DANIEL 2:37 - Hawa Naga Bible 2001

³⁷ Taungjix hokhvmx waz lex, mnoz kuex hokhvmx lotlaz htauk nuex yunghvlc rvtoq. Raungmungx Tishox rueq mnoz kuex honoc tvyaungc ruiux, luimc vkawc, ngauz vngax, nuiyc tvtsanc nganc kuex kuq kv-phux.

ASII LAKDAP Bible (BSI)

³⁷ Chaü lei, ümniika hokhambi wiita thaq na ajong pinthum. Ramungtan na siti Shiikeawe raq ümniika ajong pinthum hokham ma shongto. Raüta ümniima ningkun, phenla ningkun, kiimaq khushü kuqto.

DANIEL 2:37 Referencias Cruzadas

1 HOKHVMX 4:24

Solomon rueq Euphrat Ruilx shalx nyuip kox wawc ghaq vraungx lotlaz, Euphrat ruilx hep nuex httax yaq Tipsa ghaq maq shalx nyuip kox Gaza ghaqyungx nuex httuiuc laz guimz tueq. Euphrat ruilx maq shalx nyuip kox wawc hokhvmx bix lotlaz kuex piq rueq guimz lawc khung nuex yaungx tueq, phic vphaungx mungtan lotlaz rulc nomic maq httax tueq.

2 HOKHVMX 25:28

Ewilmerodak rueq piq muex menjenc vtueq Babelon mungx nuex thuq wvnc rvhumc tueq vganc hokhvmx bix muex piq rueq kuq tueq htauk nuex jvnc vtueq yunghvlc muingjungc khushec maq piq muex tvtsanc nganc kuq tueq.

2 KAÜWA WERAÜ 36:23

“Vruex kuex Persia Honoc Kiru rueq vnvr bomc rvtueq. Yehowa Raungmungx Tishox rueq ngaz muex mungkawx lotlaz tvguimz lawc vtueq, Yuda mungx Yerusalem ghaq nuex vpiq tvkoc shomc yuimx vshiz guirc muex yauk shuimc ngaz muex kuq phuex. Majuiuc kuex Tishox miqsaz rvtuit nuimshiq lotlaz kvyuq yek wuez kuinz, Yehowa nuimshiq Tishox kuex nuimshiq rulc vdvmz nuex mhttax kueq.”

EJRA 1:2

“Vruex kuex Persia Honoc waz Kiru rueq vnvr bomc rvtueq. Yehowa Raungmungx Tishox rueq mungkawx lotlaz kuex ngaz muex tvguimz lawc vtueq, Yuda mungx Yerusalem nuex shomc yuimx vshiz guirc tvkoc ngaz muex kuq phuex.

EJRA 7:12

“Honoc Artazeze kox wawc Raungmungx Tishox Tvrac kuex tuiuz thenc jix shomc waz Ezra kox nuex,

Tvtsvmc 62:11

Vpiq luimc vkawc httax yaq kvmuinz, vpiq lungwawc phaungx ngaungx yaq kvmuinz, Tishox rueq jungx yaq kvjaz kuex lauk wvruip ruip ngaz rueq tay tauk.

TAKSU LAK 8:15

Hokhvmx bix rueq guimz lawc yaq nuex ngaz rueq romc naungx vshaungx, vhvlx tvrac htenc kuex tvhungx tvkoc mungx walaungx bix kuex ngaz rueq htuiz daungx vshaungx.

ISAIA 10:8

Piq kvsomc parc kuex, “Ngvy nolaungx yungx washiz kuex hokhvmx rvtueq!

ISAIA 47:5

Yehowa rueq Babelon muex, “Kuiyq shuik maq raungnyauk mungx nuex ngaungc kuiuz; tsuingshiq rueq mnoz ngoc miqphvnx ruip rawx hokhvmx nyuiuz ngoz tueq mkaq muinz gvl muq shex!

JEREMIA 28:14

Tvphaungc Tvsuip Yehowa Israel Tishox rueq, kvruex miqphvnx lotlaz htauk nuex yanx kantaung kuex tvdaungc shec shuex, tsuingshiq rueq Babelon Hokhvmx Nebukhadnezar muex shuimx kuq shuex ngoz tueq jungx tueq. Vpiq rueq yaruix wawc ngvmx saz htenc rueq doc muinz Nebukhadnezar muex shuimx kuq wuez shuex ngoz tueq Yehowa rueq jungx tueq,” ngoz tueq.

