DUNGWVNC 14:18 - Hawa Naga Bible 2001

¹⁸ Ngaz rueq tsuingshiq kuex taungx gay ningkhvnc nuex, ngaz kuex Yehowa ngoz tueq Ejip miqsaz rueq tuiuz wuez shuex,” ngoz tueq jungx tueq.

ASII LAKDAP Bible (BSI)

¹⁸ Riita ümtiikiiwa Ngi raq tsangshiq ka khat lata mitangha, kiitiikaq Ejip mungti raq Ngi ardea Tatiwe nguta misap.”

DUNGWVNC 14:18 Referencias Cruzadas

DUNGWVNC 10:2

kvruex kuex mnoz rueq msaz hez nuiyc msuiuz hez muex jungx kuy tvkoc muinz rvtueq. Ngaz Yehowa rvtauk lvmz kuex nuimshiq lotlaz rueq tuiuz wvnc shuinx,” ngoz tueq jungx tueq.

DUNGWVNC 14:25

Yehowa rueq tsuingshiq renc huk htenc kuex tvbac gay koq tueq vkhuemc tvkoc gvrc hvlc yaungx tueq. Kvkhoc rvtueq Ejip miqsaz rueq, “Yehowa kuex Israel miqsaz kox nuex raz tueq naungshiq kuex khvt yaq, vruex maq dung wuez ix,” ngoz tueq.

DUNGWVNC 14:4

Ngaz rueq piq khux tvtsanc kuy ningkhvnc nuex, piq rueq Israel miqsaz kuex yurc khvt shuex, kvkaq hokhvmx waz nuiyc piq nolaungx bix lotlaz kuex ngaz rueq taungx gay tauk kuex tvtsanc nganc wuez shuex. Kvkaq ngaz kuex Yehowa rvtauk kuex Ejip miqsaz rueq tuiuz wuez shuex,” ngoz tueq jungx tueq. Israel miqsaz rueq muinz vpiq rueq jungx tueq rulc rv-ngvlc kvkhoc rvwuez tueq.

DUNGWVNC 6:7

Ngaz rueq nuimshiq kuex ngvy miqsaz muex thvl wvnc phaungx, ngaz kuex nuimshiq Tishox muex yaungx taungx. Nuimshiq kuex dax muex tvyaungc jix Ejip yauk wawc ngaz rueq tvdung wvnc ruiux yuq, ngaz kuex nuimshiq Yehowa Tishox rvtauk kuex nuimshiq rueq tuiuz wvnc wuez shuinz.

DUNGWVNC 7:17

Taungjix hokhvmx waz lex, Yehowa rueq ngoc ngaz Yehowa rvtauk lvmz mnoz rueq yvmx khoc maq tuiuz juing lac ngoz ruiux lec, majuiuc ngaz rueq shuimx shaungx vruex maq tuiuz lvp shuiux. Ngaz rueq ngvlhtulc maq yuix ruilx kuex wung ruiux yuq, yuix kuex tvguiy muex yaungx wvnc tuex.

DUNGWVNC 7:5

Kvkaq ngvy yauk tvlanc vtueq Israel miqsaz kuex tsuingshiq mungtan wawc tvdung wvnc shaungx nuex, ngaz kuex Yehowa rvtauk lvmz Ejip miqsaz rueq tuiuz wvnc wuez shuex,” ngoz tueq jungx tueq.

EJEKIEL 28:22

Ngaz, Johvlc Yehowa rueq kvruex wawc ghaq miqsaz htenc muex tsuingshiq nuex seng vtueq jungx tauk kuex jungx shuiuz: Sidon lex, ngaz kuex mralx rvtauk; ngaz rueq mnoz muex ruez kuq phaungx kvmac miq htenc rueq ngaz muex tvtsvmc wuez phuex. Mnoz kox nuex httax yaq hez muex murx tvgurc vtueq ngaz mtanc lac sawc vtaungx kuex tvkhic shaungx yuq, ngaz Yehowa rvtauk kuex tsuingshiq rueq tuiuz wvnc wuez shuex.

EJEKIEL 32:15

Ngaz rueq Ejip mungx kuex kuiyqshuik kuiyq khvmx nuiyc sawc ric sawc tsvmx baung muex tvyaungc ruiux, kvyuq httax jix lotlaz kuex tvbac gay shaungx nuex, ngaz Yehowa rvtauk kuex tsuingshiq rueq tuiuz wuez shuex.

EJEKIEL 38:16

Mnoz rueq ngvy miqsaz Israel kuex raungguil rueq pvnc wvnc yaq ikhoc khvt gay shuiux. Ngaz kuex ukhaq lac rvtauk nguinx miqphvnx htenc rueq tuiuz wvnc tvkoc muinz, mnoz ningkhvnc nuex ngaz rueq shuimx shaungx ngvy vsawc yauk shuimc kuex tvkhic tvkoc muinz, kvkaq vkhing httuiuc wvnc ruiux yuq, ngvy mungtan kuex khvt tvkoc ngaz rueq mnoz kuex tvkaz phaungx.