DUNGWVNC 12:23 - Hawa Naga Bible 2001

²³ Yehowa kuex Ejip miqsaz thvy gay tvkoc Ejip mungx maq lvy wvnc vtueq, kaluix daungx khux nuex nuiyc kaluix daungx htung nuex tvguiy kuex khiz ruiux yuq, Tvthueyc jix Kamx waz rueq nuimshiq yuimx htenc kuex lvy gay shec ruiux, nuimshiq kuex thvt gay muq.

ASII LAKDAP Bible (BSI)

²³ Krai mren ümtiikiiwa Tatiwe ka Ejip mung hamli wa Ejipnok tseakai kitlaq akhing na, apaiq raq kilamchong rati pumpat na nai siimkonai ri pumpat na ngam tiijai ka michhi. Raüla apaiq raq maiqtseati rase kitlaq kriika, namshiqnok jam mong na tiiwa mak miraq. Raüta namshiq ka tiitsat baiq mak miraq.

DUNGWVNC 12:23 Referencias Cruzadas

2 SAMUEL 24:16

Yehowa raungkamx waz rueq Yerusalem ghaq kuex tvbac gay danc yaq nuex, Yehowa kuex miq htenc muex murx tvgurc kuy lvmx nuex seng vtueq thuinz kvlayc ruiux, tsuinghez thvt yaq raungkamx waz muex ngoc, “Httvr shuinz! Hungx tueq shex!” ngoz tueq jungx tueq. Kvkaq raungkamx waz kuex Jebusi miqsaz Arauna tsvmz nuiuz juing hep nuex rvtueq.

YOBA 14:13

Mnoz rueq ngaz kuex wulumx mungx nuex httuiyq tvy gay ngaz rueq raungc raq vshaungx; mthuinz khvy shiz nuex httuiuc laz ngaz kuex httuiyq koq, kvruex yimaq ngaz kuex rvwvl lvp tvkoc vkhing vshiz taq shuiuz.

DUNGWVNC 11:4

Moshe rueq hokhvmx waz muex ngoc, “Yehowa rueq jungx yaq, ‘Raungwvrx htungx nuex ngaz kuex Ejip mungx nuex kaz taungx,

DUNGWVNC 12:7

Miq htenc kvraq tvguiy kuex lvmz vtueq yuimx kaluix khux wawc daungx kvyuq nuiyc kaluix daungx htung nueyc kvyuq nyvt ruiux, vngvmx kuex mphauk shueq.

ISAIA 26:20

Ngvy miqsaz htenc lex, nuimshiq yuimx mungx kvyuq nyuip wuez vtueq, kaluix kuex shauk wuez shuinz. Tishox thuinkhvy shiz nuex httuiuc laz miq pumz kuex yauk lox kvhttuiyq httax wuez kuinz.

ISAIA 37:36

Yehowa raungkamx waz kuex Asiria miqsaz htenc httax yaq jerak kvyuq kaz vtueq nolaungx bix 185,000 kuex thvt gay tueq. Nvp yix raungnvp shaldungc wvnc tueq nuex lotlaz thueyc kaz tueq!

EJEKIEL 9:4

“Yerusalem ghaqyungx hup nuex khuemx kaz vtueq, ghaqyungx mungx nuex miqsuirc vsac shuimx yaq lotlaz kvruex ningkhvnc nuex thuinbac yonzyex vtueq kuilc daz rvhumc yaq jix miq ruip rawx khaungkuimx htauk kvyuq tvtsuingc juing tvkop taq shuiuz,” ngoz tueq jungx phuex.

EJEKIEL 9:6

Nyuiuz waz rulx, yalxrox rulx, yalxtux rulx, vnyuiuz rulx nuiyc vsahez kuex thvt gay shuinz. Yuq muinz khaungkuimx htauk nuex tvtsuingc juing vtvkop jix vngoz ngoz kuex nauk heq kaz. Kvruex kuex ngvy Shomc Yuimx maq phaungc wvnc shuinz,” ngoz tueq jungx yaq kuex ngaz rueq tay tauk. Tsuinghez rueq Shomc Yuimx nuex jvp yaq walaungx bix kuex kungkhux thvt phaungc wvnc tueq.

1 Corinthians 10:10

Tsuingshiq wvyvmc jix kvbot nyvnx vtueq, Vthueyc Kamx waz yauk nuex tvbac gay rvhumc wvnc tueq ikhoc naungshiq kuex kvbot nyvnx tix rvmuq.

Hebrews 11:28

Israel miqsaz wawc pekhux sahez kuex Tvthueyc jix Kamx waz rueq thvt gay muq juing piq kvmluimx vtueq Tvlvy Wvnc Moalx tvhungx ruiux kaluix daungx jungx nuex tvguiy maq tvbuit tueq.

Hebrews 12:24

Nuimshiq kuex bomkhvrc vnyalx tvhungx jix Yesu kox nuex muinz, Abel tvguiy htauk nuex muinz vhvlx pinhtumc bomkhvmc ngoz yaq buit wuinc tueq tvguiy nuex muinz httuiuc wvnc vtuinx.

Revelation 7:3

“Naungshiq Tishox nvrc waz hez khaungkuimx nuex tvsik kuex naungshiq rueq max tvkop kuq wawwawx nuimshiq rueq ghaq, svmuktvrax nuiyc pulx jungx htenc kuex uraq muinz vgvrx vtsvrx nauk tvhttuiuc kaz,” ngoz tueq yunghvlc maq ramc tueq.

Revelation 9:4

Tsuingshiq rueq httuingx htenc wuiljuit wuiljaungx phvnx htenc, pulx htenc, vganc phvnx kemc htenc kuex heq shuex rvmuq, khaungkuimx nuex Tishox tvsik tvkop muq miqsaz htenc dvyx tvkuilc daz lvp shuex rvtueq.