DUNGWVNC 14:25 - Hawa Naga Bible 2001

²⁵ Yehowa rueq tsuingshiq renc huk htenc kuex tvbac gay koq tueq vkhuemc tvkoc gvrc hvlc yaungx tueq. Kvkhoc rvtueq Ejip miqsaz rueq, “Yehowa kuex Israel miqsaz kox nuex raz tueq naungshiq kuex khvt yaq, vruex maq dung wuez ix,” ngoz tueq.

ASII LAKDAP Bible (BSI)

²⁵ Apaiq raq tsangshiq kumrang leng thun jikom ka hiq niishe tiikan baiqto. Kra ningkhan tsangshiq ka la maq ngila nguraü shetiq khumtlo. Kiijiishe Ejip mungti raq nguto, “Tatiwe raq Israilnok miitu nashiqnok she khat wanto. Nashiq ka arwa jaqlo pintlo rong i!”

DUNGWVNC 14:25 Referencias Cruzadas

2 KAÜWA WERAÜ 20:29

Yehowa rueq Israel ralx htenc kuex yvmx khoc lac khvt thvt gay tvnx thaungc kuex miqphvnx ruip rawx rueq tay vtueq kawc yawc wuez tueq,

NEHEMIA 4:14

Ngaz rueq mungx miqsaz htenc rvwvl tvmaung rvhumc wuez yaq kuex khiz vtueq, tsuingshiq nuiyc tsuingshiq walaungx bix nuiyc vyungx vlaungx bix htenc muex, “Naungshiq ralx hez kvmac nauk hiz kaz. Yehowa kuex mtanc khvnc lac yungx yaq nguinx nuiyc miqhiz vsac yaungx yaq kuex rvwvl wuez vtueq, nuimshiq phuz vnox, juik vsaz htenc tvkoc ralx khvt wuez shuinz,” ngoz tueq jungx tauk.

NEHEMIA 6:16

Kvruex thaungc kuex tvroz nuex httax yaq mungtan htenc wawc nuiyshiq ralx hez rueq tay vtueq, vruex yauk shuimc kuex Tishox rueq romc kuq yaq lvmz miq ruip rawx rueq tuiuz wvnc wuez tueq, tsuingshiq htvlx phawc sumx wuez tueq kuex kvhelc wuez tueq.

NEHEMIA 9:11

Mmiqsaz htenc tvkoc svmuktvrax kuex mnoz rueq tvpuc tvnc vtueq tsuingshiq kuex httuiz rawk yaq ghaq htauk maq tvkhuemc toq. Tsuingshiq yurc jix hez kuex svmuktvrax yuix daungx nuex, lung poz suingx wvnc yaq ikhoc yuix nuex htuip wvnc wuez vtuex.

YOBA 11:20

Yuq muinz miqyaq jix kuex hungc vlaungc nulx wvnc vtueq, tsuingshiq dungc wvnc juing lvmx puc humc shuex rvmuq. Tsuingshiq rueq thuinz tvluimc juing lvmz vshiz kuex vthueyc nuex httuiuc wvnc juing dvyx shex rvtueq.

YOBA 20:24

Yanx yaung wawc tsuingshiq luenx yuz wvnc lvp ruiux muinz, nvyrvyx laq rueq tsuingshiq kuex gap gay shuex.

YOBA 27:22

tsuingshiq vhvlx maq yuz wvnc dvnc ruiux muinz menjenc kuy lvmz vguez maq tsuingshiq kuex tvpvnc yvp gay shuex.

Tvtsvmc 35:1

Yehowa lex, ngaz muex khawc lvlc jix htenc kuex khawx lvlx gay shuiuz, ngvy khvt jix htenc kvmuinz khvt gay shuiuz.

Tvtsvmc 46:9

Vpiq rueq mungkawx nuex rvkhvt yaq lotlaz kuex tvthauk gay tueq; laq htenc kuex vpiq rueq tv-ngawk gay ruiux, lak htenc kuex tvbac gay tueq.

Tvtsvmc 68:12

“Hokhvmx bix nuiyc tsuingshiq nolaungx daungx htenc yuz wvnc wuez vtuex!” ngoz tueq jungx tueq. Yalxjuik rulx rueq yuimx htenc wawc hup vsvmx htenc kuex rv-phvlc wuez tueq:

Tvtsvmc 76:6

Yaku Tishox lex, mnoz rueq tsuingshiq kuex tvhiz sungx gay koq tueq, mvre htenc nuiyc kvyuq ngaungc jix htenc kuex dvy vtueq thueyc wvnc vtuex.

DUNGWVNC 14:14

Yehowa rueq nuimshiq tvkoc khvt gay shuex, nuimshiq kuex kuiyqshuik dvyx rvkuinz,” ngoz tueq.

DUNGWVNC 14:18

Ngaz rueq tsuingshiq kuex taungx gay ningkhvnc nuex, ngaz kuex Yehowa ngoz tueq Ejip miqsaz rueq tuiuz wuez shuex,” ngoz tueq jungx tueq.

