DUNGWVNC 16:32 - Hawa Naga Bible 2001

³² Moshe rueq, “Naungshiq kuex vpiq rueq Ejip mungx maq tvdung shvlx wvnc vtueq, kumtsvy tvnx maq vpiq rueq naungshiq muex kuq phauk saq wvnc phuex manna wanx kuex, naungshiq suiuz vsaz tamx muex tvkhic muex raungluingx phok tvy tvkoc Yehowa rueq nvr yaq,” ngoz tueq jungx tueq.

ASII LAKDAP Bible (BSI)

³² Mosheq raq nguto, “Tatiwe raq nashiq ma aming kuqto, rawiichii pat na nasetiim ma tiichhike miitu manna wiijam ka aheawiq saiqsam ronglaq nguta aming tatto. Krai mren tsangshiq raq nashiq ka Tatiwe raq Ejip mung wa tsuq wantaq akhing na kumtsaiphii rumnyangkhi mung maq jamlai wa phaqsiq wan kai kra dung ka tsangshiq riimin michhi.”

DUNGWVNC 16:32 Referencias Cruzadas

Tvtsvmc 105:5

Vpiq nvrc waz Abraham suiuz vsaz htenc nuiyc vpiq rueq vthvl taq Yaku suiuz vsaz htenc lex: Tishox rueq vtvkhic kuq vwangc juing romzyac htenc nuiyc, vpiq rueq kuq tueq khac phoc kuy lvmx htenc kuex rvwvl wuez shuinz.

DUNGWVNC 16:16

Lotlaz rueq miqmac muex rax tuex tanc khvnc tvjomx shuinz, miq pumz tek vtueq miqmac yuimx nuex httax yaq miq lotlaz tvkoc washiz rueq liter nueyc phok tvjomx tvy tvkoc Yehowa rueq nvr yaq,” ngoz tueq jungx tueq.

DUNGWVNC 16:31

Israel miqsaz rueq kvruex phuiuz vsvy kv-ngoc manna wanx ngoz tueq muingc tueq. Wanx kvruex kuex pvnchic lix ikhoc raz tueq vluiz rvtueq, nyaq ngurx maq vtvhungx wanx ikhoc sumx yaq.

DUNGWVNC 16:33

Kvruex yimaq Moshe rueq Arun muex ngoc, “Manna wanx liter nueyc kuex tuik vshiz nuex htawc vtueq naungshiq suiuz vsaz tamx tvkoc Yehowa khaungkac nuex taq shuiuz,” ngoz tueq.

JEREMIA 7:23

Yuq muinz ngaz kuex tsuingshiq Tishox rvtauk tsuingshiq muinz ngvy miqsaz yaungx muex ngvy kvjaz phvnc tvkoc ngaz rueq nvr tauk. Phvnx ruip saz nuex hvlc wvnc muex ngaz rueq jungx phaungx lvmx kuex phvnc tvkoc ngaz rueq nvr vphaungx.

Hosea 11:4

Ngaz rueq tsuingshiq kuex lungwawc thuinz maq tvlenc lauk tauk. Ngaz rueq tsuingshiq tvtenc vtueq ngvy kox nuex tvmuiz tauk; Ngaz rueq tsuingshiq htumc nuex bumx vtueq phuiuz svy kuq tauk.

Luke 22:19

Kvkaq vpiq rueq wanx kuex lvmz vtueq Tishox muex kejux vyungx ngoz ruiux, wanx kuex tv-phuinz phux vtueq tsuingshiq muex kuq ruiux, “Vruex kuex nuimshiq tvkoc vkuq gay ngvy ngvmx rvtueq, ngaz lauk gay muit tvkoc vkhoc shuimx shuinz,” ngoz tueq jungx tueq.

Hebrews 2:1

Kvkhoc rvtueq naungshiq rueq lvmx tvyaq miq juing naungshiq rueq tay wvnc tiq tsuingrux lvmx nuex phaungx duingduing rvwak shuimc tvy juing rvtueq.

Hebrews 9:4

Kvruex yuq vhomc phvnx juiuz juing kuimshawx shomrawx nuiyc wvpumz tuimx kuimshawx maq vtvhungx Bomkhvrc Jep httax yaq, kvruex jep mungx kvyuq manna wanx htawc juing kuimshawx tuik muinz, vpuic vsung rvyaq Arun paq muinz, bomkhvrc tvrac vwuiyq shec lung dvmx vnueyc muinz httax yaq.