DUNGWVNC 12:3 - Hawa Naga Bible 2001

³ Israel miqsaz phungc kvyuq vkhoc jungx kuq shuinz: vruex yapix raungx rokshiz raungnuiyq yuimx tek maq miq washiz rueq miqmac yuimx tvkoc khelbuenx saz, rvmuq ngoz ruiux khelkhix saz kuiux shiz phok thvlc tvy rax.

ASII LAKDAP Bible (BSI)

³ Israilnok mungmaiqse kunli ma tsii ka akha chongkuq ronglaq: Ümchaü jipi lüwa jiha raroqshi ranaiq na maiqwere takitek raq skuse are se riimakla chhechhi are se ka apaiq jamkun miitu tsea raüta thü chang.

DUNGWVNC 12:3 Referencias Cruzadas

RAPHA HIQWA LAK 22:8

Abraham rueq, “Tishox vpiq rueq phvnx shishiz tvhungx kuq phuex,” ngoz tueq tvralc tueq. Kvruex yimaq tsuingnueyc kuex vdvmz nuex khuemx wvnc yek tueq.

RAPHA HIQWA LAK 4:4

Kvruex yimaq Abel rueq muinz piq khelbuenx phungc kvwawc vphaungc vnyuiuz khelbuenx saz kuex lvmz laq vtueq, kvruex thvt ruiux vhvlx pinhtumc baung htenc shomc kuq tueq. Yehowa rueq Abel nuiyc piq rueq shomc kuq tueq kuex raungc raq tueq,

2 KAÜWA WERAÜ 35:7

Hokhvmx Josia rueq Tvlvy Wvnc Moalx nuex mungx miqsaz rueq shuimc lvmc tvkoc piq khelbuenx kung nuiyc suiux vmanx kung wawc khelbuenx, khelbuenx saz nuiyc khelkhix sahez 30,000 kvmaq manx pung 3,000 kuex kuq tueq.

DUNGWVNC 12:2

“Vruex yapix kuex nuimshiq tvkoc wawc shiz mungx wawc vphaungc yapix rvtueq.

DUNGWVNC 12:21

Moshe rueq Israel walaungx bix lotlaz gvl vtueq jungx tueq kuex, “Nuimshiq yuimx kac tek maq Tvlvy Wvnc Moalx tvkoc, khelbuenx rvmuq ngoz ruiux khelkhix saz kuex thvl vtueq thvt wuez shuinz.

DUNGWVNC 12:4

Mkhoc shoc maq yuimx shiz jix rueq nyvmx saz pumz shiz kuex phauk lot muq miq vthvp ngoz ruiux yuq, yuimx phic jix yuimx rulc romc vtueq miq washiz rueq mjuc lac phauk lot shvnx kuex miq pumz maq hangc vtueq nyvmx saz kuiux shiz kuex phuiuz rax.

DUNGWVNC 12:6

Kvruex yimaq raungx rokshiz rac raungx bvlic raungyac nuex Israel miqsaz lotlaz rueq kvruex nyvmx saz htenc kuex thvy wuez rax.

DUNGWVNC 14:15

Yehowa rueq Moshe muex ngoc, “Nuimhez kuex yvmx ngoz tueq lac guyc sez kaz wuez tuinx? Miq htenc kuex max kox kvyuq vkay ngoz laz mruez kueq.

DUNGWVNC 20:19

Tsuingshiq rueq Moshe muex ngoc, “Mnoz rueq dvyx nuiyshiq muex tvlvy jungx kuq koq; nuiyshiq rueq tay wuez shix; Tishox rueq nuiyshiq muex tiq jungx kuq ruiux kuex, nuiyshiq vthueyc muex hiz vtix,” ngoz tueq jungx tueq.

DUNGWVNC 4:30

Moshe muex Yehowa rueq jungx kuq tueq phvnx ruip saz kuex Arun rueq tsuingshiq muex jungx kuq ruiux, Moshe rueq tsuingshiq khaungkac nuex vwangc juing phvnx htenc tvkhic tueq.

DUNGWVNC 6:6

Kvkhoc rvtueq Israel miqsaz muex vkhoc jungx kuq shuiuz, ‘Ngaz kuex Yehowa rvtauk; Ejip miqsaz kox nuex dax muex yaungx vtuinx kvwawc ngaz rueq nuimshiq kuex tvdung wvnc phaungx. Ngvy yauk phumz hungc vlaungc tvlanc vtueq, tsuingshiq htauk nuex vhiz juing murx tvgurc ruiux, nuimshiq kuex palc wvnc phaungx.