DUNGWVNC 14:4

Ngaz rueq piq khux tvtsanc kuy ningkhvnc nuex, piq rueq Israel miqsaz kuex yurc khvt shuex, kvkaq hokhvmx waz nuiyc piq nolaungx bix lotlaz kuex ngaz rueq taungx gay tauk kuex tvtsanc nganc wuez shuex. Kvkaq ngaz kuex Yehowa rvtauk kuex Ejip miqsaz rueq tuiuz wuez shuex,” ngoz tueq jungx tueq. Israel miqsaz rueq muinz vpiq rueq jungx tueq rulc rv-ngvlc kvkhoc rvwuez tueq.

DUNGWVNC 15:3

Yehowa kuex shvrvyx rvtueq; Yehowa kuex vpiq muingc rvtueq.

ISAIA 31:4

Yehowa rueq ngaz muex, “Khelbuenx remc jix hez rueq mtanc dvyx guyc sez tvhiz ruiux muinz, tsuingshiq kuex ngvmx kauk gay tueq ngvmx saz kox wawc hangsic kuex tvhiz yurc lot yaq rvmuq, kvrulc rv-ngvlc; Zion Kanx kuex tvkhup wungx jix, Tvphaungc Tvsuip Yehowa kuex yvmx rueq muinz tuing gay lot muq.

JEREMIA 51:21

mvre htenc nuiyc mvre nuex ngaungc jix htenc muinz, nolaungx renc htenc nuiyc kvruex ruip jix htenc kuex bvruik gay tvkoc muinz,

AMO LUIK DVP (AMOS) 1:14

Kvkhoc rvtueq ngaz rueq Rabba ghaqyungx palx ruk htenc htauk nuex wvr tvdvy vtueq kvruex wawc nolaungx ghaqshungc htenc kuex tvkhamc gay shaungx. Kvruex yimaq kvruex yuq ralx rv-khvt tuex raungnuiyq guyc sez tvruingc httax vtueq kvruex rv-khvt kuex raunghtiq raungguil ikhoc songhvlc rvtuex.

AMO LUIK DVP (AMOS) 5:19

Kvruex raungnuiyq kuex hangsic vshiz kox wawc yuz wvnc vtueq japbawx rulc rvhumc jix waz ikhoc yaungx tuex! Rvmuq ngoz ruiux yuimx nuex waung vtueq khoalx tuk nuex yauk vtv-nanc wawc puiuc rueq kuiuz rvhumc jix waz ikhoc yaungx tuex!

AMO LUIK DVP (AMOS) 9:1

Ngaz rueq shomrawx hep nuex jvp yaq Taungjix kuex khiz tauk. Vpiq rueq nvrc bomc kuex kuq phuex: “Shomc yuimx htung khux htenc kuex tv-ngawk wung gay shuiuz, kvkaq phaungx hvlc htungyaz kuex kvbuilc wvnc tuex. Kvruex htenc tv-ngawk vtueq miq htenc htauk kvyuq tvdvy shuiuz. Ngaz rueq kvjungx yaq miq htenc kuex ralx khvt nuex thvt gay shaungx. Vshiz muinz yuz lvp muq; vshiz muinz luenx tuex rvmuq.

TRI CHONGKE 1:30

Yehowa nuimshiq Tishox rueq Ejip mungx nuiyc kumtsvy tvnx maq nuimshiq muex tvkhup wungx kuq wvnc kv-phuinx ikhoc, majuiuc muinz nuimshiq kuex shunshvlx vtueq nuimshiq muex ralx khvt kuq kv-phuinx. Vwaz rueq vsaz boq pvmx yaq ikhoc Yehowa rueq nuimshiq kuex boq pvmx vtueq vruex hong nuex tvhttuiuc laz shunshvlx kuq kv-phuinx lvmz kuex nuimshiq rueq khiz wvnc tuit shex,’ ngoz tueq jungx wvnc phaungx.

TRI CHONGKE 3:22

Tsuingshiq muex nauk hiz kaz, Yehowa m-Tishox rueq mnoz muex khvt kuq kv-phux ngoz tauk.’

TRI CHONGKE 32:31

Tsuingshiq muex ralx yaungc jix hez rueq miqmac tishox htenc hungc vlaungc yomx yaq kvmuinz, Israel Tishox ikhoc hungc vlaungc vguez kuex tsuingshiq rueq tuiuz yaq.

JOSHUA 10:14

Yehowa rueq miqsaz kvjaz kuex tay kuq tueq, kvkhoc raungnuiyq kuex kungkhux nuex muinz, yix maq muinz yaungx muq doc.Yehowa kuex Israel miqsaz kox nuex romc kuq vtueq khvt naungx tueq.

PHOWEBI 4:15

Barak rueq piq nolaungx daungx rulc vdvmz nuex khvt koq tueq Yehowa rueq Sisera yanx renc htenc nuiyc nolaungx bix htenc lotlaz kuex pungpanc rvpanc tvyaungc gay koq tueq Sisera kuex renc htauk maq svt kaz vtueq yaz sawx maq yuz wvnc tueq.