DANIEL 2:4 - Hawa Naga Bible 2001

⁴ Tsuinghez rueq hokhvmx waz muex Aramai kvjaz maq tvralc wuez tueq, “Taungjix hokhvmx kuex rullungx wvlex mluz kueq! Nuiyshiq muex mmaung kuex jungx kuq koq, nuiyshiq rueq jalc jungx kuq phix,” ngoz tueq.

ASII LAKDAP Bible (BSI)

⁴ Kiijiishe tsangshiq raq hokhamwe ma Arab bom maq treto, “Chaü lei, rilung alu maq silaq! Ümma ka naishiq ma chonglaq. Raüla naishiq raq kra liichum ka michongkuqkai.”

DANIEL 2:4 Referencias Cruzadas

RAPHA HIQWA LAK 31:47

Laban rueq lung phungc kv-ngoc Jegar Sahadutha ngoz tueq muingc tueq, Yaku rueq Galeed ngoz tueq muingc tueq.

RAPHA HIQWA LAK 41:8

Raungnvp nuex piq kuex japa vtueq, Ejip mungx wawc luinglawc jix hez nuiyc wvtharc jix miqwaz rulx htenc kuex gvl tueq. Piq rueq vmaung kuex jungx koq tueq, washiz raung rueq muinz vlvmz kuex jalc jungx kuq lot muq.

1 HOKHVMX 1:25

Piq kuex majuiuc raungnuiyq dvyx kaz wvnc vtueq, manx, khelbuenx nuiyc vgvnz vnyel manx saz paunghvlc maq shomc nawk kuy shomc kuq vtueq, msaz hez lotlaz muinz, mnolaungx bix guimz lawc jix Joab muinz, shomc waz Abiatha muinz gvl vtueq, majuiuc baunglaung tsuinghez rulc vdvmz nuex phauk saq ruiux, ‘Hokhvmx Adoniya rullungx mluz kueq!’ ngoz tueq guyc sez wuez yaq.

1 HOKHVMX 1:31

Batsheba kuex bumx vtueq, “Ngvy taungjix hokhvmx waz lex pattup tvraungx httax kuiuz!” ngoz kuq tueq.

2 HOKHVMX 18:26

Kvruex yimaq Eliakim, Shebna, Joa rueq vyungx vlaungx waz muex ngoc, “Jiyungx waz lex, nuiyhez muex Aramai kvjaz maq jungx shuiuz. Nuiyshiq rueq kvruex dvyx tay yaq. Hebre kvjaz maq nauk jungx kaz; palx ruk khux htauk wawc miq lotlaz rueq tay yaq,” ngoz tueq jungx tueq.

EJRA 4:7

Persia honoc Artazeze rueq guimz yek tueq nuex Bishalam, Mitharedat, Tabeel nuiyc tsuingshiq kung vkamz hez rueq honoc waz kox nuex luik wuiyq tueq. Kvruex luik kuex Aramai kvjaz maq layc wuiyq vtueq phat kuy tvkoc rvtueq.

NEHEMIA 2:3

tvralc tauk kuex, “Taungjix hokhvmx waz kuex rullungx pattup httax kuiuz! Izjix iwaz tamx luip juing ghaqyungx bac wvnc vtuex nuiyc palx kaluix htenc muinz wvr rueq khamc gay tueq ningkhvnc nuex ngvy thuinbac muq juing yvmx khoc lac httax lot taungx?” ngoz tueq tvtay jungx tauk.

ISAIA 36:11

Kvruex yimaq Eliakim, Shebna nuiyc Joa rueq vyungx vlaungx waz muex, “Nuiyhez muex Aramai kvjaz maq kvjak kuq koq. Nuiythuimx rueq kvruex kvjaz kuex tay yaq. Hebre kvjaz maq nauk jungx kaz; palx ruk htauk nuex httax yaq miq lotlaz rueq tay wuez yaq,” ngoz tueq jungx tueq.

ISAIA 44:25

Ngaz rueq luinglawc jix waz miq- yaq htenc kuex tvkhic kuq ruiux, ruiysuiyq yapix maq waqtvnc jix hez rueq tvluz nuex jungx yaq kvjaz kuex tvmoz gay shaungx. Wvtharc jix waz kvjaz htenc kuex khawx gay ruiux tsuingshiq taksux tharc kuex vngauk vngaz dvyx yaungx yaq kuex tvkhic tauk.

DANIEL 1:4

Tsuinghez kuex vshvmx vsvp, phaqjic vhttax, naungnuk htauk nuex vthenc vtuiuz jix, yauk lox thenc jix, gvnz nuex yvmx muinz rungx rax muq jix, tsuinghez kuex hokhvmx hoc nuex yauk shuimc taungx jix miq ruec rax. Ashpenaza rueq muinz tsuinghez muex Babelon kvjaz kuex vwvlc nuiyc vwuiyq thenc laz tvluing kuq tueq.

