DANIEL 2:37 - ASII LAKDAP Bible (BSI)

³⁷ Chaü lei, ümniika hokhambi wiita thaq na ajong pinthum. Ramungtan na siti Shiikeawe raq ümniika ajong pinthum hokham ma shongto. Raüta ümniima ningkun, phenla ningkun, kiimaq khushü kuqto.

Hawa Naga Bible 2001

³⁷ Taungjix hokhvmx waz lex, mnoz kuex hokhvmx lotlaz htauk nuex yunghvlc rvtoq. Raungmungx Tishox rueq mnoz kuex honoc tvyaungc ruiux, luimc vkawc, ngauz vngax, nuiyc tvtsanc nganc kuex kuq kv-phux.

DANIEL 2:37 Referencias Cruzadas

1 HOKHVMX 4:24

Solomon mungtan ka Euphretis rai maq phaho raüta shenyap nü mung thun kra kunli siq wanto. Kriika Euphretis rai wang na Tiphsa wang maq phaho raüta, shenyap mung na Gaja chela na saüli riito. Euphretis rai maq shenyap nü mung na maiq mung thun wa hokhambi thun kunli ka apaiq wokhong na siti wansenok siisaq riito. Kiimaq apaiq ka apaiq mungtan tro na maiq mung hokhambi ümchuwa sitlaq kriirai wehea siisaq sito.

2 HOKHVMX 25:28

Ewilmerodakh raq apaiq ma mangchang tsantsii tiichhi kuqto. Raüta apaiq rai nanok ahinti hokhambi kiijaq Bebilon mung na munglu shumwi ma atsuq wan kra phong na, apaiq ma shreng manto ajong lin she kuq raüta shongto.

2 KAÜWA WERAÜ 36:23

“Arka Parsia mung pengti Ajong Hokhamwe raq akuq aming. Tatiwe, Ramungtan Riimti Shiikeawe raq, ngi ka mangjong tlotli pengtiwe miishe shongto. Kiimaq ngi ma Juda mung na Jerusalem na apaiq miitu Shomjam ashi kra haike miitu arang kuqto. Riita ümchaü min, namshiq tarii Shiikeawe senginok thun ka, kiina kirong laq. Riita namshiq Tatiwe namshiq Shiikeawe kli namshiq rai adam misilaq.”

EJRA 1:2

“Arka Parsia mung langti Hokhamwe Sairas aming. Sanseng Ramungtan Rümti Tati Shiikeawe raq mangjong hiq angu tlotli ara hupkhang wan miitu ngi ka hokham ma shongto. Kiimaq Shiikeawe raq apaiq shomnoq wan miitu Judia wang wa Jerusalem chela na Shomjam sitlaq kra haike wan chang nguta ngi ma arang akekun she.

EJRA 7:12

“Ara lak ara ajong hokhamwe Artajarses raq Sanseng Ramungtan na siti Shiikeawe shomnoqti ramwe kiimaq Shiikeawe Thungtri shamti taksuwe Ejra ma waiq tiikang.

Tvtsvmc 62:11

Jangshi ngo ma apa Shiikeawe raq ningkun rümti ka apaiq nguta nguto taikang

TAKSU LAK 8:15

Ngi raq hokhambi mungpeng na khrum tiikang, kiimaq tuwebi ma tri ahea tiiq wan na khrum tiikang.

ISAIA 10:8

Apaiq ka akha shiikongsiqtlo, “Isengi loweatek phentubi thun ka hokham weshi shi khan!

ISAIA 47:5

Tatiwe raq Bebilon ma ngutlo, “Kaiqshak maq ngalaq ranyaq mong na; tsangshiq raq ümniika maiq mung thun hokham nyung nguta heamak she!

JEREMIA 28:14

Tati Ningkun Ajongwe, Israilnok Shiikeawe raq nguto, apaiq raq maiq mung thun tlotli khuthaq na jin thaikii she mitiiho. Krai mren tsangshiq raq Bebilon mung Hokhamwe Nebukadnejar puk na siisaq nyap raüta, apaiq ka mishkumpan. Tatiwe raq nguto, apaiq riika rum nyamsekong kra dongdii min Nebukadnejar puk na mitiinyap wan.”

