AJONJÜ 5:22 - Hawa Naga Bible 2001

²² Rvmuq ngoz ruiux, nuiyshiq kuex pattup pat-sac tuip gay shex lac? Mthuinz khvy kuex tvshiz gay jauz vguez shex haz?

ASII LAKDAP Bible (BSI)

²² Shea, ümniiraq naishiq ka, pattup pat-sa miitu shea tiishaübaiq laü? ümtsankhiq walü ka, matki mak phan dea shea?

AJONJÜ 5:22 Referencias Cruzadas

Tvtsvmc 44:9

Yuq muinz majuiuc kuex mnoz rueq nuiyshiq kuex tvdux gay ruiux tvsumx rumx gay phux; mnoz kuex nuiyshiq nolaungx daungx rulc vdvmz ralx khvt nuex kaz muq.

Tvtsvmc 53:5

Yuq muinz Tishox rueq vpiq miqsaz htenc muex ralx yaungc jix hez ruk vrawz htenc kuex nyanc shanc nyanc shix tvyaungc gay shuex ningkhvnc nuex, tsuingshiq kuex laukshiz muinz rvhumc muq phvnx hisungx juing kuex tvrvhumc shuex. Tishox rueq tsuingshiq kuex tvdux gay ruiux, Israel miqsaz rueq tsuingshiq kuex vsuingc suing taungx gay shuex.

Tvtsvmc 74:1

O Tishox lex, mnoz rueq yvmx ngoz tueq lac nuiyshiq kuex vkhoc tuip gay vphux? Mmiqsaz htenc muex pattup mthuinz haz khaq tuiux?

Tvtsvmc 79:5

Yehowa lex, mnoz kuex nuiyshiq muex pattup thuinz tvkhaq vtueq haz httax tuiux? mthuinz khvy kuex wvr ikhoc luic ruq dvyx haz luic tuiux?

ISAIA 64:9

kvkhoc rvtueq nuiyshiq muex khaq hvlc nauk khaq vkueq, rvmuq ngoz ruiux nuiyshiq mvrax htenc kuex pattup nauk rvwvl kaz. Nuiyshiq kuex mmiqsaz; nuiyshiq muex menjenc kuq koq.

JEREMIA 14:19

Yehowa lex, mnoz rueq Yuda mungx kuex tvdux gay tvlanc shec haz? Mnoz rueq Zion miqsaz haz shuiuc vshuiux? Nuiyshiq hvlx lot miq laz juing mnoz rueq yvmx ngoz tueq lac nuiyshiq tvthuiuz sac hvlc ruez vphux? Nuiyshiq rueq nomic lvmx kuex thuiyx vshix, yuq muinz vhvlx muex yaungx muq; nuiyshiq hvlc wvnc tvkoc tvluimc vshix, yuq muinz vhiz juing dvyx dung wvnc yaq.

JEREMIA 6:30

Ngaz, Yehowa rueq tsuingshiq kuex tvdux gay tauk ningkhvnc nuex tsuingshiq kuex htawz guez junx diq htenc ngoz tueq muingc gay rvhumc tuex,” ngoz tueq jungx tueq.

JEREMIA 7:29

“Yerusalem ghaq jix lex, khoar nyerx wuez kuinz; mkhux mul kuex tvp vtueq tuip gay shuiuz. Ghaq luimx poz htenc maq maungx yec shic kuex shix wuez kuinz, yvmx khoc lac ngoz ruiux lec ngaz, Yehowa thuinkhaq vtaungx, ngvy miqsaz htenc kuex tvdux gay tauk.

EJEKIEL 24:13

Yerusalem lex, mnoz vbac honc vyaungc htenc rueq mnoz kuex tvshuy shac kv-phux. Ngaz kuex mnoz tvsawc tvkoc hunglaungx ruiux muinz mnoz kuex tvshuy shac rvhumc ruq dvyx. Ngvy thuinkhvy phuk yaq kuex mnoz rvhumc muq wawwawx tvsawc nawc rvhumc tuiux rvmuq.

EJEKIEL 37:11

Tishox rueq ngaz muex jungx phuex, “Vthueyc rvyaq miq lex, Israel miqsaz kuex vruex ruk vrawz htenc vkhoc rvtueq. Tsuingshiq rueq shanx wvnc vtix, max kox nuex thuinz tvluimc juing yvmx muinz vguez shex, ngoz tueq jungx wuez yaq.

Hosea 1:6

Gomer rueq vsaz vnueyc ngoc yaungc lvp tueq. Vruex lauk kuex yalxjuik saz rvtueq. Yehowa rueq Hosea muex, “Piq muingc kuex, ‘Lungwawx muq,’ ngoz tueq muingc shuiuz, yvmx khoc lac ngoz ruiux lec ngaz rueq Israel miqsaz muex lungwawc thuinz kuex taq mauk shex, tsuingshiq muex mvrax dawc kuq shaungx rvmuq.