DUNGWVNC 14:27 - Hawa Naga Bible 2001

²⁷ Kvkhoc rvtueq Moshe rueq svmuktvrax htauk nuex yauk kuex tenz koq tueq, raungnvp raungwuic nuex yuix kuex kungkhux wawc ikhoc hulawx yaungx kaz yek tueq. Yuix puingx wvnc yek koq tueq Ejip miqsaz kuex yuz wuez tueq, yuq muinz Yehowa rueq tsuinghez kuex svmuktvrax nuex dvyx tvhtuip gay tueq.

ASII LAKDAP Bible (BSI)

²⁷ Krai mren Mosheq raq ajaq ka ra na do raüta khamjong chum nü kiina tiinyi raüta doshat maq shamto. Kiimaq ranap rawüho niishe kham tso thun ka maiqmii kaichang jükhü kiiniishe jang wan nongto. Kiimaq Ejip mungti ka aju riilai nguta shiikutto. Shatmaq Tatiwe raq tsangshiq ka khamjong chum mong niishe tiithap baiqto.

DUNGWVNC 14:27 Referencias Cruzadas

NEHEMIA 9:11

Mmiqsaz htenc tvkoc svmuktvrax kuex mnoz rueq tvpuc tvnc vtueq tsuingshiq kuex httuiz rawk yaq ghaq htauk maq tvkhuemc toq. Tsuingshiq yurc jix hez kuex svmuktvrax yuix daungx nuex, lung poz suingx wvnc yaq ikhoc yuix nuex htuip wvnc wuez vtuex.

Tvtsvmc 106:11

Yuq muinz tsuingshiq ralx htenc kuex yuix nuex htuip wvnc wuez tueq, washiz muinz dung lot muq.

Tvtsvmc 136:15

yuq muinz vpiq rueq Ejip hokhvmx nuiyc piq nolaungx bix htenc kuex yuix jumx kvyuq tvhtuip gay tueq; vpiq lungwawc kuex pattup httax yaq.

Tvtsvmc 78:53

Vpiq rueq tsuingshiq kuex yvmx hiyaz juing muinz vguez maq shvlc kuy ningkhvnc nuex tsuingshiq kuex hisungx muq; yuq muinz svmuktvrax rueq tsuingshiq ralx htenc kuex tvhtuip gay tueq.

ISAIA 10:26

Ngaz, Tvphaungc Tvsuip Yehowa rueq Oreb Lung rauk nuex httax yaq Midian miqsaz htenc kuex ruez gay tauk ikhoc ngvy jowvyx maq tsuingshiq kuex thvt shaungx. Ngaz rueq Ejip miqsaz muex murx tvgurc tauk ikhoc Asiria miqsaz muex muinz murx tvgurc shaungx.

TRI CHONGKE 11:4

Ejip nolaungx daungx kuex tsuingshiq mvre htenc, renc htenc maq nuimshiq kuex yurc khvt tueq nuex tsuingshiq kuex Yuix Shawx Jumx nuex tvhtuip gay ruiux, tvmaq suip ruez gay tueq kuex nuimshiq rueq khiz wvnc tuit.

Hebrews 11:29

Kvmluimx vtueq Israel miqsaz htenc rueq Yuix Shawx Jumx kuex taung lvmx maq vkhuemx ikhoc rvp wvnc wuez tueq; Ejip miqsaz htenc rueq muinz kvkhoc rvp talx koq tueq htuip thueyc wvnc wuez tueq.

JOSHUA 24:7

romc kuy tvkoc ngvy kox wawc guyc sez thoz wuez tueq, kvkaq ngaz rueq tsuingshiq nuiyc Ejip miqsaz hvlwvl nuex raungx tv-nyauk gay tauk. Ngaz rueq Ejip miqsaz htauk nuex svmuktvrax yuix daungx tvkaz vtueq tvluimz gay tauk. Ejip miqsaz kuex yvmx khoc lac rvgay tauk nguinx nuimshiq rueq tuiuz yaq. “‘Nuimshiq kuex kumtsvy tvnx nuex loayc hvlc httax wvnc tuit.

JOSHUA 4:18

Shomc waz bix kuex taungkawx nuex duiz waung tueq rulc rv-ngvlc yuix kaz yek vtueq yuix phawx htenc kuex luimz wvnc yek tueq.