DUNGWVNC 16:20 - Hawa Naga Bible 2001

²⁰ Yuq muinz wvyvmc rueq Moshe kvjaz kuex tay muq maq, nvp yix raungnuiyq tvkoc muinz tvjungx taq wuez tueq. Nvp yix raungnvp nuex wanx kvyuq vyung raz tueq nvmx kaz koq tueq, Moshe kuex kvruex hez kvmac khaq tueq.

ASII LAKDAP Bible (BSI)

²⁰ Shatmaq maiq wiijamti raq Mosheq bom ka taimak tleato. Raüta kiiwa wiijam abung tiichong raüta thüto. Kra anap ranap niishe liikiita ajong phong li she kiimaq anam tsang li she riito. Kiimaq Mosheq ka tsangshiq ma kai khiqto.

DUNGWVNC 16:20 Referencias Cruzadas

DUNGWVNC 16:19

Moshe rueq tsuingshiq muex ngoc, “Uraq muinz invp tvkoc tvjungx tvy mvy muq,” ngoz tueq.

DUNGWVNC 16:21

Wvraungx nvp tsuingshiq rueq miqmac muex rax yaq tanc khvnc wanx kuex tvjomx wuez tueq; raungkawc wvnc ruiux ghaq nuex kvjungx yaq wanx htenc kuex vyuimx rvkaz yaq.

DUNGWVNC 16:24

Tsuingshiq muex Moshe rueq nvr tueq phuiuz vsvy juing kuex nvp yix raungnuiyq nuex httuiuc laz taq koq tueq vyung rueq phauk muq, nvmx muq rvtueq.

WEAWEA 12:3

(Moshe kuex thuinz nyenz miq rvtueq, ghaq htauk vyuq piq kvkhoc thuinz nyenz jix miq washiz muinz vguez.)

WEAWEA 16:15

Moshe kuex vthuinz khaq hvlc rvtueq Yehowa muex ngoc, “Kvruex hez rueq shomc kuy muex vwvnc kuex nauk thoz taq kaz. Ngaz rueq tsuinghez washiz muex muinz wvlc guez tvyaungc mauk doc; tsuinghez kox wawc loze vshiz doc muinz nyvlc mauk doc,” ngoz tueq jungx tvtay tueq.

Matthew 6:19

“Vhttvp vphez rueq phauk tvbac gay ruiux, vguiuq vrot rueq tvpuc guiuq lot yaq ghaq htauk vyuq nuimshiq tsak vnyvmx kuex nauk yoalc taq kaz.

Mark 10:14

Yesu rueq kvruex khiz tueq rulc rv-ngvlc vthuinz kaq vtueq, vpiq sangac hez muex ngoc, “Nosaz rulx kuex ngvy kox nuex tvkaz shuinz, tsuinghez kuex nauk tuingshaung kaz, yvmx khoc lac ngoz ruiux lec Tishox Mungtan kuex vruex sahez vkhoc jix hez mungtan rvtueq.

Mark 3:5

Kvkhoc tsuingshiq thuinz tsanc hvlc khuec nuex, Yesu thuinbac hvlc maq thuinkhaq vtueq tsuingshiq kuex tvroz lawc tueq. Kvruex yimaq vpiq rueq yauk maungx waz muex ngoc, “M-yauk kuex tenz shuiuz,” ngoz tueq. Kvruex waz rueq muinz vyauk tenz koq tueq vyauk kuex hvlx kaz tueq.

Luke 12:15

Kvruex yimaq tsuingshiq lotlaz muex vpiq rueq jungx tueq kuex, “Phvnx ruip saz nuex kvkax wax yaq kvwawc nuimshiq shauk pumz kuex kvguing kvwungx ruiux honc lvmz hvt rvshuinz, yvmx khoc lac ngoz ruiux lec mtanc dvyx luiz waungx ruiux muinz, piq rullungx shauk kuex tsak vnyvmx htauk nuex httax yaq rvmuq,” ngoz tueq.

Luke 12:33

Nuimshiq hup vsvmx lotlaz kuex shaung vtueq lvp shuinx kuimphox kuex htemc saz jix muex phvlx kuq shuinz, thvmx muq ramx muq kuimphox htungc kuex gurx wuez shuinz, vguiuq muinz httuiuc lot muq, httvp rueq muinz tvbac lot muq raungmungx nuex vhtumx kay ngoz tueq vguez kuimphox tumz kvyuq yoalc taq shuinz.

Ephesians 4:26

Nuimshiq rueq mvrax yaq gay nuex httuiuc laz thuinz nauk tvkhaq kaz, shalx max nyuip nuex thuinkhvy kuex tvshiz wuez shuinz.

Hebrews 13:5

Nuimshiq kuex kuimphox luekshawx muex nauk rvnphvnx kaz. Lvp luz shuinx tanc khvnc maq thuinhvlx wuez kuinz. Yvmx khoc lac ngoz ruiux lec Tishox rueq, “Ngaz rueq mnoz kuex mkaq muinz gay shec mauk, ngaz rueq mnoz kuex mkaq muinz httvr gay mauk,” ngoz tueq jungx tueq.