DUNGWVNC 16:34 - Hawa Naga Bible 2001

³⁴ Yehowa rueq Moshe muex nvr tueq kvkhoc Arun rueq tuik kvruex Bomkhvrc Jep khaungkac nuex taq tueq.

ASII LAKDAP Bible (BSI)

³⁴ Tatiwe raq Mosheq ma aming kuqtaq kra phan phan, Aron raq kra tsabum chii manna thütaq kriika Tongshong Tek kaü khaki na tothüto. Raüta kiijaq aheawiq saiqsam thüto.

DUNGWVNC 16:34 Referencias Cruzadas

1 HOKHVMX 8:9

Israel miqsaz Ejip mungx maq kaz wvnc tueq nuex Yehowa rueq Sinai Kanx maq tsuingshiq rulc bomkhvrc taq ruiux, Moshe rueq vtaq lungdvmx vnueyc maq lvy vtueq Bomkhvrc Jep mungx nuex yvmx muinz httax muq.

DUNGWVNC 25:16

Kvruex yimaq ngaz rueq mnoz muex kuq phaungx, vnvrc tvrac bomc htenc vwuiyq shec lungdvmx nueyc kuex jep kvyuq htawc taq shuiuz.

DUNGWVNC 25:21

Jep mungx kvyuq lungdvmx nueyc kuex htawc ruiux, vguip kvmaq guip taq shuiuz.

DUNGWVNC 27:21

Arun nuiyc piq sahez rueq ngvy httaz juing Tap mungx nuex Bomkhvrc Jep vtuk shec maq kantsec kox nuex, wvrkok kuex raungyac maq raungnvp nuex httuiuc laz ngvy khaungkac nuex tvluic tvy rax. Israel miqsaz nuiyc tsuingshiq phvnx vmaq htenc rueq tvrac vruex mkaq muinz phvnc wuez rax.

DUNGWVNC 30:36

Vhomc vshot kvwawc wvyvmc kuex tvwanx htuiuz ruiux, Ngaz httax taungx Tap mungx nuex lvmz laq vtueq Bomkhvrc Jep kvlc kvyuq wuinc shuiuz. Kvruex vhomc vshot kuex vsawc pinhtumc vhomc vtumc muex tvyaungc rax.

DUNGWVNC 30:6

Shomrawx kvruex Bomkhvrc Jep max nuex vjuinx khvymvnz phic kox kvyuq taq shuiuz. Kvruex baung kvyuq ngaz mnoz rulc rvhumc taungx.

DUNGWVNC 31:18

Tishox rueq Sinai Kanx maq Moshe muex jungc kuy lot yix, Tishox vpiq rueq bomkhvrc htenc vwuiyq taq lungdvmx nueyc kuex piq muex kuq tueq.

DUNGWVNC 38:21

Tvrac rokshiz vwuiyq shec lungdvmx nueyc tvy juing Yehowa httax yaq Tap tvkoc shuimc lvmc juing ghaqdungc hup vsvmx vtvtsuingc wvl taq rvtueq. Kvruex wvlc tvy kuex Moshe rueq nvr vtueq shomc waz Arun saz Ethamar rueq shunshvlx yaq kuex Lewi miqsaz htenc rueq shuimc juing rvtueq.

DUNGWVNC 40:20

Kvruex yimaq piq rueq lungdvmx nueyc kuex lvmz vtueq Bomkhvrc Jep nuex htawc taq tueq. Jep kamz htenc kvyuq kantaung htenc kuex relc ruiux, kvruex htauk nuex vguip maq puingc tueq.

WEAWEA 1:50

Kvkhoc ruec tvraung, ngaz httax yaq Tap nuiyc kvyuq seng yaq hup vsvmx lotlaz kuex Lewi miqsaz htenc muex tvhttuiyq httvmx shuiux. Tsuingshiq rueq kvruex tap nuiyc hup vsvmx htenc kuex gurc pic rax, jerak tec ruiux muinz Tap tvroz kvyuq httaz rax.

WEAWEA 1:53

Yuq muinz vshiz shiz kuex Tap hep kvyuq kvnvp kaz itueq ngoz ruiux yuq, ngvy thuinkhaq vtueq Israel miqsaz lotlaz htauk nuex murx tvgurc shaungx, kvkhoc ningkhvnc nuex Lewi phvnx kuex Tap kvruex lawc mawc tvkoc kvruex tvroz kvyuq httaz rax,” ngoz tueq jungx tueq.

WEAWEA 17:10

Yehowa rueq Moshe muex ngoc, “Arun ngvlhtulc kuex Bomkhvrc Jep khaungkac nuex tvyez taq shuiuz. Vkhawc vlvlc jix Israel miqsaz rueq mvrax tvgurc kvbot nyvnx ruiux yuq, vthueyc rvhumc tuex lvmz honc tvsvmz kuy muex yaungc tvkoc Arun ngvlhtulc kuex kvyuq dvyx tvy rax,” ngoz tueq jungx tueq.

TRI CHONGKE 10:5

ngaz kuex kvwek vtueq kanx htauk maq svt kaz tauk. Yehowa rueq nvr phuex rulc rv-ngvlc ngaz rueq vtvhungx jep mungx kvyuq htawc taq tauk, kvruex lungdvmx nueyc kuex majuiuc nuex httuiuc laz httax yaq.