DUNGWVNC 17:12 - Hawa Naga Bible 2001

¹² Moshe yauk htvl kaz koq tueq Arun nuiyc Hur rueq Moshe kuex lungkuiux vshiz htauk nuex tv-ngaungc ruiux, samx wvguip nuex jvp vtueq Moshe yauk kuex tenz shuimx kuq tueq, tsuingnueyc rueq Moshe yauk kuex shalx nyuip wvnc nuex httuiuc laz tenz kuq tueq.

ASII LAKDAP Bible (BSI)

¹² Ümtiikiiwa Mosheq jaq phum ka athea she riiwantaq, Aron nai Hur raq apaiq tiinga miitu longkaü ashi dokuq wato. Raüta tsangnai ka apaiq ma siimko naita na chap raüta, ajaq phum wiinai ka ra na doshat tiime mak maq, rashe tiinyapli kamshat thüda kuqto.

DUNGWVNC 17:12 Referencias Cruzadas

Tvtsvmc 35:3

Mpaq nuiyc muingkix htenc kuex tenz vtueq ngvy yurc yawc jix htenc kuex tuing gay shuiuz. Mnoz rueq palc wvnc phux lvmx kuex ngaz muex bomkhvmc kuq koq.

DUNGWVNC 17:11

Moshe rueq piq yauk tenz ruiux lec Israel miqsaz rueq taungx yaq, piq yauk tvdvy ruiux lec Amalek miqsaz rueq taungx yaq.

DUNGWVNC 17:13

Kvkhoc ningkhvnc nuex Yoshua rueq Amalek miqsaz taungx gay tueq.

DUNGWVNC 24:14

Moshe rueq walaungx bix muex ngoc, “Nvnueyc yek kaz rix nuex httuiuc laz jerak vruex maq bvmc laz kuit. Arun nuiyc Hur muinz nuimshiq rulc vyuq dvyx; kvkhoc rvtueq nuimshiq rvkhawc rvlvlc juing dung ruiux yuq, kvruex tvrungx raz kay tsuingnueyc kox nuex kaz kuinz,” ngoz tueq jungx tueq.

ISAIA 35:3

Httvr thuiyc yaq yauk htenc nuiyc hungc vlaungc nulx vtueq kvkhuirc dvndvnz laungkuix htenc muex hungc tvmvrc kuq shuinz.

2 Corinthians 1:11

kvkhoc rvtueq nuimshiq rueq nuiyshiq tvkoc vjux thoz romc kuy rax yaq, kvkhoc vjux thoz kuy paungc ningkhvnc nuex nuiyshiq rueq lvp wvnc tiq kejux htenc htauk nuex miq paunghvlc rueq Tishox kejux kuex tvtsvmc wuez shuex.

Ephesians 6:18

Tishox kox wawc romc kuy lvp wvnc shuinz, vjux thoz vtueq vruex lvmz lotlaz kuex shuimx wuez shuinz. Siyac rueq shunshvlx yaq rulc rv-ngvlc mkaq muinz vjux thoz shuinz. Kvkhoc rvtueq honc lvmx hvt httax kuinz, kvmc thuinz httax wuez kuinz, mkaq muinz Tishox miqsaz tvkoc vjux thoz wuez shuinz.

Philippians 1:19

yvmx khoc lac ngoz ruiux lec nuimshiq rueq vjux thoz ningkhvnc nuex nuiyc Yesu Christu Siyac rueq romc kuy ningkhvnc nuex, ngaz vkhoc khvrc buinc yaq vwawc dungc wvnc rvhumc tauk kuex ngaz rueq tuiuz yaq.

Colossians 4:2

Thuinz luimx lilix maq vjux thoz wuez shuinz, vjux thoz shuinx nuex honc lvmz tharc svmz hvt maq Tishox muex kejux vyungx ngoz wuez shuinz.

1 Thessalonians 5:25

Phunox bix lex, nuiyshiq tvkoc muinz vjux thoz kuq kuit.

Hebrews 12:12

Kvkhoc rvtueq nuimshiq httvr vtueq nulx yaq yauk htenc kuex raungx nuex tenz ruiux, rvyurx rvbvt yaq laungkuix buq htenc kuex tvhung wuez shuinz!

James 1:6

Yuq muinz nuimshiq rueq vjux thoz ruiux yuq, kvmluimx thuinz vyaq maq rvmuq maq, kvmluimx thuinz maq thoz juing rvtueq. Kvmluimx thuinz vyaq waz ukhaq yuq muinz raungguil rueq htuiuz koq yuq kuix yaq svmuktvrax yuix daungx rulc rv-ngvlc yaq.