EJEKIEL 40:1

Nuiyshiq thuq wvnc phuex kuex wawc 25, wawc nyalx raungx rokshiz raungnuiyq, Yerusalem bac wvnc yix wawc rokshiz rac wawc bvlic nuex rvtueq, Yehowa luimc vkawc yunghvlc kuex ngvy htauk nuex httuiuc kaz vtueq ngaz kuex shvlx wvnc phuex.

LEWI 1:2

Israel miqsaz htenc rueq shomc nawk kuy juing shomc kuq shuex nuex phvnc juing tvrac htenc kuex kuq tueq. Miq vshiz shiz rueq shomc nawk kuy juing nyvmx saz maq shomc kuq ruiux yuq, manx vshiz, rvmuq ngoz ruiux khelbuenx vshiz, rvmuq ngoz ruiux khelkhix vshiz maq shomc kuy rax.

LEWI 5:6

shomc kuy juing tvyaungc muex khelbuenx vkuiux rvmuq ngoz ruiux khelkhix vkuiux kuex Yehowa kox nuex lvmc lvy juing rvtueq. Shomc waz rueq kvruex waz mvrax laung nuex shomc nawk kuy shomc kuq shuex rvtueq.

WEAWEA 15:11

Kvruex kuex manx pung, khelbuenx pung, khelbuenx saz nuiyc khelkhix maq shomc kuy juing rvtueq.

John 1:29

Raungnvp kvyix Yohan rueq piq kox nuex Yesu kaz yaq kuex khiz vtueq, “Mungkawx miqsaz mvrax gurc kuy gay jix waz Tishox Khelbuenx Saz rvtueq!

John 1:36

Yesu kaz yaq kuex piq rueq khiz vtueq, “Tishox Khelbuenx Saz kuex lawc shuinz!” ngoz tueq.

John 12:1

Tvlvy Wvnc Moalx httuiuc muex raungx tvruk ngoc yaungc nuex vmaungx wawc tvyuing tueq Lazaru httaz juing Bethany ghaq nuex Yesu kaz tueq.

John 12:12

Raungnvp kvyix moalx nuex httuiuc kay jix miq vkung vdaungx htenc rueq Yerusalem nuex Yesu kaz yaq kuex tay vtueq,

1 Corinthians 5:7

Nuimshiq vsawc yaungc tvkoc wisiz vkez ngoz yaq mvrax kuex dawc tuip gay shuinx. Kvkaq jix nuimshiq kuex wisiz lomx muq wanx phux vnyalx ikhoc yaungx wuez tuinx, kvkhoc nuimshiq rvkhauk laz yaungx tuinx kuex ngaz rueq tuiuz vshaungx. Yvmx khoc lac ngoz ruiux lec Tvlvy Wvnc khelbuenx ngoz yaq Christu maq shomc nawk kuq wvnc tiq shex ningkhvnc nuex naungshiq Tvlvy Wvnc Moalx tvkoc tvyoalc yoalx shex.

JOSHUA 7:14

Kvkhoc rvtueq invp raungnvp miq vphvnx maq vphvnx kay wuez rax tsuingshiq muex jungx shuiuz. Ngaz rueq httauk tvdung shaungx phvnx kuex vtaungx tv-phvnc max vyuq kay rax. Ngaz rueq httauk tvdung shaungx vtaungx kuex yuimx kac tek tv-phvnc max vyuq kay rax. Ngaz rueq httauk tvdung shaungx wawc yuimx wuinz vshiz maq vshiz kuex max vyuq kay wuez rax.

Revelation 13:8

Vthvy gay rvhumc tueq Khelbuenx Saz rullungx luik dvp nuex, mungkawx max tvdung sung maq raz tueq muingc wuiyq lomx yoalx ghaq htauk wawc miqsaz lotlaz rueq svl vwvl kuex nawk palx wuez shuex.

1 SAMUEL 7:9

Samuel rueq khelbuenx saz vshiz kuex thvt ruiux Yehowa muex shomc nawk juing tvyaungc vtueq wvpumz tuimx jauk shomc kuq tueq. Kvruex yimaq piq rueq Yehowa kox wawc Israel miqsaz muex romc kuy tvkoc vjux thoz tueq, Yehowa rueq piq vjux thoz bomc kuex tvralc kuq tueq.