JEREMIA 34:1

Babelon Hokhvmx Nebukhadnezar nuiyc piq nolaungx bix, piq rueq guimz yaq khung nuex httaz jix mungtan htenc wawc miqphvnx lotlaz nolaungx daungx htenc rueq romc naungx vtueq, Yerusalem nuiyc kvruex hep wawc miqghaq htenc kuex khvt yaq nuex Yehowa rueq ngaz muex jungx phuex.

EJEKIEL 26:7

Johvlc Yehowa rueq, “Hokhvmx lotlaz wawc vyungx pinhtumc Babelon Hokhvmx Nebukhadnezar kuex Tire khvt muex ngaz rueq gvl laq shaungx. Piq kuex nolaungx bix htenc nuiyc mvre htenc, mvre renc htenc nuiyc mvre nuex ngaungc jix nolaungx bix htenc kuex ghaqkhux kox maq kaz wvnc yaq.

DANIEL 1:2

Taungjix rueq Nebukhadnezar muex Hokhvmx Jehoiakim kuex tvlvp vtueq shomc yuimx wawc tsak vnyvmx wvyvmc kuex tvlvmz wvnc tueq. Piq rulc vdvmz vthuq wvnc miq wvyvmc kuex Babelon mungx wawc piq tishox htenc shomc yuimx nuex shvlx wvnc vtueq, lvp lvmz wvnc tueq tsak htenc kuex shomc yuimx tsak tumz nuex taq tueq.

DANIEL 2:31

“Taungjix hokhvmx waz lex, mkhaungkac nuex miq shvmx yac yunghvlc jvp yaq kuex mnoz rueq khiz toq, vphez vlep raz tueq miqhiz vsac khiz toq

DANIEL 2:44

Kvruex mungx walaungx bix rueq guimz yaq nuex raungmungx Tishox rueq mkaq muinz vhtumx kay ngoz tueq vguez mungtan vshiz tec taq shuex. Kvruex kuex mkaq muinz taungx shuex rvmuq, yuq muinz honoc mungtan htenc tvsawc ric tvbac gay shuex yix maq jix pattup phaungx ngaungx wvnc tuex.

DANIEL 4:19

Kvkaq, Belteshazar ngoz yaq Daniel kuex yvmx muinz jungphvnx lot muq pinhtumc kawc yawc kaz tueq. Hokhvmx waz rueq piq muex, “Belteshazar lex, maung nuiyc kvruex bomjungc vlvmz ningkhvnc nuex mnoz nauk kawc yawc kaz,” ngoz tueq. Belteshazar rueq, “Taungjix hokhvmx waz lex, maung nuiyc vlvmz kuex mnoz tvkoc rvmuq, mralx hez tvkoc mruez kueq.

DANIEL 4:22

“Taungjix hokhvmx waz lex, mnoz kuex loayc hvlc nuiyc hungc hvlc pulx jungx rvtoq. Mnoz kuex yunghvlc ningkhvnc nuex raungx htanc vshuiux, mnoz luimc vkawc maq mungkawx lotlaz puingc vshuiux.

DANIEL 4:25

Mnoz kuex miq phungc wawc yurc gay rvhumc vtueq yaruix ngvmx saz htenc rulc vdvmz httax tuiux. Mnoz kuex manx rueq ikhoc renhttuingx kuex wawc mvshix phauk ruiux, mhtauk nuex buing rueq hemc vtueq vshuip vpuingc vguez baung nuex woalc tuiux. Kvkaq Johvlc Tishox rueq miqsaz mungtan htenc guimz lawc ruiux, vpiq rueq vthvl miqsaz ukhaq muex muinz vpiq rueq kuq lot yaq kuex mnoz kvjungc tuiux.

DANIEL 4:3

“Tishox rueq naungshiq muex tvkhic phuex vtawz juing htenc kuex vtanc khvnc yungx luz yaq nyix! Vpiq rueq shuimx wvnc tueq vwangc juing htenc kuex vtanc khvnc luimc vkawc yungx yaq nyix! Tishox kuex pattup pat-sac hokhvmx, vpiq rueq pattup guimz lawc shuex.

DANIEL 4:32

Mnoz kuex miq phungc wawc yurc gay rvhumc vtueq yaruix ngvmx saz htenc rulc vdvmz wawc mvshix tup manx rueq ikhoc renhttuingx kuex phauk shuiux. Kvkaq Johvlc Tishox rueq miqsaz mungtan htenc htauk nuex guimz yaq luimc vkawc lvp vtueq vpiq rueq vthvl ukhaq muex muinz vpiq rueq kuq lot yaq kuex mnoz kvjungc tuiux,” ngoz tueq.

