DUNGWVNC 10:2 - Hawa Naga Bible 2001

² kvruex kuex mnoz rueq msaz hez nuiyc msuiuz hez muex jungx kuy tvkoc muinz rvtueq. Ngaz Yehowa rvtauk lvmz kuex nuimshiq lotlaz rueq tuiuz wvnc shuinx,” ngoz tueq jungx tueq.

ASII LAKDAP Bible (BSI)

² Kiimaq namshiq raq namsetiim nai namsaütiim ma, Ngi raq Ejip mungti ka awang chang jaqsham lata, tsangshiq ka jamkho angok anginok ma tiijabaiq kang kra manphan ka michong kuq han. Namshiq tarü raq Ngi ka Tatiwe dea nguta misap han.”

DUNGWVNC 10:2 Referencias Cruzadas

2 SAMUEL 7:22

Johvlc Yehowa lex, mnoz kuex mtanc wuez yungx vtuiux! Mnoz rulc rv-ngvlc jix ukhaq muinz httax muq; Mnoz dvyx Tishox rvtoq kuex nuiyshiq rueq mkaq muinz tuiuz taq vshix.

Tvtsvmc 44:1

O Tishox lex, nuiyshiq nac htenc maq kvruex lvmz kuex nuiyshiq rueq tay wvnc tiq, nuiyshiq jix vwaz tamx rueq muinz lvy wvnc tueq raungnuiyq htenc ngoz yaq, tsuingshiq vkhing nuex mnoz rueq shuimx wvnc toq yunghvlc yauk shuimc htenc ngoz yaq:

Tvtsvmc 44:2

mungganc miqsaz htenc kuex mnoz rueq mkhoc lac yurc gay toq lvmx, tsuingshiq ghaq vraungx nuex mmiqsaz htenc httaz tvkoc tvhungx taq toq lvmx, vganc miqphvnx htenc kuex mnoz rueq murx tvgurc kuq vtueq mmiqsaz htenc kuex tvrungx wanx tvhttax toq.

Tvtsvmc 58:11

Miq rueq, “Tsuingrux jix htenc kuex vsuingc suing tvtsvmc yauk noalc lvp wvnc wuez shuex; mungkawx phoc jix Tishox kuex vsuingc suing httax yaq,” ngoz tueq jungx wuez shuex.

Tvtsvmc 71:18

Majuiuc ngaz kuex nyuiuz waz ngvy khux shex puix wvnc vtuex, O Tishox lex, ngaz kuex nauk tuip gay vkueq! Httuiuc wvnc yaq miq pat lotlaz muex mnoz luimc vkawc nuiyc hungc vlaungc kuex ngaz rueq jungphvnx ruiux yuq, ngaz rulc vdvmz httax kuiuz.

Tvtsvmc 78:3

lvy wvnc tueq pat nuex vpuingc taq shec thuiuz sungx hvlc lvmz htenc kuex nuimshiq muex ngaz rueq mvnphvnc htenc maq jungx kuq ix.

DUNGWVNC 13:14

Yimaq msaz rueq, yvmx ngoz tueq lac vkhoc ruez vshix ngoz tueq wiz ruiux yuq, mnoz rueq piq muex, ‘Yehowa luimc vkawc yunghvlc maq naungshiq kuex dax muex yaungx tiq Ejip mungx kvwawc tvdung shvlx wvnc phuex.

DUNGWVNC 14:18

Ngaz rueq tsuingshiq kuex taungx gay ningkhvnc nuex, ngaz kuex Yehowa ngoz tueq Ejip miqsaz rueq tuiuz wuez shuex,” ngoz tueq jungx tueq.

