DUNGWVNC 14:16 - Hawa Naga Bible 2001

¹⁶ M-yauk wawc ngvlhtulc kvruex svmuktvrax yuix htauk nuex tenz shuiuz. Kvkaq svmuktvrax yuix kuex rv-phvlc khoz wvnc vtueq, Israel miqsaz kuex ghaq shanx rek htauk maq yanz wvnc shuex.

ASII LAKDAP Bible (BSI)

¹⁶ Laüta ümnyeakii ka ra na dolaq. Kiimaq khamjong chum khuthaq kiina tiinyi laüta doshat maq shamlaq. Raüla khamjong chum ka mannai ma mitiipheaki. Kiimaq khamjong chum phii ka shinriiqriiq mishinki. Kra shinriiqriiq khamhü phii lam kriimaq Israilnok ka aheawiq miwa wan.

DUNGWVNC 14:16 Referencias Cruzadas

2 HOKHVMX 4:29

Elisha kuex Gehazi kox nuex kvroz lawc vtueq, “Htat htat! Ngvy paq kuex lvmz laq vtueq kaz kuiuz. Lvmx nuex miq rulc rvhumc ruiux muinz nauk rvbomc kaz, tsuinghez rvbomc ruiux muinz nauk tvralc kaz. Yuimx nuex lvmx lvy kaz vtueq nox htauk kvyuq ngvy paq kuex tvwoalc kaz kuiuz,” ngoz tueq nvr tueq.

DUNGWVNC 14:15

Yehowa rueq Moshe muex ngoc, “Nuimhez kuex yvmx ngoz tueq lac guyc sez kaz wuez tuinx? Miq htenc kuex max kox kvyuq vkay ngoz laz mruez kueq.

DUNGWVNC 14:26

Yehowa rueq Moshe muex ngoc, “M-yauk kuex svmuktvrax yuix htauk nuex tenz shuiuz, yuix kuex Ejip miqsaz nuiyc tsuingshiq renc htenc, vruip jix htenc htauk kvyuq m-yek kueq,” ngoz tueq jungx tueq.

DUNGWVNC 17:5

Yehowa rueq Moshe muex ngoc, “Mnoz rueq Israel walaungx bix wvyvmc kuex shvlx vtueq, miq htenc kvruex max nuex kaz kuinz. Nile ruilx wungc juing ngvlhtulc kuex shuimx laq shuinz.

DUNGWVNC 17:6

Sinai Kanx nuex httax yaq lung rauk htauk nuex ngaz jvp laz taungx. Mnoz rueq lung rauk kvruex wung shuiuz, lung rauk kvwawc miq rueq nuingc juing yuix dung tuex,” ngoz tueq jungx tueq. Moshe rueq Israel walaungx bix khaungkac nuex kvkhoc ruez tueq.

DUNGWVNC 4:17

Ngvlhtulc kvruex kuex m-yauk nuex shuimx shuiuz; yvmx rvtueq lac ngoz ruiux lec kvruex maq mnoz rueq vwangc juing htenc kuex tvkhic shuiux,” ngoz tueq jungx tueq.

DUNGWVNC 4:2

Yehowa rueq, “M-yauk nuex yvmx lac shuimx vshuiux? ngoz tueq wiz tueq. “Ngvlhtulc shuimx vshaungx,” ngoz tueq tvralc tueq.

DUNGWVNC 4:20

Kvkhoc rvtueq Moshe rueq vjuik vsaz miqwaz sahez kuex loze htauk nuex tv-ngaungc ruiux, Tishox rueq tvlvmz laq tueq ngvlhtulc kuex shuimx vtueq Ejip nuex kaz wvnc tueq.

DUNGWVNC 7:19

Yehowa rueq Moshe muex ngoc, “Arun muex jungx shuiuz, mngvlhtulc kuex shuimx vtueq Ejip mungx nuex httax yaq yuix saz, yuix yungx, jumx, htvmx htenc htauk kvyuq m-yauk kuex tenz shuiuz. Wvmungx tuimx wawc yuix kuex tvguiy muex yaungx wvnc tuex, pulx khok nuiyc lung khok htenc wawc yuix muinz tvguiy muex yaungx wvnc tuex,” ngoz tueq jungx tueq.

DUNGWVNC 7:9

“Mkhoc shoc maq hokhvmx waz rueq, ngaz kvmx lot tvkoc vwangc juing tvkhic shuinz ngoz ruiux yuq, mnoz rueq Arun muex mngvl htulc kuex hokhvmx waz khaungkac nuex tvwoalc ruiux puiuc tvyaungx shuiuz,” ngoz tueq jungx tueq.

ISAIA 10:26

Ngaz, Tvphaungc Tvsuip Yehowa rueq Oreb Lung rauk nuex httax yaq Midian miqsaz htenc kuex ruez gay tauk ikhoc ngvy jowvyx maq tsuingshiq kuex thvt shaungx. Ngaz rueq Ejip miqsaz muex murx tvgurc tauk ikhoc Asiria miqsaz muex muinz murx tvgurc shaungx.

HABAKUK 3:8

Yehowa lex, mnoz muex thuinz tvkhaq jix kuex yuix ruilx htenc rueq haz? Svmuktvrax rueq mthuinz haz tvkhaq yaq nguinx? Mnoz kuex phuemx daungx htauk nuex ngaungc toq; Mmiqsaz htenc kox nuex taungx wvnc juing lvmz laq toq nuex, raunghtiq phuemx daungx kuex mnoz mvre renc rvtueq.

WEAWEA 20:11

Ngvlhtulc kuex tenz vtueq lung rauk kuex lauk nueyc wung tueq, kvkaq lung rauk wawc yuix paunghvlc dung koq tueq miq htenc rueq nuiyc nyvmx saz htenc rueq nuingx wuez tueq.

JOSHUA 8:18

Kvkaq Yehowa rueq Yoshua muex ngoc, “Mpaq kuex Ai ghaq kox kvyuq tvmuez shuiuz; kvruex ghaq kuex mnoz muex ngaz rueq lekuq vphaungx,” ngoz tueq jungx tueq. Yoshua rueq muinz vpiq rueq jungx tueq rulc rv-ngvlc ruez tueq,