DANIEL 2:5 - Hawa Naga Bible 2001

⁵ Hokhvmx waz rueq tsuinghez muex jungx tueq, “Nuimhez rueq maung kvruex muinz vlvmz yvmx lac rvtvnx kvmuinz ngaz muex jungx kuq lot phuinx ngoz tueq tvluimc vphaungx. Mkhoc shoc maq nuimhez jungx lot muit ngoz ruiux, nuimhez kuex tvhtaq tvruk raz tueq nuimhez yuimx htenc kuex httak tvbac gay shaungx.

ASII LAKDAP Bible (BSI)

⁵ Kiijiishe hokhamwe raq tsangshiq ma nguto, “Ngi raq ikhutsai na bom ka ashatthü wishe, namshiq raq ima kra chongke ratlo kiimaq kra liichum ka jamlai wa, kra ngi ma chongke ratlo. Kra chongkuqlot man riihanla, ngi raq namkhum ka kholam kholiiq, pongpan riipan mitiichai baiqha. Kiimaq namshiq jamthun ka wiita botkhulai rai mishot baiqha.

DANIEL 2:5 Referencias Cruzadas

2 HOKHVMX 10:27

Kvkhoc tsuinghez rueq vsawc htung nuiyc shomc yuimx kuex tvbac httak gay ruiux, kvruex shomc yuimx kuex phic tap muex tvyaungc yaq kuex majuiuc nuex httuiuc laz rvtueq.

EJRA 6:11

Uraq muinz vruex vnvrc bomc kuex phvnx muq ngoz ruiux yuq, tsuingshiq yuimx wawc tvnz kuex tvdung lvmz ruiux thvmz vtueq piq gvnz kvyuq but gay tvkoc ngaz rueq jungx nvr yek vphaungx. Piq yuimx kvmuinz suingkez phungc muex yaungx tuex.

Tvtsvmc 50:22

“Ngvy lauk gay jix waz lex, vruex kvjaz htenc kuex tay tvtsuingc shuiuz, rvmuq ngoz ruiux ngaz rueq mnoz kuex tvbac gay phaungx, mnoz palc jix washiz muinz httax tuex rvmuq.

Tvtsvmc 58:7

Tsuingshiq kuex ruic wvnc yaq yuix ikhoc mmoz wvnc kueq; lvmx nuex kemz yaq httuingx ikhoc tsuingshiq kuex vnyek nuiuz gay mrvhumc kueq.

DANIEL 2:12

Kvkaq hokhvmx waz kuex pinhtumc thuinkhaq vtueq Babelon mungx wawc hokhvmx rulc rvjungc rv-phvnc jix walaungx bix lotlaz kuex thvy gay tvkoc bomc tvdvy tueq.

DANIEL 3:29

“Majuiuc kuex miqphvnx tek, vphvnx tek nuiyc phvnx ruip kvjaz kvjak jix ukhaq yuq muinz Shadrak, Meshak, nuiyc Abetnego hez Tishox muex wvlc guez tvyaungc ruiux yuq, piq kuex tvhtaq tvruk ruec gay rvhumc vtueq vyuimx kuex httak tvbac gay muex ngaz rueq nvr vshaungx. Vkhoc rvlot jix tishox vganc kuex httax muq,” ngoz tueq.

DANIEL 4:9

Luinglawc jix hez muex walaungx waz Belteshazar lex, vsawc tishox htenc siyac mnoz nuex httax yaq ningkhvnc nuex vhttuiyq vpuiuc vruez lotlaz mnoz rueq tuiuz yaq kuex ngaz rueq tuiuz yaq. Vruex kuex ngvy maung rvtueq. Ngaz muex vlvmz jalc jungx kuq koq.

TRI CHONGKE 13:16

Kvruex ghaq wuinz hup vsvmx httax yaq htenc kuex ghaq mungx baung nuex tvtuimx taq shuinz. Kvruex yimaq miqghaq kvruex nuiyc hup vsvmx htenc kuex Yehowa nuimshiq Tishox muex shomc kuy tvraung wvr maq juiuz gay rax. Kvruex ghaq kvyuq laukshiz miqghaq tec mvy muq, ghaq bac ghaqchuing ikhoc mkaq muinz mhttax kueq.

JOSHUA 6:26

Kvkaq Yoshua rueq: “Yerikho ghaq tec yek tvkoc hunglaungx jix waz ukhaq yuq muinz Yehowa htumc nuex mvnhttonc m-gurx shueq. Htung tvjvp phaungc jix waz kuex vsaz pekhux waz mthueyc kueq; Palx kaluix guirc jix waz kuex vsaz nobung waz kuex mthueyc kueq,” ngoz tueq tuemc kuq tueq.

1 SAMUEL 15:33

Samuel rueq, “M-yaung muex vnyuiuz hez paunghvlc muex vsaz hez kuex tvsumx gay tueq ikhoc, majuiuc m-nyuiuz muex muinz vsaz tvsumx gay tueq nyuiuz muex tvyaungc shuex,” ngoz tueq jungx tueq. Piq rueq Gilgal wawc shomrawx khaungkac nuex Agag kuex tvhtaq tvruk jumz gay tueq.