz nuimshiq rueq gurc pic juing gurc kuex tvkhvlc muit ngoz ruiux yuq, nuimshiq mvrax kuex kop muq rvtuex.

YOBA 31:13

Ngvy nvrc waz hez wawc vshiz shiz rueq ngaz muex kvbot nyvnx ngoz ngax ruiux yuq, piq rueq ngoz yaq kuex ngaz rueq tay kuq vtueq piq rulc rungrungx raraz ruez shaungx.

DUNGWVNC 18:17

Kvruex yimaq Jethro rueq Moshe muex ngoc, “Mnoz rueq shuimx vshuiux kuex aungx muq.

DUNGWVNC 2:13

Nvp yix raungnuiyq hulawx piq kaz yek koq tueq, Hebre miq wanueyc rvthvy thuiyc yaq kuex khiz kaz tueq. Piq rueq vyaq jix waz kvmac ngoc, “Yvmx ngoz tueq lac mnoz rueq Hebre miqsaz vdvmz dvmz kuex thvt laq shuiux?” ngoz tueq.

DUNGWVNC 23:7

Vyaq mvrax nauk nyvnc kaz, mvrax vguez miq kuex vthueyc juing nuex nauk phox kuq kaz, yvmx khoc lac ngoz ruiux lec kvkhoc layx vbac yauk shuimc jix ukhaq yuq muinz ngaz rueq phox gay shaungx.

DUNGWVNC 24:14

Moshe rueq walaungx bix muex ngoc, “Nvnueyc yek kaz rix nuex httuiuc laz jerak vruex maq bvmc laz kuit. Arun nuiyc Hur muinz nuimshiq rulc vyuq dvyx; kvkhoc rvtueq nuimshiq rvkhawc rvlvlc juing dung ruiux yuq, kvruex tvrungx raz kay tsuingnueyc kox nuex kaz kuinz,” ngoz tueq jungx tueq.

LEWI 24:15

Kvruex yimaq ukhaq yuq muinz Tishox muex mvnhttonc jix waz kuex piq mvrax gur vtueq vthueyc rvhumc tuex lvmz,

WEAWEA 15:35

Yehowa rueq Moshe muex ngoc, “Kvruex waz kuex vthueyc murx tvgurc rax; miq phungc kvruex raq piq kuex jerak phic kvyuq lung maq tuip vtueq thvy gay rax,” ngoz tueq jungx tueq.

Matthew 28:20

ngaz rueq nuimshiq muex nvr vphaungx phvnx ruip saz kuex phvnx wuez shuinz, tsuingshiq muex tvluing kuq shuinz. Kvdvyx muinz rvmuq ghaq vpat htumx wvnc tuex nuex httuiuc laz ngaz kuex nuimshiq rulc vdvmz mkaq muinz httaz naungx phaungx,” ngoz tueq jungx kuq tueq.

1 Corinthians 6:1

Nuimshiq vdvmz dvmz khuec vkhac dung ruiux yuq, Tishox miqsaz htenc rueq tvraz tsaz kuq yaq kuex lvp wvnc tvraung, yvmx ngoz tueq lac pungmungx jix phoc waz kox nuex kaz khvmc vtuinx?

TRI CHONGKE 4:5

“Yehowa ngvy Tishox rueq jungx kuq wvnc phuex rulc rv-ngvlc ngaz rueq tvrac lotlaz kuex nuimshiq muex tvluing kuq wvnc phaungx shex. Nuimshiq rueq khvt lvp wvnc vtueq httax kaz tuinx mungx kvmaq, kvruex tvrac kuex phvnx wuez shuinz.

TRI CHONGKE 5:1

Moshe rueq Israel miqsaz htenc kuex gvl vtueq tsuingshiq muex vkhoc jungx kuq tueq, “Israel miqsaz htenc lex, majuiuc raungnuiyq nuimshiq muex ngaz rueq kuq phaungx tvrac lotlaz kuex tay wuez shuinz. Kvruex tvrac htenc kuex tvluing vtueq phvnc tvkoc honc lvmz wuez shuinz.

TRI CHONGKE 6:1

“Vruex htenc kuex nuimshiq muex tvluingc kuy tvkoc Yehowa nuimshiq Tishox rueq ngaz muex nvr phuex tvrac lotlaz rvtueq. Nuimshiq nyuip vtueq lvp khvt wvnc shuinx mungtan maq vruex tvrac htenc kuex phvnx wuez shuinz.

1 SAMUEL 12:23

Ngvy tvkoc kuex thoz ruiux, nuimshiq tvkoc vjux thoz mauk ningkhvnc nuex, Yehowa muex yaq gay tauk wawc msawc m-yal wvnc kueq. Kvkhoc ruec tvraung, vhvlx nuiyc vlvmz kuex phvnc tvkoc ngaz rueq nuimshiq muex tvluing kuq phaungx.