AJONJÜ 4:22 - Hawa Naga Bible 2001

²² Zion rueq piq mvrax yauk mauk kuq tueq shex; Yehowa rueq naungshiq kuex mkaq muinz tvthuq laq phuex rvmuq shex. Yuq muinz Edom lex, Yehowa rueq mnoz muex murx tvgurc kv-phux; vpiq rueq mnoz yaq toq honc vyaungc kuex tvkhic kv-phux.

ASII LAKDAP Bible (BSI)

²² Jajon chela raq apaiq ngarai tham ka, athii tsinhea maq dokda wanto, Tatiwe raq nashiq ka pongmung na, shumwi ma rahiq luhea tiisimak she. Shatmaq Edom mungti lei, Tatiwe raq namshiq ka mitiichamchao. Apaiq raq ümngarai bu ka, wiita mitiichhikuq wan. Raüta mitiichamchao wan.

AJONJÜ 4:22 Referencias Cruzadas

Tvtsvmc 137:7

Yehowa lex, Yerusalem ghaq khvt nyvlc wvnc tueq nuex Edom miqsaz htenc rueq shuimx wvnc tueq kuex rvwvl shuiuz. “Vruex ghaqyungx kuex ghaq rulc tvraz laz tvbac gay shuinz!” ngoz tueq tsuingshiq rueq jungx yaq kvjaz kuex rvwvl shuiuz.

ISAIA 40:2

Yerusalem ghaq jix muex hungc vlaungc kuq shuinz. Tsuingshiq kuex loayc hvlc kuilc daz wvnc tueq ningkhvnc nuex tsuingshiq mvrax htenc majuiuc dawc kuq gay tauk lvmx tsuingshiq muex jungx shuiuz. Ngaz rueq tsuingshiq kuex tsuingshiq mvrax lotlaz tvkoc nuex mvrc laq murx tvgurc tauk,” ngoz tueq jungx tueq.

ISAIA 52:1

Yerusalem lex, lauk shiz hungc vtueq yungx luz wvnc yek kuiuz! Tishox Vsawc ghaqyungx lex, mshauk pumz kuex ngauz vngax maq kvyop kuiuz! Kvmluimx muq jix kuex mkaq muinz mpalx kaluix maq lauk shiz nyuip yek tuex rvmuq.

ISAIA 60:18

Yauk laungc yalawx jix guyc sez kuex mkaq muinz tay shuiux rvmuq shex; Mmungtan kuex yix maq lauk shiz nyvlc tvbac gay rvhumc tuiux rvmuq shex. Ngaz rueq palx ruk ikhoc mnoz kuex tvkhup wungx phaungx; Ngaz rueq mnoz palc wvnc ningkhvnc nuex ngaz muex tvtsvmc kvmc phux.

JEREMIA 32:40

Ngaz rueq tsuingshiq rulc pattup bomkhvrc taq shaungx. Tsuingshiq tvkoc vhvlx phvnx shuimx vshaungx htenc kuex ngaz rueq mkaq muinz httvr gay shaungx rvmuq, ngaz rueq tsuingshiq thuinz vmungx lotlaz maq ngaz muex hiyaz tvtsanc nganc shaungx, tsuingshiq kuex ngvy kox wawc mkaq muinz yek waung muq shex rvtuex.

JEREMIA 33:7

Ngaz rueq Yuda nuiyc Israel muex tvrungx wanx vtueq, tsuinghez kuex kungkhux wawc ikhoc guirx yek shaungx.

JEREMIA 33:8

Tsuingshiq rueq ngaz muex khawx lvlx phuex mvrax htenc kuex ngaz rueq tvsawc nawc kuq shaungx, tsuingshiq mvrax htenc nuiyc tsuingshiq rueq khawx lvlx yaq kuex ngaz rueq mvrax dawc kuq shaungx.

JEREMIA 49:10

Yuq muinz ngaz rueq Esaw suiuz vsaz htenc kuex tvsawc ric sawkumx ruez tauk, tsuingshiq kvhttuiyq juing htenc muinz lanx kuq gay tauk, tsuingshiq kuex raungluingx muinz kvhttuiyq lot muq. Edom miqsaz lotlaz tvbac gay rvhumc wuez tueq. Tsuingshiq kuex vshiz muinz kvjungx muq.

JEREMIA 50:20

Kvruex vkhing httuiuc tuex nuex, ngaz rueq vtvjungx taq shec miq htenc muex mvrax kuex dawc kuq shaungx ningkhvnc nuex, Israel miqsaz htenc nuex yvmx mvrax muinz humc shaungx rvmuq, Yuda nuex muinz layx vbac phvnx kop tuex rvmuq. Ngaz, Yehowa rueq jungx tauk.”

AJONJÜ 4:21

Edom nuiyc Uza miqsaz lex, nueyx wuez kuinz; mnoz rueq lot shuiux tanc khvnc kokez kuiuz. Mnoz kuilc daz jamjaux kuex httuiuc wvnc yaq; mnoz kuex rullez ngaklez khuemx vtueq yvlc svy rvhumc tuiux.

AJONJÜ 4:6

Ngvy miqsaz htenc kuex Tishox yauk maq huingc rvhek laz tvrul tvbac gay tueq Sodom ghaq htauk nuex muinz, murx tvgurc jvnc vtueq rvhumc wuez yaq.

EJEKIEL 37:28

Ngaz rueq ngvy Shomc Yuimx kuex tsuingshiq vmungx baung nuex pattup taq ruiux yuq, ngaz Yehowa rueq Israel miqsaz htenc kuex ngvy miqsaz yaungx laz thvl wvnc tauk lvmz kuex miqphvnx htenc rueq tuiuz wvnc wuez shuex,” ngoz tueq jungx tueq.

EJEKIEL 6:12

Lvmx luz nuex httaz jix hez muinz vthuiuz vsac raz tueq thueyc wvnc wuez tuex; vnyek wawc hez kuex ralx rvlungc nuex thvy gay rvhumc tuex; kvjungx yaq hez kuex rvmc rueq thueyc tuex. Tsuingshiq lotlaz rueq ngvy thuinkhvy kuex mvrc laz rvhumc wuez tuex.

Obadia 1:10

“Mphuz mnox hez rvtueq Yaku suiuz vsaz phvnx htenc kuex mnoz rueq yauk laungc yalawx ruez vtueq thvt gay toq ningkhvnc nuex, mnoz kuex tvbac gay rvhumc ruiux pattup muingc bac rvhumc tuiux.

MALAKI 1:3

Esaw nuiyc piq suiuz vsaz phvnx htenc kuex shuiuc vshaungx. Ngaz rueq Esaw httax yaq kuz hong kuex kuiyqshuik kuiyq khvmx tvyaungc gay ruiux, kvruex ghaq vraungx kuex yaruix guyhex muex lekuq gay tauk,” ngoz tueq tvralc tueq.

MALAKI 1:4

Esaw suiuz vsaz phvnx Edom miqsaz rueq, “Naungshiq ghaq htenc kuex tvbac gay tueq, yuq muinz naungshiq rueq guirx yek vshix,” ngoz tueq mkhoc shoc maq jungx ruiux yuq, Yehowa rueq, “Tsuingshiq rueq m-guirx yek shueq, kvruex htenc kuex ngaz rueq httak tvrul gay shaungx. Miq htenc rueq tsuingshiq muex ‘Honc vbac mungtan’ nuiyc ‘Yehowa pattup khaq yaq miqphvnx,’” ngoz tueq ngoz shuex.