JEREMIA 34:1

Bebilon mungti Hokhamwe Nebukadnejar raq apaiq phenlabi shea raüta, kiimaq awokhong na siti maiq thun ümchuwa sitlaq kriiwa phenlabi thun kra apaiq rai shea raüta, Jerusalem nai kra tho na siti chela thun kra longtlaq akhing na, Tatiwe raq ngi ma chongto.

EJEKIEL 26:7

Tati Rakaü Hiqwe raq ngutlo, “Ngi raq hokhambi thaq na ajong thaq niimin ajong pinthum Bebilon mungti Hokhamwe Nebukadnejar ka Tajar chela khatkai miitu misheahoha. Apaiq ka shekhu nü maq phenlabi rama hiqma sheaho raüta, kumrang kong kiimaq kumrang leng phong kiimaq kumrang raikhü na nga raüta rekhatti phenlabi thun kra sheaho raüta miki.

DANIEL 1:2

Tatiwe raq apaiq ma Hokhamwe Jehoiakim ka tlapto. Kiimaq shomjam wa tsiiq anyam wiijam kiimin trunto. Apaiq raq shumwikong wiijam ka apaiq rai, Bebilon mung na apaiq phra kong shomjam na tsuq wanto. Raüta sepat lopi tsiiq atsuq wan ka shomjam na hupsam thüchang khok thun kiijaq thüto.

DANIEL 2:31

“Chaü lei, riisham mak maq, ümkhaki na maiqwekaü sumla jonghea, achhai anyii chhaihea langlang, kiimaq aliilot chang riimak maiqphiip maiqjiip chhilaü.

DANIEL 2:44

Kra hokhambi raq mung lang wantlaq akhing niishe, ramungtan na siti Shiikeawe raq mungtan ashi she mishong wan. Kra mungtan ka pattup pat-sa thenki mak phan she miraq. Kra mungtan ka hokham ahinti juwe riimin khat lot mak she miraq. Shatmaq kra hokhamwe raq mungtan ahin thun ka wiita tiithumpak mikhat wan. Raüta apaiq mungtan kriili she pattup pat-sa thummak miqmak miishe mung ka misiq wan.

DANIEL 4:19

Kiijiishe Daniel, apaiq ka Belteshajjar ngutiimin ngutlo, ka anü maq abom min donglot mak, akiinyii rai nai atiirai she riito. Kra chhiraüta hokhamwe raq apaiq ma nguto, “Belteshajjar lei, ara rawama kra tailaüta nai kra liichum ka chhilaüta, ümniika naq kiinyiikhiq.” Kiijiishe, Belteshajjar raq treto, “Chaü lei, ngi raq tiima kla ara rawa ma kra nai kra liichum ka ümnaq miitu riimak, ümjaqtibi miitu, nguraüjaq ahea riichang nguta tiima tiikang.

DANIEL 4:22

“Chaü lei, kra pechong ka ümnaq. Jonghea luhea kiimaq ningkun jonghea sitlaü. Ümniika jonghea pinthum she jong wan laüta ratsan ramong nyang na saüli she saülaü. Kiimaq ümningkun jonglu kiimin mangjong hiq wiita hamli she ham wanto.

DANIEL 4:25

Ümniika maiqse phong wa, ajoshe mirbaiq. Raüta ümniika rumnyamse kong rai she misidam haü. Rawii wiimiishi na saüli, ümniika minsaüpongwe ikha sangphii phaq laüta misihaü. Laüta hiqsii thung na mikon haü. Kiijaq ra wa bangkham ka ümkhum na mirok. Kiijiishetiq ümniiraq Ajong Thaq Na Ajong Shiikeawe riili dea, maiqse angu hokhambi mangjong na sitlaq kra pengtlo. Kiimaq mangjong hiq na hokham jaqsham ka apaiq raq ümriiti ma kewa lungwii tlaq, kriiti ma kuqtlo nguta misap haü.

DANIEL 4:3

“Shiikeawe raq amao chang jaqsham jonghea, nashiq ma tiichhikuqtlo! Apaiq raq awang chang jaqsham, ningkun henghea maq shamtlo! Shiikeawe kli pattup pat-sa miitu hokham, Apaiq riili pattup pat-sa mipeng wan.

DANIEL 4:32

Raüta ümniika maiqse hiqshong wa ajoshe mirbaiq. Raüta rum nyamsekong rai she misi haü. Kiimaq minsaü pongwe ikha, rawii wiimiishi na saüli, rum wa sang kra phaq laü tiishe misi haü. Kiijiishetiq, ümniiraq Ningkun Ajong Shiikeawe riidea mangjong hiq raikhü na maiq mung ümchuwa diimtlaq kra rümtlo nguta misap haü. Kiimaq apaiq raq juwa lungwii tlaq, kriiti ka hokhamwe ma shongtlo nguta misap haü.”

