DUNGWVNC 17:9 - Hawa Naga Bible 2001

⁹ Moshe rueq Yoshua muex ngoc, “Mnoz rueq invp raungnuiyq Amalek miqsaz kuex khvt tvkoc miq kuex thvl shuiuz. Ngaz kuex Tishox rueq kuq phuex ngvlhtulc kuex shuimx vtueq kankhux nuex jvp taungx,” ngoz tueq jungx tueq.

ASII LAKDAP Bible (BSI)

⁹ Kiimaq Mosheq raq Joshua ma nguto, “Maiq wiijam ka tsea laq. Laüta Amalakaiqnok ka anap ranaiq khatkikiq. Ngi ka hiq lam thaq na michapha. Lata Shiikeawe raq chongtaq kra phan phan nyeakii kra sham lata ra na doshat maq michapha.”

DUNGWVNC 17:9 Referencias Cruzadas

1 KAÜWA WERAÜ 7:27

Nun, Yoshua rvtueq.

DUNGWVNC 17:13

Kvkhoc ningkhvnc nuex Yoshua rueq Amalek miqsaz taungx gay tueq.

DUNGWVNC 18:21

Yuq muinz kvruex htauk nuex vshunc vshvlc jix miq wvyvmc kuex mnoz rueq thvl vtueq: miq hingshiz, shashiz, rok bv-ngac, rokshiz kuex shunshvlc lot jix walaungx bix kuex taq shuiuz; kvruex hez kuex Tishox muex hiyaz jix tvluimc juing miq, khauloayc yauk noalc lvmz muq jix yaungc rax.

DUNGWVNC 24:13

Moshe nuiyc piq yauk tvguip jix Yoshua rueq tvyoalc lot vtueq, Moshe kuex vsawc kanx nuex duiz waung tueq.

DUNGWVNC 33:11

Miqsaz vdvmz dvmz rvbomc yaq ikhoc, Yehowa kuex Moshe rulc khaungx rvhtux nuex raz tueq rvbomc naungx yaq. Kvruex yimaq Moshe kuex jerak nuex yek waung yaq. Yuq muinz piq muex romc kuy jix waz, Nun muex vsaz yalxrox waz Yoshua kuex Tap mungx nuex kvjungx kaz tueq.

DUNGWVNC 4:17

Ngvlhtulc kvruex kuex m-yauk nuex shuimx shuiuz; yvmx rvtueq lac ngoz ruiux lec kvruex maq mnoz rueq vwangc juing htenc kuex tvkhic shuiux,” ngoz tueq jungx tueq.

DUNGWVNC 4:2

Yehowa rueq, “M-yauk nuex yvmx lac shuimx vshuiux? ngoz tueq wiz tueq. “Ngvlhtulc shuimx vshaungx,” ngoz tueq tvralc tueq.

DUNGWVNC 4:20

Kvkhoc rvtueq Moshe rueq vjuik vsaz miqwaz sahez kuex loze htauk nuex tv-ngaungc ruiux, Tishox rueq tvlvmz laq tueq ngvlhtulc kuex shuimx vtueq Ejip nuex kaz wvnc tueq.

WEAWEA 11:28

Kvkaq nosaz maq phuex Moshe muex romc lawc kuy jix waz Nun muex vsaz Yoshua rueq Moshe muex ngoc, “Taungjix lex, tsuinghez kuex tvthauk gay shuiuz!” ngoz tueq nvr tueq.

WEAWEA 13:16

Kvruex hez htenc kuex Kanaan mungx helc kay tvkoc Moshe rueq vtvkaz sisunx jix hez rvtueq. Piq rueq Nun saz Hoshea kuex Yoshua ngoz tueq muingc kuex layc tueq.

WEAWEA 27:18

Yehowa rueq Moshe muex ngoc, “Nun saz Yoshua kuex hungc vlaungc vhttax khvmc yaq miq washiz rvtueq ningkhvnc nuex vkhux htauk nuex m-yauk tvdaungc kuq shuiuz.

Acts 7:45

Kvruex yimaq naungshiq jix vwaz tamx rueq miqmac jix vwaz tamx kox wawc kvruex tap kuex tvhttoarc shuimx wvnc vtueq, Tishox rueq yurc gay tueq miqsaz htenc mungx nuex Yoshua rulc vdvmz tsuingshiq rueq khvt wvnc naungx tueq nuex, Tap kvruex muinz pix wvnc tueq. Kvruex Tap kuex Dawid pat nuex httuiuc laz vhttax rvtueq.

TRI CHONGKE 32:44

Moshe nuiyc Nun saz Yoshua rueq vruex shic vngoyc kuex kvbot wuez koq tueq Israel miqsaz rueq tay lvp wuez tueq.

Hebrews 4:8

Mkhoc shoc maq Tishox bomkhvmc vkuq nyec tvkuiyq lvmz kuex Yoshua rueq miqsaz htenc muex kuq lot tueq shex ngoz ruiux, raungnuiyq vganc lvmz Tishox rueq jungx yek shuex rvmuq shex.

JOSHUA 8:18

Kvkaq Yehowa rueq Yoshua muex ngoc, “Mpaq kuex Ai ghaq kox kvyuq tvmuez shuiuz; kvruex ghaq kuex mnoz muex ngaz rueq lekuq vphaungx,” ngoz tueq jungx tueq. Yoshua rueq muinz vpiq rueq jungx tueq rulc rv-ngvlc ruez tueq,

JOSHUA 8:3

Kvkhoc rvtueq Yoshua kuex nolaungx bix lotlaz rulc vdvmz Ai ghaq nuex kay tvkoc tvyoalc wuez tueq. Piq rueq shvrvyx bix 30,000 kuex httauk vtueq raungwvrx nuex tvkaz gay ruiux,