DANIEL 2:35 - Hawa Naga Bible 2001

³⁵ Lvmx lvy dvyx yanx, gvmlawx ghaq, nvyrvyx, kuimphox nuiyc kuimshawx bunx kaz vtueq raunglawc yac tsvmz nuiuz juing wawc bokkhuyx ikhoc yaungx kaz tueq. Raungguil rueq lotlaz pvnc gay vtueq vphuinz vphux saz muinz kvjungx muq shex. Yuq muinz lung kvruex kuex kanx muex yaungx wvnc vtueq wvghaq pumz puingc wvnc tueq.

ASII LAKDAP Bible (BSI)

³⁵ Maklii liipan niili, jinbu thun, hamlii hiq thun, miiki thun, kampho thun, kiimaq chaq thun ka, bunlak buncha bunkito. Raüta rajuji na khaolüm phong nichang ba, botkhulai riiphongtlaq ikhiishe jakito. Raüta rahai raq wiita tiisiirai pan wanto. Hiq na jamlai min tiichong mak she riito. Shatmaq kra longkaü ka jongwan raüta, pumkaü jonghea miishe jakito. Raüta mangjong hiq ara hamli she bumkito.

DANIEL 2:35 Referencias Cruzadas

YOBA 6:17

vkalc rueq tvyuimx gay ruiux, yuix saz ruilx dung kaz vtueq ruic wvnc tueq.

Tvtsvmc 103:16

kvruex yimaq kvruex htauk nuex raungguil wvnc vtueq kvruex kuex vmoz rvwvnc tueq, kvruex kuex uraq muinz khiz lvp miq shex.

Tvtsvmc 22:27

Miq phvnx lotlaz rueq Yehowa kuex rvwvl wuez shuex. Mungkawx baung ruip saz wawc miq htenc kuex vpiq kox nuex kvroz wvnc yek tuex, lotlaz rueq vpiq muex nawk palx wvnc wuez shuex.

Tvtsvmc 37:10

Layx bac jix htenc kuex mtanc httax muq nuex moz wvnc tuex; mnoz rueq tsuingshiq kuex thuiyx ruiux muinz humc shuiux rvmuq.

Tvtsvmc 37:36

yuq muinz mtanc httax muq nuex ngaz lvy wvnc tauk nuex kvruex baung kvyuq piq httax muq shex; piq kuex thuiyx koq muinz piq kuex humc mauk shex.

Tvtsvmc 46:9

Vpiq rueq mungkawx nuex rvkhvt yaq lotlaz kuex tvthauk gay tueq; laq htenc kuex vpiq rueq tv-ngawk gay ruiux, lak htenc kuex tvbac gay tueq.

Tvtsvmc 66:4

Ghaq ruiykhuix nuex httax yaq miqsaz ruip rawx rueq mnoz muex nawk palx wuez yaq; tsuingshiq rueq mnoz muex tvtsvmc shix wuez yaq, mmuingc kuex tsuingshiq rueq tvtsvmc shix wuez yaq,” ngoz tueq Tishox muex jungx wuez tueq.

Tvtsvmc 86:9

Mnoz rueq tvdung sung taq toq miqphvnx htenc kuex kaz vtueq, mkhaungkac nuex bumx ruiux nawk palx wuez shuex; tsuingshiq rueq mnoz yungx luz vtuiux lvmx kuex tvtsvmc wuez shuex.

ISAIA 11:9

Tishox vpiq vsawc kanx, Zion htauk nuex, vguirc vguenc nuiyc tvbac gay httax tuex rvmuq. Svmuktvrax nuex yuix mvrc yaq ikhoc ghaq vraungx kuex Yehowa phaqjic vmvrx maq httax tuex.

ISAIA 8:9

Miq phvnx htenc lex, hiyaz hvt maq rvtuimx wuez kuinz! Lvmx luz jix lex, tay wuez shuinz. Ralx khvt tvkoc tvyoalc shuinz, yuq muinz kvhiz wuez kuinz! Rvtueq, kvkhoc tvyoalc shuinz, yuq muinz kvhiz wuez kuinz!

DANIEL 2:44

Kvruex mungx walaungx bix rueq guimz yaq nuex raungmungx Tishox rueq mkaq muinz vhtumx kay ngoz tueq vguez mungtan vshiz tec taq shuex. Kvruex kuex mkaq muinz taungx shuex rvmuq, yuq muinz honoc mungtan htenc tvsawc ric tvbac gay shuex yix maq jix pattup phaungx ngaungx wvnc tuex.

Hosea 13:3

Kvkhoc rvtueq vruex miq htenc kuex raungnvp wawc tv-httuiux ikhoc muinz, raungnvp samaq sawc wvnc yaq buing ikhoc muinz moz wvnc tuex. Tsuingshiq kuex raungguil rueq pvnc wvnc yaq tsvmz nuiuz juing wawc tsvmz phex ikhoc muinz, wvr htung khux maq wvr khuiuq dung wvnc yaq ikhoc muinz yaungx yaq.

Mikha 4:13

Yehowa rueq, “Yerusalem miqsaz lex, mralx hez muex murx tvgurc kaz kuiuz! Yanx rungx htenc nuiyc nvyrvyx huk httuinc httax yaq manx pung ikhoc ngaz rueq mnoz kuex tvhung laungx phaungx. Mnoz rueq miqphvnx paunghvlc kuex tvbunx jek gay shuiux, tsuingshiq rueq yauk laungc yalawx maq vlvp tsak vnyvmx kuex mungkawx lotlaz Taungjix rvtauk, ngvy kox nuex kuq kaz wuez ruex,” ngoz tueq jungx tueq.

JEKERIA 12:3

Yuq muinz kvkhoc raungnuiyq httuiuc tuex nuex, ngaz rueq Yerusalem kuex liz hvlc lung vshiz ikhoc tvyaungc shaungx, kvruex kawk gay tvkoc dvnc jix miqphvnx kuex vmac vtsac tvrvhumc shaungx. Mungkawx wawc miqphvnx htenc lotlaz rueq piq kuex tuimx khvt wuez shuex.

1 Corinthians 15:25

Yvmx khoc lac ngoz ruiux lec Christu kuex Tishox rueq ralx htenc lotlaz taungx gay ruiux, Christu yaz phac khung nuex tvy kuy gay nuex httuiuc laz guimz lawc shuex rvtueq.

Revelation 11:15

Kvruex yimaq mvshix ngoc yaungc raungkamx waz rueq piq bolic kuex tuimz tueq, kvkaq raungmungx wawc tvruingc yunghvlc guyc dung wvnc tueq kuex, “Mungkawx guimz juing luimc vkawc kuex naungshiq Taungjix Mesia yauk nuex httuiuc kaz tueq, vpiq rueq pattup pat-sac guimz wvnc shuex,” ngoz tueq jungx yaq.

Revelation 12:8

yuq muinz taungx muq vsumx rvwvnc wuez tueq. Tsuingshiq kuex raungmungx nuex httaz tvkoc lvp muq shex.

Revelation 20:11

Kvruex yimaq vluiz hoc daungraungc vyungx vshiz muinz, kvruex yuq ngaungc yaq waz kvmuinz ngaz rueq khiz tauk. Vpiq khaungkac nuex ghaq nuiyc raungmungx kuex moz wvnc vtueq kvruex nueyc kuex khiz mauk shex.