DANIEL 4:34

“Rawii wiimiishi thumjai niishe,” nguta hokhamwe raq nguto, “Ngi raq ra nü na liikang. Kiimaq isung itsii ka atsangshe riiwan nongto. Krai mren, ngi raq Ningkun Ajong Shiikeawe ka tiitsamkam kang. Kiimaq ngi raq pattup pat-sa atra siti Shiikeawe ma akha shreng manto kiimaq khushü tiijong kuqkang: “Apaiq raq mangjong maiqse, pattup pat-sa milang wan, kiimaq apaiq hokham jaqsham, ümtiikiimin thummak phan.

DANIEL 5:18

“Ajong Thaq na Ajong Shiikeawe raq ümwe Nebukadnejar ka wiitarü thaq na ajong pinthum hokham ma shongto. Raüta apaiq kharü kiimaq angao jonghea kuqto.

DANIEL 7:14

Apaiq ma arang, shreng, kiimaq hokham jaqsham ningkun kuqto. Krai mren maiqmung thun, maiqphan thun, kiimaq maiq phan phan bomti thun, wiita raq apaiq kli she minoq wan. Apaiq arang ka pattup pat-sa thummak miraq, kiimaq apaiq mungtan ka, ümtiikiimin thummak miraq.

Hosea 8:10

Shatmaq ümchaü ngi raq tsangshiq ka adam niishe mitriichomha. Lata sintsang ma mitsatha. Asiria hokham ajongwe ka isintsang kii. Tsangshiq ka tsaija chhunja michamchao wan.

Matthew 6:13

Naishiq ma tsinhea maitai naq tiisaükiq, shatmaq naishiq ka Abi We maklii wa tiiwongshat riilaq.’

John 19:11

Kiijiishe, Jesuq raq Pilat bom ka treto, “Ümjaq na i tsitsü ara tiipit miitu arang ka Shiikeawe raq akuq tiina. Kriikha na, jurwa ngi ka ümjaq mong na shaphaq baiqtaq, kriiti riika, ümngarai thaq niimin ngarai jonghea she tang wanto.”

Revelation 1:5

kiimaq Jesuq khristo, tsapkap maq Shiikeawe bomtsi chongketi we raq, apaiq ka tarü thaq na apha shaq shaq amaa wa atiidong wanti we, kiimaq apaiq ka mangjong hiq na honyung hokham ümchuwa sitlaq kriithaq na, hupkhang wanti we raq, namshiq ma ara lungwii bomtsi ara tiisaü tlo. Jurwa nashiq lungwii tlaq, raüta nashiq ka nashiq ngarai kharü mong wa apaiq tiijai maq dokdaa wantaq,

Revelation 17:14

Kra ngamthaiq kaü nai hokham weroqshi raq, Skuse ka mikhat. Shatmaq, Skuse nai asengi raq tsangshiq ka mikhat wan. Raüta mitang. Apaiq ka Tati ajong pinthum. Apaiq ka hokham thaq na Hokham. Tatiwe thun thaq na Tati. Kiimaq tsangshiq ka Shiikeawe raq ashong kiimaq atsea wan kiimaq tsangshiq ka apaiq ma pinthum kamtsantsii thü raüta siwanti.”

Revelation 19:16

Apaiq samtong jong samtlaq thaq na nai apaiq wütong niika ara mang ara tiiwaiq raü riito chhikang: “Hokham thaq na Hokham kiimaq tati thaq Tati.”

Revelation 4:11

“Ümniika naishiq ma Tati shaq tsitsü paq Shiikeawe! Khushü jong, shreng manto, kiimaq ningkun wiita ka ümniirii li she. Ümniili phanrap phansangti we, ümniiraq athithi na phanrap tiidongti we, kiimaq tsitsü raüchong shamti we ka ümniili she.”

Revelation 5:12

Raüta, tsangshiq raq tiihong raüta, arü ariiq lam maq akha shinge trangto: “Tsatbaiq taq Skuse ka maiqshaq. Apaiq ma arang, tsiiq anyam, taksu tsii, ningkun, shreng, khushü kiimaq kechutum ke thek tlo!”