AJONJÜ 5:21 - Hawa Naga Bible 2001

²¹ Yehowa lex, nuiyshiq kuex mnoz kox nuex tvyez shvlx wvnc yek koq! Nuiyshiq kuex tvyez shvlx wvnc yek koq! Mvnnuex wawc nuiyshiq ngauz vngax kuex yez kuq koq.

ASII LAKDAP Bible (BSI)

²¹ O, Tatiwe lei, naishiq ümwokhong na, jangshi ri shea wan nong laq! Richüpat wa lüwa khushü ka, naishiq ma jangkuq nong laq.

AJONJÜ 5:21 Referencias Cruzadas

1 HOKHVMX 18:37

Yehowa lex, mnoz rueq tsuingshiq kuex mnoz kox nuex tvroz wvnc yek jix waz Yehowa Tishox rvtoq kuex vruex miq htenc rueq tuiuz wvnc laz juing ngaz muex tvralc kuq koq, ngaz muex tvralc kuq koq,” ngoz tueq vjux thoz tueq.

Tvtsvmc 80:19

Yehowa Tvphaungc Tvsuip Tishox lex, nuiyshiq kuex tvyez shvlx wvnc yek koq. Mnoz rueq menjenc thuinz kuex nuiyshiq muex tvkhic kuq koq, ngoz ruiux nuiyshiq palc wvnc rvhumc tix.

Tvtsvmc 80:3

O Tishox lex, nuiyshiq kuex tvyez shvlx wvnc yek koq! Mnoz rueq menjenc thuinz kuex tvkhic kuq koq, ngoz ruiux nuiyshiq palc wvnc rvhumc tix!

Tvtsvmc 80:7

Tvphaungc Tvsuip Tishox lex, Nuiyshiq kuex tvyez shvlx wvnc yek koq! mnoz rueq menjenc thuinz kuex nuiyshiq muex tvkhic kuq koq, ngoz ruiux nuiyshiq palc wvnc rvhumc tix!

Tvtsvmc 85:4

Nuiyshiq palc wvnc jix O Tishox lex, nuiyshiq kuex kungkhux wawc ikhoc tvyez shvlx wvnc koq, nuiyshiq lawc roc muq muex nauk yaungx kaz!

ISAIA 60:20

Mnoz yonzyec raungnuiyq kuex htumx wvnc tuex. Ngaz, Yehowa kuex mnoz muex pattup pat-sac vwuic muex yaungx taungx, Shalx nuiyc yapix htauk nuex jvnc vtueq phaungx ngaungx taungx.

JEREMIA 30:20

Ngaz rueq mvnnuex wawc miq phvnx htenc luimc vkawc kuex kvruex mungtan nuex kuq yek vtueq kvruex kuex lauk shiz hulawx phaungx duing phaungx yek tuex; ngaz rueq tsuingshiq tuing-htuing jix lotlaz muex murx tvgurc shaungx.

JEREMIA 31:18

“Ngaz rueq Israel miqsaz rvjungc yaq yonzyex tvruingc kuex tay tauk, ‘Yehowa lex, nuiyshiq kuex tsvy hvlc ngvmx saz ikhoc yaungx kaz vtix, yuq muinz nuiyshiq rueq phvnc tvkoc mnoz rueq tvluing kuq phux. Nuiyshiq kuex shvlx wvnc yek koq; nuiyshiq kuex Yehowa nuiyshiq Tishox kox nuex yek tvkoc tvyoalc yoalx rvtiq.

JEREMIA 31:4

Ngaz rueq nuimshiq kuex lauk shiz hulawx tec guirx yek phaungx. Tsuingshiq kuex lauk shiz hulawx jok htenc tuimz vtueq vkoz vkez maq wvnuemz wuez tuinx.

JEREMIA 33:10

Yehowa rueq, “Vruex baung kuex kumtsvy tvnx ikhoc yaungx wvnc vtueq, kvyuq httaz jix ghaq miqsaz htenc nuiyc nyvmx saz htenc yvmx muinz vguez shex, ghaqkuiyq ghaqkhvmx baung yaungx wvnc vtuex ngoz tueq miq htenc rueq ngoz shuex. Kvkhoc yaungx yaq kuex vsuing rvtueq; Yuda ghaq htenc nuiyc Yerusalem lvmx htenc kuex kuiyqshuik kuiyq shix raz tueq ghaq miqsaz muinz, nyvmx saz htenc muinz kvyuq httax tuex rvmuq. Yuq muinz kvruex baung htenc kvyuq

JEREMIA 33:13

Kuz mungx hong, kanx yaz hong, Yuda mungx yuix yaz kox hong, Benjamin mungx hong, kvwawc miqghaq yungx htenc, Yerusalem tvroz wawc miqghaq htenc nuiyc Yuda mungx wawc miqghaq yungx htenc nuex khelbuenx remc jix hez rueq tsuingshiq khelbuenx kuex lauk shiz hulawx wvl yek shuex. Ngaz, Yehowa rueq jungx vshaungx,” ngoz tueq.

EJEKIEL 36:37

Johvlc Yehowa rueq, “Ngaz kuex romc kuy tvkoc ngvy kox wawc thoz yaq Israel miqsaz kvjaz kuex laukshiz hulawx tay kuq yek vtueq, kvkaq ngaz rueq tsuingshiq kuex khelbuenx kung ikhoc tvpux paung shaungx.

HABAKUK 3:2

O Yehowa lex, mnoz rueq shuimx wvnc toq kuex ngaz rueq tay tauk, ngaz kuex kawc yawc svy thuiuz mvrc vtaungx. Majuiuc nuiyshiq vkhing htenc nuex mnoz rueq shuimx wvnc toq yunghvlc htenc kuex lauk shiz shuimx yek shuiuz. Mnoz thuinkhaq ruiux doc muinz, menjenc koq.

MALAKI 3:4

Kvruex yimaq Yuda miqsaz nuiyc Yerusalem ghaq wuinz htenc rueq Yehowa kox nuex lvmz laq yaq shomc kuy juing htenc kuex lvy wvnc tueq jauz wawc ikhoc vpiq rueq raungc raq juing muex yaungx tuex.