Eleetalayi yan Fool akiicumuu Tit 3:8 - Jola-Kasa

⁸ Laalu hulim hata mal̥egen. Lifañe min ulob unooten mata kulimaku unku, mantee bukanabuku káyinenumuu li Ateemit li kujooŋoo to li mal̥egen min kukaan wah wajake. Wahawu unwu ujakumuu ban li ubaj jáliŋ li bukanabuku feh.

Eleetalayi yan Fool akiicumuu Tit 3:8 Referencias Cruzadas

Máciya 20:4

Anáyinaawu li aaniil: «Bukuluul foof jijow jilok li bul̥ibabu búmbaam bata úbiiñawu min ban li icaamuul bacaam bajake.» Mal̥egen li kuwuj.

Hulimahu Hásuumaahu loon Saŋ akiic homuu 12:44

Yéesu li alob butiya aan: — An áyinenumuu lí ínje, inti lí ínje bale láyinene, bale láyinenyinen foof li Anawu áboñulommuu.

Hulimahu Hásuumaahu loon Saŋ akiic homuu 5:24

«Li mal̥egenamu fan ilobuul: an ajantenumuu kulimaku kúmbaam, ban li áyinen li anawu áboñulommuu, li abaj buloŋ bábaneliit. Let abil atiibi, bale layaane áfulumul li eketayi boot li buloŋabu.

Bakaanelabu 12:15

Li koonool: — Awu luwewwel! Bale Lod li átuk tó lit, min aaniil mal̥egen. Li koonool: — Kama laalu amalakaawu oola!

Kata Lom 4:5

Bale an akaanutumuu bulok banooban, min áyinen bale kaanaku Ateemit lakaanekaan ahoofoola alako an acole, anawu ummu Ateemit fan ajokool an acole humum hata káyinenaku koola.

2 Kata Koolent 4:13

Li Hulimahu hata Ateemit hakiicimuu lollob ló kaanaku: «Líyinenyinen, mó lí múji li ílobul.» Li manolamu, áloli foof jíyinenyinen li Ateemit, mó lí múji li jílobul,

Kata Efées 4:28

An anaakumuu ákuwet, li akat ékuwetayi. Laate alok li kuŋenool min ábajum to wah boot li buloŋool, li álambenum tó foof an an tooke kalamben.

1 Tímote 1:15

Hulim unhe hata mal̥egen hatooke min ésukayi feh eyab ho: Yéesu Kilisita labiibil li adunaayi boot kafaken kuhoofoola. Ban ínje humumom emmuu átinaa li kuhoofoolaabuku umbuku feh.

1 Tímote 2:8

Lifañe kama tanootan feh, kánayinaabuku li kuteb kuŋeniil kanabe min kul̥aw, ban jakum kukaan mo li etindihuuñ ló mantee foof li búñakoo kulim ló.

1 Tímote 5:10

Laate áhaasumi li bakaanelool bajake: ágoocul bañoolool jak, li ayab ejawoola boola jak, li afos kootaku kata káyinenumuu li Yéesu, li alamben bukanabuku kammuu li sílaam ban li ahanken li kakaan wahoowah feh wajake.

2 Tímote 1:12

Wahawu unwu újimuu li eeno li sílaamasu unsu. Bale isuuwut, mata lihaase li ayi líkangummuu, ban líwooluwe kaanaku Ateemit layilo afooy wahawu wan asenommuu eeken boot yok hunakahu hata Batiibabu.

Eleetalayi yan Fool akiicumuu Tit 1:9

Laate átuk lit hulimahu hammuu hata mal̥egen, hanabumuu li wahawu waliikeneyimuu. Muñowu láatummuu ayili aŋa’ baliikenelabu bajakaabu min awankulen kaabuku, ban li ayili foof áhiis káhoogulewoolumuu kaanaku kulet li mal̥egen.

Eleetalayi yan Fool akiicumuu Tit 2:14

Lasensen buloŋabu boola humum bo boot li alolaal, boot kafakenolaal li majakut manooman min akaanolaal bukan kanabe káami koola balewool, kahankene li kakaan majake.

Eleetalayi yan Fool akiicumuu Tit 2:7

Awu humumi ulako li wahoowah feh bukittenoolum bata buloŋ bajake. Baliikenelabu booli bujow bulako baliikene bata mal̥egen ban li bucol macol.

Eleetalayi yan Fool akiicumuu Tit 3:1

Uwayil̥en bukanabuku feh ooniil koote kuwalenoolo hákil kunahaanaku kaakumuu etaamayi, li kaakumuu kuhaanaaku, ban li kunaak kútuuliil, ban li kunaak foof kukaan majake manooman.

Eleetalayi yan Fool akiicumuu Tit 3:14

Bukanabuku koololaal koote kuhanken min kuliiken kakaan wah wajake, boot bil kalambenoo li wah wan jokolaal li wo ŋáa’, jakum bil kubaj buloŋ babajut jáliŋ.

Filemoŋ 1:11

Naanaŋ Onéesim ájaliŋuti maayeet, bale muñeˈe lájaliŋolajaliŋ, awu lí ínje.

Eébulo 10:24

Lootaale ufooyoolaal ban li unaak uwankulenoolaal, mantee li ubajaal húbooli ban li unaak ukaanaal majake.

1 Fiyeel 1:21

Li Kilisita bukuluul jíjowummuu jíyinen li Ateemit ayitenumuloomuu li eketayi, ban li asenool máyiineni. Wahawu unwu újimuu, li jiŋa’ káyinenaku kooluul li kákangumaku kooluul jikaan li Ateemit.