DUNGWVNC 14:4

Ngaz rueq piq khux tvtsanc kuy ningkhvnc nuex, piq rueq Israel miqsaz kuex yurc khvt shuex, kvkaq hokhvmx waz nuiyc piq nolaungx bix lotlaz kuex ngaz rueq taungx gay tauk kuex tvtsanc nganc wuez shuex. Kvkaq ngaz kuex Yehowa rvtauk kuex Ejip miqsaz rueq tuiuz wuez shuex,” ngoz tueq jungx tueq. Israel miqsaz rueq muinz vpiq rueq jungx tueq rulc rv-ngvlc kvkhoc rvwuez tueq.

DUNGWVNC 7:17

Taungjix hokhvmx waz lex, Yehowa rueq ngoc ngaz Yehowa rvtauk lvmz mnoz rueq yvmx khoc maq tuiuz juing lac ngoz ruiux lec, majuiuc ngaz rueq shuimx shaungx vruex maq tuiuz lvp shuiux. Ngaz rueq ngvlhtulc maq yuix ruilx kuex wung ruiux yuq, yuix kuex tvguiy muex yaungx wvnc tuex.

DUNGWVNC 7:5

Kvkaq ngvy yauk tvlanc vtueq Israel miqsaz kuex tsuingshiq mungtan wawc tvdung wvnc shaungx nuex, ngaz kuex Yehowa rvtauk lvmz Ejip miqsaz rueq tuiuz wvnc wuez shuex,” ngoz tueq jungx tueq.

DUNGWVNC 8:6

Kvkhoc rvtueq Arun rueq yuix httax yaq lotlaz kvyuq ngvlhtulc kuex tenz koq tueq, lukburx htenc paunghvlc duiz wvnc vtueq, wvmungx tuimx nuex mvrx wvnc tueq.

ISAIA 38:19

Majuiuc mnoz muex ngaz rueq tvtsvmc phaungx kvkhoc, Vtvraungx httax yaq jix rueq mnoz muex tvtsvmc wuez yaq. Vnyuiuz vwaz rueq mnoz mtanc lac tvmtuing httax vtuiux kuex tsuingshiq sahez muex jungx kuq yaq.

EJEKIEL 20:26

Tsuingshiq miqmac saz pekhux sahez maq shomc nawk kuq vtueq miqmac shauk pumz kuex tvshuy shac tvkoc tsuingshiq muex ngaz rueq kuq tauk. Ngaz Yehowa rvtauk kuex tsuingshiq muex tvkhic tvkoc tsuingshiq muex murx vruex tvgurc vshaungx rvtueq.

EJEKIEL 20:28

Tsuingshiq muex kuq phaungx ngoz tueq bomkhvmc taq tauk mungtan nuex tsuingshiq kuex shvlx wvnc tauk. Tsuingshiq rueq johvlc ghaqluimx htenc nuiyc wuiljuit wuiljaungx pulx htenc kuex khiz vtueq, kvruex htenc lotlaz nuex shomc nawk kuy juing shomc kuq tueq. Tsuingshiq rueq kvruex yuq vhomc vtumc phvnx jauk shomc nawk kuy nuiyc svpiq tix shvy vtueq shomc kuy ningkhvnc nuex ngvy thuinz tvkhaq phuex.

Yoel 1:3

Kvruex yuq seng vtueq nuimz sahez muex jungx kuq shuinz; tsuingshiq rueq muinz tsuingc sahez muex jungx kuq shuex, patshiz maq patshiz phvnx jvnx jungx wuez shuex.

Ephesians 6:4

Vnyuiuz vwaz rulx lex, nuimshiq sahez thuinkhvy juing kuex nauk ruez kaz. Kvkhoc ruec tvraung, tsuingshiq kuex Taungjix thuinroc rulc rv-ngvlc tvhonc tvtharc wuez shuinz.

TRI CHONGKE 4:9

Nuimshiq honc lvmz wuez shuinz! Miqmac muik maq khiz wvnc tuit htenc kuex lauk gay muit tvkoc tvmaung hvt rvshuinz. Kvruex lvmz kuex nuimsaz hez nuiyc nuimsuiuz hez muex jungx kuq wuez shuinz: