DUNGWVNC 1:17 - Hawa Naga Bible 2001

¹⁷ Yuq muinz nox tvjawc jix nyuiuz nueyc kuex Tishox muex hiyaz jix ningkhvnc nuex Ejip hokhvmx waz kvjaz kuex phvnx muq maq, miqwaz sahez muinz vtvraungx taq tueq.

ASII LAKDAP Bible (BSI)

¹⁷ Shatmaq kra nowüchhi na achhü kamketi nyung nai ka Shiikeawe ma ahai. Kra ningkhan hokhamwe aming ka lang mak dea riito. Shatmaq tsangnai raq maiqwe sere chiitlaq kra atra tiisito.

DUNGWVNC 1:17 Referencias Cruzadas

RAPHA HIQWA LAK 20:11

Abraham rueq, “Vruex hong wawc miq htenc kuex Tishox muex hiyaz wuez muq, itaungx nyuiuz kuex nyvlc wvnc tvkoc ngaz kuex thvt gay phuex, ngoz tueq tvmaung tauk.

RAPHA HIQWA LAK 42:18

Raungnuiyq thuimx vngoz nuex Yosep rueq tsuinghez muex ngoc, “Ngaz kuex Tishox muex hiyaz tvtsanc nganc jix waz rvtauk, nuimhez rullungx tvraungx lvp tvkoc vkhoc rvshuinz.

2 SAMUEL 24:4

Yuq muinz hokhvmx waz rueq Joab nuiyc piq miq vyungx vlaungx bix muex piq rueq nvr tueq rulc rv-ngvlc tv-phvnc tueq; tsuinghez rueq Israel miqsaz muingc lvmc kay tvkoc piq kox maq kaz wvnc wuez tueq.

NEHEMIA 5:15

Ngaz rueq max shuimx shauk kungkhux nuex mungx walaungx yaungc jix bix rueq kuex mungx miqsaz muex gurc liq tvgurc wvnc tueq, mungx miqsaz kox wawc lvmx svy nuiyc svpiq tix laung nuex nuiyq shiz nuex kuimphox sawx rok bvlic thoz tueq. Tsuingshiq nvrc waz hez rueq doc muinz mungx miqsaz kuex tuinghtuing wuez tueq. Yuq muinz ngaz kuex Tishox muex tvtsanc nganc jix ningkhvnc nuex kvkhoc kuex ruez rvmauk.

ESTHAR 3:3

Hokhvmx waz muex shuimc lvmc kuy jix vganc vyungx vlaungx bix piq muex hokhvmx waz rueq nvr tueq bomc kuex piq rueq yvmx ngoz tueq lac phvnx muq kuex wiz tueq;

Tvtsvmc 31:19

Mnoz muex tvtsanc nganc jix htenc tvkoc mnoz rueq vyoalc taq vhvlx kejux htenc kuex pinhtumc vwangc juing mvnauz! Mnoz mtanc lac hvlx vtuiux kvruex muinz mnoz muex tvluimc yaq jix htenc kuex mtanc lac mnoz rueq tvkhup wungx vshuiux kuex miq ruip rawx rueq tuiuz yaq.

DUNGWVNC 1:18

Kvkhoc rvtueq hokhvmx waz rueq nox tvjawc jix nyuiuz nueyc kuex gvl vtueq, “Nuimnueyc rueq ngvy kvjaz tay muit maq yvmx ngoz tueq lac miqwaz sahez kuex tvraungx taq vshuinx?” ngoz tueq wiz tueq.

TAKSU LAK 16:6

Tvmtuing raz tueq vlvmx yaungx kuiuz, ngoz ruiux Tishox rueq mmvrax kuex dawc kuq gay kv-phux. Yehowa kvjaz tay phvnx shuiuz, kvkaq honc bac phvnx yvmx muinz mnoz nuex yaungx wvnc rvhumc tuiux rvmuq.

TAKSU LAK 8:13

Yehowa muex tvtsanc nganc kuex honc vbac phvnx shuiuc gay rvtueq; ngaz rueq ngamc ngax lvmx nuiyc tuluimc thuinz, honc bac lvmx nuiyc vrot vkaq kvjaz htenc kuex shuiuc vshaungx.

THARC TVLUINGC 12:13

Httax yaq lotlaz jungc lot yix, vjungc juing kvjaz vshiz dvyx httax yaq: mnoz kuex Tishox muex hiyaz tvtsanc nganc ruiux vpiq rueq nvr yaq htenc kuex phvnx shuiuz, yvmx khoc lac ngoz ruiux lec vruex lotlaz phvnc tvkoc miqsaz kuex tvdung sung shec tueq.

THARC TVLUINGC 8:12

Mvrax kop yaq waz kuex vbac khuec vkhac lauk shashiz yaq ruiux muinz tvraungx shauk dvyx httax yaq. Oh rvtueq, tsuingshiq rueq vkhoc jungx yaq kvjaz kuex ngaz rueq tuiuz tauk: “Tishox kvjaz kuex phvnx ruiux yuq, phvnx ruip saz kuex vlvmx rvwvnc tuex,

DANIEL 6:13

Kvkaq tsuinghez rueq hokhvmx waz muex, “Yuda mungx wawc vthuq wvnc miq washiz rvtueq Daniel kuex Taungjix hokhvmx waz muex hiz muq, mnoz rueq nvr toq kuex phvnx muq. Piq rueq nuiyq shiz nuex lauk thuimx khauk khauk vjux thoz yaq,” ngoz tueq jungx tueq.

Hosea 5:11

Israel kuex tuinghtuing guirguenc rvhumc yaq; piq rueq vkuy juing yvmx muinz lvp muq jix htenc muex romc kuy tvkoc hunglaungc ningkhvnc nuex, tvrac vlvmz maq guimz yaq piq ghaqphux kuex tvmaq gay tueq.

Mikha 6:16

Hokhvmx Omri nuiyc piq saz Hokhvmx Ahab hez layx vbac yauk shuimc kuex nuimshiq rueq phvnx vshuinx ningkhvnc nuex vruex lvmz yaungx wvnc tuex. Nuimshiq rueq tsuingshiq kvmungx thuinz kuex phvnx ruq phvnx vshuinx ningkhvnc nuex ngaz rueq nuimshiq kuex tvbac gay phaungx, miq ruip rawx rueq nuimshiq muex shummarc kv-phux. Baung ruip saz wawc miq htenc rueq nuimshiq kuex wvlc guez waqguez nueykuic kv-phuinx,” ngoz tueq jungx tueq.

Matthew 10:28

Gvnngvmx thvt gay lot ruiux siyac kuex thvt gay lot muq jix kvmac nauk hiz kaz; siyac rulc nongx gvnngvmx kuex ngarvyx mungx nuex tvdvy gay lot jix waz Tishox muex dvyx kvhiz wuez kuinz.

Luke 12:5

Ukhaq muex hiz juing lac kuex ngaz rueq nuimshiq muex tvkhic kuq ix: gvnngvmx kuex thvy gay lot yix, ngarvyx mungx nuex tvdvy gay vrangx vpangx httax yaq waz Tishox muex kuex kvhiz wuez kuinz, ngaz rueq jungx vphaungx kvmac kvmx kuinz, vpiq kuex nuimshiq kvhiz juing waz rvtueq!

Acts 5:29

Peter nuiyc kamx waz hez rueq, “Nuiyshiq kuex miq rueq nvr yaq htauk nuex Tishox rueq nvr yaq kuex phvnx shix.

1 SAMUEL 22:17

Kvruex yimaq piq hep nuex jvp yaq vbvmc jix hez muex ngoc, “Yehowa shomc waz hez kuex thvt gay shuinz! Tsuinghez kuex Dawid rulc vyumx maq yauk shuimc yaq kuex tsuinghez rueq tuiuz yaq lvmz muinz, piq yuz wvnc tueq lvmz muinz, tuiuz yaq rvhvt maq jungx muq,” ngoz tueq. Yuq muinz piq bvmc jix hez rueq, Yehowa shomc waz hez kuex thvy gay tvkoc yauk tenz khvmc muq.