DUNGWVNC 16:12 - Hawa Naga Bible 2001

¹² “Israel miqsaz rueq ngoz yaq kuex ngaz rueq tay tauk. Tsuingshiq rueq raungyac kox nuex ngvmx kuex phauk wuez shuex, raungnvp nuex wanx kuex roc shuex tanc khvnc lvp shuex. Kvkaq tsuingshiq rueq ngaz Yehowa tsuingshiq Tishox rvtauk lvmz tuiuz wuez shuex,” ngoz tueq jungx tueq.

ASII LAKDAP Bible (BSI)

¹² “Israilnok bot-nyantrang ka Ngi raq taikang she. Tsangshiq ma chonglaq raji raban raprap na tsangshiq raq ngam aphaq chang milap. Kiimaq ranap na tsangshiq raq aphaq asea lot mak winsii ka milap. Kiijiishetiq tsangshiq raq Ngi, Tatiwe ardea tsangshiq Shiikeawe ngutiishe misap wan.”

DUNGWVNC 16:12 Referencias Cruzadas

1 HOKHVMX 20:28

Shvmmax washiz kuex Hokhvmx Ahab kox nuex kaz vtueq, “Yehowa rueq vkhoc jungx yaq: ‘Ngaz ngoc kuz vkanx wawc tishox vshiz rvtueq, ngoz tueq Siria miqsaz rueq ngoz yaq ningkhvnc nuex ngaz kuex Yehowa rvtauk lvmz mnoz nuiyc mmiqsaz htenc rueq tuiuz wvnc laz juing, tsuingshiq nolaungx daungx kuex taungx gay lot juing laungc kuex ngaz rueq mnoz muex kuq phaungx,’ ngoz tueq jungx yaq,” ngoz tueq.

Tvtsvmc 105:40

Tsuingshiq rueq thoz tueq rulc rv- ngvlc wupic htenc kuex tvkaz kuq tueq; tsuingshiq phoay laz juing phuiuz svy tvkoc raungmungx wawc phuiuz vsvy kuex tvdvy kuq tueq.

DUNGWVNC 12:6

Kvruex yimaq raungx rokshiz rac raungx bvlic raungyac nuex Israel miqsaz lotlaz rueq kvruex nyvmx saz htenc kuex thvy wuez rax.

DUNGWVNC 16:11

Yehowa rueq Moshe muex ngoc,

DUNGWVNC 4:5

Yehowa rueq, “Israel miqsaz khaungkac nuex kvkhoc ruez kuq shuiuz, kvkhoc ngoz ruiux jix mnoz kuex tsuingshiq jix vwaz tamx Tishox, Abraham, Esak nuiyc Yaku Tishox, Yehowa rulc rvhumc toq lvmz kuex tsuingshiq kvmx tuex,” ngoz tueq jungx tueq.

DUNGWVNC 6:7

Ngaz rueq nuimshiq kuex ngvy miqsaz muex thvl wvnc phaungx, ngaz kuex nuimshiq Tishox muex yaungx taungx. Nuimshiq kuex dax muex tvyaungc jix Ejip yauk wawc ngaz rueq tvdung wvnc ruiux yuq, ngaz kuex nuimshiq Yehowa Tishox rvtauk kuex nuimshiq rueq tuiuz wvnc wuez shuinz.

DUNGWVNC 7:17

Taungjix hokhvmx waz lex, Yehowa rueq ngoc ngaz Yehowa rvtauk lvmz mnoz rueq yvmx khoc maq tuiuz juing lac ngoz ruiux lec, majuiuc ngaz rueq shuimx shaungx vruex maq tuiuz lvp shuiux. Ngaz rueq ngvlhtulc maq yuix ruilx kuex wung ruiux yuq, yuix kuex tvguiy muex yaungx wvnc tuex.

JEREMIA 31:24

Miq htenc kuex Yuda mungx nuiyc kvwawc miqghaq htenc nuex httax tuex, kvruex yuq wuik vnax shuimc jix nuiyc miqmac khelbuenx kung htenc remc jix httax wuez tuex.

EJEKIEL 34:30

Ngaz rueq Israel kuex tvkhup wungx shaungx kvmuinz, tsuingshiq kuex ngvy miqsaz rvtueq kvmuinz, miq ruip rawx rueq tuiuz wvnc wuez shuex. Ngaz, Johvlc Yehowa rueq jungx vshaungx.

EJEKIEL 35:13

Mnoz rueq vtsvy maq raz tueq kvsomraungc ikhoc ngaz muex khawx lvlx ngoz vphux mkvjaz kuex tay tauk.”

EJEKIEL 39:22

Ngaz kuex Yehowa tsuingshiq Tishox rvtauk kuex kvruex raungnuiyq maq Israel miqsaz rueq tuiuz wuez shuex.

Yoel 3:17

“Kvruex yimaq, Israel lex, ngaz kuex Yehowa nuimshiq Tishox rvtauk nuimshiq rueq tuiuz shuinx. Ngaz kuex Zion ngoz yaq ngvy vsawc ghaqluimx nuex httax vtaungx. Yerusalem kuex vsawc ghaqyungx yaungx wvnc vtueq; pungnuk miqsaz rueq mkaq muinz guimz shuex rvmuq.

LEWI 11:44

Ngaz kuex Yehowa nuimshiq Tishox rvtauk, nuimshiq shauk pumz kuex vsawc taq shuinz, yvmx khoc lac ngoz ruiux lec ngaz kuex vsawc rvtauk.

JEKERIA 13:9

Ngaz rueq tvraungx kvjungx yaq mvnshiz kuex wvr maq tvsawc shix kuimphox ikhoc tsuingshiq kuex tvsawc vtueq talx lawc shaungx. Ngaz rueq kuimshawx talx lawc shix ikhoc tsuingshiq kuex talx lawc shaungx. Kvkaq tsuingshiq rueq ngvy kox wawc thoz ruiux yuq ngaz rueq tsuingshiq muex tvralc shaungx. Tsuingshiq kuex ngvy miqsaz rvtueq lvmz ngaz rueq tsuingshiq muex jungx shaungx, ngaz kuex tsuingshiq Tishox rvtauk lvmz tsuingshiq kvjungc wuez tuex,” ngoz tueq jungx tueq.

WEAWEA 11:4

Israel miqsaz rulc vlomx kaz wvnc naungx pungnuk miqsaz htenc kuex ngvmx muex rvnphvnx wuez tueq. Israel miqsaz rueq muinz, “Ngvmx phuiuz roc hvlc!

WEAWEA 14:27

“Vruex layx bac jix miq kuex mtanc khvnc nuex httuiuc laz lac ngaz muex kvbot nyvnx phvnx? Kvkhoc kvbot nyvnx yaq kuex ngaz rueq tay tsuiyc mauk shex!