DANIEL 2:7

Tsuinghez rueq hokhvmx waz muex tvralc yek tueq, “Mkhoc shoc maq Taungjix hokhvmx waz rueq maung kuex nuiyhez muex jungx ruiux yuq, nuiyhez rueq jalc jungx kuq phix,” ngoz tueq.

DANIEL 3:9

Tsuinghez rueq Hokhvmx Nebukhadnezar muex ngoc, “Taungjix hokhvmx waz pattup rullungx vluz httax kuiuz!

DANIEL 4:19

Kvkaq, Belteshazar ngoz yaq Daniel kuex yvmx muinz jungphvnx lot muq pinhtumc kawc yawc kaz tueq. Hokhvmx waz rueq piq muex, “Belteshazar lex, maung nuiyc kvruex bomjungc vlvmz ningkhvnc nuex mnoz nauk kawc yawc kaz,” ngoz tueq. Belteshazar rueq, “Taungjix hokhvmx waz lex, maung nuiyc vlvmz kuex mnoz tvkoc rvmuq, mralx hez tvkoc mruez kueq.

DANIEL 4:7

Kvkaq luinglawc jix lotlaz, muik tv-phelc jix htenc, htaungc kvpumz jix hez, nuiyc ruiysuiyq yapix lawc thenc jix htenc httuiuc waung phuex tueq, ngvy maung kuex jungx kuq tauk, yuq muinz tsuinghez rueq jalc jungx kuq lot muq.

DANIEL 4:9

Luinglawc jix hez muex walaungx waz Belteshazar lex, vsawc tishox htenc siyac mnoz nuex httax yaq ningkhvnc nuex vhttuiyq vpuiuc vruez lotlaz mnoz rueq tuiuz yaq kuex ngaz rueq tuiuz yaq. Vruex kuex ngvy maung rvtueq. Ngaz muex vlvmz jalc jungx kuq koq.

DANIEL 5:10

Hokhvmx waz nuiyc piq vyungx vlaungx bix thuirc tvruingc kuex hokhvmx waz taungnyuiuz muex vnyuiuz rueq tay vtueq, phauk saq yaq kvyuq nyuip waung tueq. Piq rueq, “Taungjix hokhvmx waz kuex pattup tvraungx httax kuiuz! Vtanc khvnc thuinz nauk tvbac kaz nuiyc htvlx nauk tvruinc kaz.

DANIEL 5:8

Hokhvmx waz rulc rvjungc rv-phvnc bix kuex max nuex kvhttot waung wuez tueq, yuq muinz washiz rueq muinz luik kuex wvl lot muq, vlvmz kuex hokhvmx waz muex jungx kuq lot muq.

DANIEL 6:21

Daniel rueq, “Taungjix hokhvmx waz rullungx wvlex httax kuiuz!

DANIEL 6:6

Kvkhoc rvtueq tsuinghez kuex hokhvmx waz kox nuex kaz vtueq, “Hokhvmx Dariu lex, Taungjix hokhvmx waz rullungx vluz httax kuiuz!

DANIEL 6:7

Nuiyhez lotlaz rueq mnoz honoc mungtan guimz lawc jix mungx walaungx bix, mungx shuimc jix bix, mungtuc bix, nuiyc vganc vyungx vlaungx bix kuex Taungjix hokhvmx kox wawc phvnc guez mvy muq tvrac phvnx shiz tvdung kuq koq, ngoz tueq raz wuez vtix. Kvruex kuex Taungjix hokhvmx waz maq lvy vtueq tishox htenc kox wawc muinz, miq kox wawc muinz, raungnuiyq rok thuimx baunglaung vyuq phvnx shishiz thoz mvy muq lvmz bomc tvdvy shuiuz. Kvruex tvrac tvlvlc jix waz kuex hangsic mvrc yaq shaung kvyuq tuip gay rvhumc tuex.

Matthew 21:9

Yesu vpiq max nuex nuiyc yix nuex phvnc jix miq vkung vdaungx htenc rueq, “Dawid Saz muex tvtsvmc wuez shuinz! Taungjix muingc maq httuiuc kay jix waz vpiq kuex thuinz mhvlx kueq! Tishox ngauz vngax kuex tvtsvmc wuez shuinz!” ngoz tueq guyc wuez tueq.

1 SAMUEL 10:24

Samuel rueq mungx miqsaz htenc muex ngoc, “Yehowa rueq vthvl taq waz kuex vyuq httax yaq! Piq rulc rv-ngvlc jix miq kuex naunghez nuex httax muq,” ngoz tueq jungx tueq. Miq lotlaz rueq muinz, “Hokhvmx waz rullungx mluz kueq!” ngoz tueq guyc wuez tueq.