DANIEL 4:34

Hokhvmx waz rueq jungx tueq, “Wawc mvshix yix maq ngaz rueq raungx nuex kac lawc koq tueq, miqsaz thuinz vtharc kvyez yek tauk. Ngaz rueq Johvlc Tishox muex tvtsvmc kvmc ruiux pattup httax yaq waz kuex tvtsanc nganc vtueq ngauz ngax kuex tvtsvmc tauk. “Vpiq rueq pattup guimz lawc shuex, vpiq mungtan kuex patshiz maq patshiz phaungx ngaungx wvnc tuex.

DANIEL 5:18

“Johvlc Tishox rueq m-waz Nebukhadnezar kuex hokhvmx yunghvlc muex tvyaungc vtueq ngauz vngax nuiyc muingjungc khushec kuex kuq tueq.

DANIEL 7:14

Vpiq kuex vrangx vpangx, tvtsanc nganc, hokhvmx luimc vkawc kuy rvhumc jix waz rvtueq, miqphvnx htenc wawc miq lotlaz muinz, vphvnx htenc, nuiyc phvnx ruip kvjaz htenc rueq muinz piq muex shuimx kuq wuez shuex. Vpiq vrangx vpangx kuex pattup phaungx ngaungx yaq, vpiq mungtan mkaq muinz maq kaz muq.

Hosea 8:10

Yuq muinz majuiuc ngaz rueq tsuingshiq kuex vdvmz nuex tvtuimx vtueq murx tvgurc shaungx. Mtanc httax muq nuex tsuingshiq kuex Asiria honoc rueq tuinghtuing guirguenc thuiuz hvlc rvhumc wuez tuex.

Matthew 6:13

Vlauc vlawc rvyaq kvyuq nuiyshiq kuex nauk tvkaz vkueq, Honc bac waz kox wawc palc wvnc koq.’

John 19:11

Yesu rueq, “Mnoz muex Tishox rueq vkuq vrangx vpangx maq dvyx mnoz rueq vkhoc shuimx vshuiux. Kvkhoc rvtueq m-yauk nuex ngvy tvshuk lekuy gay jix waz kuex mvrax yunghvlc pinhtumc httax yaq,” ngoz tueq tvralc tueq.

Revelation 1:5

tvmtuing vhttax maq hakhix khvmc yaq waz, vthueyc wvnc jix hez wawc kungkhux yuing kvtenc wvnc jix, mungkawx hokhvmx bix guimz jix waz Yesu Christu kox wawc muinz, kejux nuiyc suinglix kuex nuimshiq rueq lvp wvnc shuinz. Naungshiq muex lungwawx vtueq vpiq pumz maq shomc nawk kuy thueyc khvmc tueq nuiyc naungshiq mvrax htenc dawc kuq ruiux,

Revelation 17:14

Tsuingshiq kuex Khelbuenx Saz kvrulc rvkhvt rvlungc wvnc tuex; yuq muinz Khelbuenx Saz kuex taungjix htauk nuex Taungjix, hokhvmx htauk nuex Hokhvmx ningkhvnc nuex tsuingshiq kuex yurc gay shuex. Vpiq rueq vgvl shec hez nuiyc vpiq muex tvmtuing httaz jix htenc kuex vpiq rulc vroc nuex taungx wvnc vkhangx lvp wvnc wuez shuex,” ngoz tueq.

Revelation 19:16

Vpiq svmhung nuex nuiyc yaz wuenc nuex, “Hokhvmx htauk nuex Hokhvmx, taungjix htauk nuex Taungjix,” ngoz tueq vmuingc kuex wuiyq shec tueq.

Revelation 4:11

“Nuiyshiq Taungjix Tishox lex! Mnoz rueq vphaungc vyaungc maq phuex tvdung sung vtueq, kvruex kuex mthuinz roc httax vtueq rullungx tvraungx httax wuez yaq, kvkhoc rvtueq mnoz kuex ngauz vngax, tvtsanc nganc nuiyc luimc vkawc kuex lvp aungx yaq,” ngoz tueq jungx wuez yaq.

Revelation 5:12

Vshic yunghvlc maq raz tueq, “Vthvy gay rvhumc jix Khelbuenx saz kuex, luimc vkawc, vrungx vwanx, taksux tharc nuiyc hungc vlaungc, tvtsanc nganc, ngauz vngax nuiyc tvtsvmc kvmc lvp aungx yaq!” ngoz tueq shix tueq.