2 SAMUEL 23:17 - Hawa Naga Bible 2001

¹⁷ “Yehowa lex, vruex yuix kuex ngaz rueq mkaq muinz nuingx mauk shex! Thuiuz thuic maq khvmc jix waz hez tvguiy kuex nuingx gay shix ikhoc yaungx kaz tuex!” ngoz tueq. Kvkhoc rvtueq piq rueq yuix kvruex nuingx khvmc muq. Vruex kuex muingc dung yaq shvrvyx waz thuimx rueq khvmc wvnc tueq lvmz rvtueq.

ASII LAKDAP Bible (BSI)

¹⁷ Honglu na raüke lam maq, “Tatiwe lei, ngi raq ara kham arka jamkho minyangha! Kriika ara maiq wetsam ara tiijai nyang khan she miraq. Jamkhano ngukla tsangtsam raq maiqmii miisaq ka jaqphi na chiim raüta kham ka khuwato!” nguta bomto. Krai mren apaiq raq kra kham ka nyang mak dea riito. Kriithun ka nolajong pinthum wetsam raq shamto.

2 SAMUEL 23:17 Referencias Cruzadas

RAPHA HIQWA LAK 44:17

Yosep rueq, “Kvkhoc rvmuq! Ngaz rueq kvkhoc kuex ruez lot mauk! Khvp humc tueq waz kvdvyx ngvy dax muex yaungc rax. Kvjungx yaq jix htenc kuex nuimwaz kox nuex vhvlx waq maq yek waung wuez kuinz,” ngoz tueq ngoz kuq tueq.

RAPHA HIQWA LAK 9:4

Nuimshiq rueq phuiuz svy mvy muq phvnx phvnshiz httax yaq, kvruex kuex tvguiy rvshot yaq ngvmx rvtueq; yvmx khoc lac ngoz ruiux lec tvguiy nuex thuiuzthuic httax yaq ningkhvnc nuex rvtueq.

2 SAMUEL 20:20

Joab rueq, “Kvkhoc kuex rvmuq! M-ghaqyungx kuex ngaz rueq mkaq muinz tvbac gay mauk, httak gay mauk!

1 HOKHVMX 21:3

Nabot rueq, “Vruex svpiq sunc kuex ijix iwaz tsak jungx vlvp shec rvtueq. Mnoz muex ngaz rueq kuy lvmz kuex Yehowa rueq mtvwanc kuq phuex!” ngoz tueq jungx tueq.

1 KAÜWA WERAÜ 11:19

“Ngaz rueq yuix vruex mkaq muinz nuingx mauk! Vruex kuex miqmac thuiuzthuic maq khvmc jix hez tvguiy nuingx gay ikhoc muex yaungx tuex!” ngoz tueq. Kvkhoc rvtueq piq rueq yuix kuex nuingx khvmc muq rvtueq. Kvruex kuex muingc dung yaq shvrvyx waz thuimx rueq khvmc tueq lvmz rvtueq.

Tvtsvmc 72:14

Tsuingshiq rullungx htenc kuex piq khaungkac nuex vhtawz httaz hvlc; piq rueq tsuingshiq kuex tuing-htuing rvhumc yaq nuiyc yauk laungc yalawx ruez yaq wawc palc wvnc tueq.

LEWI 17:10

Israel miqsaz ukhaq yuq muinz, tsuingshiq rulc httaz naungc jix pungnuk miqsaz ukhaq yuq muinz, tvguiy nuiyc vngvmx tvshot phauk ruiux yuq, Yehowa kuex kvruex waz kox kvwawc kvroz wvnc vtueq vpiq miq wawc tvdung gay shuex.

Matthew 26:28

vruex kuex Tishox bomkhvrc vnyalx nuex seng yaq, miq paunghvlc mvrax dawc kuy tvkoc vruiuc gay ngvy tvguiy rvtueq.

Mark 14:24

Yesu rueq, “Vruex kuex miq paunghvlc tvkoc vruiuc gay bomkhvrc nuex seng yaq ngvy tvguiy rvtueq.

1 Corinthians 15:30

Naungshiq rueq muinz yvmx ngoz tueq lac vkhing ruip rawx kvhiz sungx juing lvmx nuex phvnx vshix?

PHOWEBI 5:18

Yuq muinz Zebulun nuiyc Naphtali miqsaz htenc kuex ralx khvt ruix nuex ralx khvt nuex tsuingshiq thuiuzthuic maq khvmc wuez yaq.

1 SAMUEL 2:30

M-yuimx wuinz nuiyc m-waruiuz kuex shomc waz yaungx vtueq pattup ngaz muex mshuimx kuq phueq ngoz tueq, Ngaz, Yehowa Israel Tishox rueq lvy wvnc tueq pat nuex bomkhvmc taq tauk. Yuq muinz majuiuc bomkhvmc kvruex mkaq muinz phaungx tuex rvmuq shex ngoz tueq ngaz rueq jungx vphaungx! Kvkhoc ruec tvraung, ngaz muex tvtsanc nganc jix kuex ngaz rueq tvtsanc nganc kuq shaungx, ngaz muex wvlc guez tvyaungc jix kuex ngaz rueq vsuirc sac rvshaungx.

1 SAMUEL 26:11

Yehowa vpiq rueq hokhvmx vtvyaungc taq waz kuex tvthuiuz sac tvkoc ngaz rueq dvnc ruiux muinz, Yehowa rueq tvwanc laq phuex! Lox, piq paq nuiyc piq yuix tsongbumx kuex lvmz wvnc ix,” ngoz tueq jungx tueq.