DUNGWVNC 1:20 - Hawa Naga Bible 2001

^20-21 Nox tvjawc jix hez kuex Tishox muex hiyaz jix ningkhvnc nuex, vpiq rueq tsuingnueyc muex vhvlx shungc vngaungc tvyaungc kuq tueq. Israel miqsaz htenc muinz pux paung wvnc tueq.

ASII LAKDAP Bible (BSI)

^20-21 Kra nochhü kamketi nyungnai raq Shiikeawe ma haisong tsantsii riimkha na, Shiikeawe ka tsangnai ma tsanhea riito kiimaq tsangnai ma maiqmii jamkun kuqto. Kiimaq Israilnok ka pahea puwan wan ruq she puwanto. Kiimaq ahong alanok ma jawanto.

DUNGWVNC 1:20 Referencias Cruzadas

Tvtsvmc 103:11

Raungx kuex ghaq htauk nuex vjoz rvtueq rulc rv-ngvlc, vpiq muex tvtsanc nganc jix hez htauk nuex vpiq lungwawc thuinz kuex kvrulc rv-ngvlc yungx yaq.

Tvtsvmc 111:5

Vpiq muex tvtsanc nganc jix htenc muex phuiuz vsvy kuq ruiux; vpiq bomkhvrc kuex mkaq muinz lauk gay muq.

Tvtsvmc 145:19

Vpiq muex tvtsanc nganc jix htenc muex rax yaq htenc kuex vpiq rueq kuq ruiux; tsuingshiq guyc sez yaq kvjaz kuex tay vtueq tsuingshiq muex palc kuq tueq.

Tvtsvmc 61:5

O Tishox lex, ngvy bomkhvmc htenc kuex mnoz rueq tay toq, mnoz muex tvtsanc nganc jix htenc rueq guimz yaq tsak vnyvmx htenc kuex mnoz rueq ngaz muex kuq phux.

Tvtsvmc 85:9

Vpiq muex tvtsanc nganc jix htenc kuex vpiq rueq palc wvnc tvkoc vsuing tvyoalc yoalx httax yaq, vpiq rueq palc wvnc tueq ngauz vngax kuex naungshiq ghaq vraungx nuex httax tuex.

DUNGWVNC 1:12

Yuq muinz Ejip miqsaz rueq Israel miqsaz kuex guirguenz koq jix, Israel miqsaz kuex paung yaung wvnc vtueq, wvmungx tuimx nuex rv-nyanc httax wvnc tueq. Ejip miqsaz kuex Israel miqsaz muex hiyaz wvnc wuez tueq,

DUNGWVNC 1:19

Kvkaq nox tvjawc jix nyuiuz nueyc rueq, “Hebre nyuiuz tamx kuex Ejip nyuiuz tamx ikhoc rvmuq, tsuingshiq kuex saz jawc yoalc hvlc ningkhvnc nuex nox tvjawc jix max httuiuc nuex dvyx jawx gay wuez yaq,” ngoz tueq jungx tueq.

DUNGWVNC 1:7

yuq muinz Israel miqsaz tsuingshiq suiuz vsaz paunghvlc pux wvnc vtueq, Ejip mungx baung ruip saz nuex rv-nyanc httax wuez tueq.

TAKSU LAK 11:18

Layx bac jix miqsaz htenc rueq vsuing yvmx muinz lvp luz rvmuq, yuq muinz vlvmx yauk shuimc mnoz rueq shuimx ruiux kuex somraungc yauk noalc lvp wvnc shuiux.

TAKSU LAK 19:17

Htemc saz jix muex mnoz rueq kuq noalx shuiux kuex Yehowa muex tvnvmc kuq shix rulc rv-ngvlc yaq, Yehowa rueq mnoz muex htuimz kuq yek shuex.

THARC TVLUINGC 8:12

Mvrax kop yaq waz kuex vbac khuec vkhac lauk shashiz yaq ruiux muinz tvraungx shauk dvyx httax yaq. Oh rvtueq, tsuingshiq rueq vkhoc jungx yaq kvjaz kuex ngaz rueq tuiuz tauk: “Tishox kvjaz kuex phvnx ruiux yuq, phvnx ruip saz kuex vlvmx rvwvnc tuex,

ISAIA 3:10

Tsuingrux jix kuex thuinhvlx yaq, taungx vwawx ruip rawx tsuingshiq tvkoc vhvlx jvnc rvtuex. Tsuingshiq kuex miqmac shuimc vkay ningkhvnc nuex vkokez juing lvp wuez shuex.

Matthew 10:42

Ngaz rueq nuimshiq muex vsuing jungx kuq ix, ngvy kungjix vwawc vruinx pinhtumc waz muex ngvy htvlx phawc lawc vtueq, yuix kuiyq kokshiz kuy nuingc jix waz rueq yauk mauk vsuingc suing lvp wvnc shuex,” ngoz tueq jungx tueq.

Matthew 25:40

“Kvkaq Hokhvmx waz rueq, ‘Ngaz rueq nuimshiq muex vsuing jungx kuq ix, vruex inox tamx vwawc vruinx pinhtumc waz muex nuimshiq rueq shvlix lawx kuq shuinx kuex ngaz muex shvlix lawx kuy rvtueq!’ ngoz tueq tvralc tueq.

Luke 1:50

vpiq muex tvtsanc nganc jix htenc htauk nuex patshiz maq patshiz nuex httuiuc laz menjenc thuinz tvkhic yaq.

Hebrews 6:10

Tishox kuex tvrac vlvmz vguez waz rvmuq. Vpiq kuex nuimshiq rueq shuimx wvnc tuit yauk shuimc htenc muinz, vpiq muex lungwawx lvmx nuimshiq rueq tvkhic kuy tvkoc mvnnuex maq raz tueq majuiuc nuex httuiuc laz, Christan miqsaz vdvmz dvmz rvromc lawc yaq kvmuinz Tishox rueq lauk gay muq.