Eleetalayi yan Fool akiicumuu Tit 3:6 - Jola-Kasa

⁶ Ateemit lájowunjowum li Yéesu Kilisita ammuu Afakenaawu oololaal, min ayiis ŋáa’ Buyinumabu umbu Banabaabu li alolaal.

Eleetalayi yan Fool akiicumuu Tit 3:6 Referencias Cruzadas

Hulimahu Hásuumaahu loon Saŋ akiic homuu 1:16

Foofolaal feh luyabaayab joololaal li kájiyaku koola káamakaku. Ban li uyabaal káji kufamen to káji kakee,

Hulimahu Hásuumaahu loon Saŋ akiic homuu 16:7

Bale boot min ilobuul mal̥egen: haŋe majak boot li bukuluul mín ínje ijow. Mata ijowutumuu Anattenaawu let abil alako li bukuluul. Bale ijowumuu, fan íboñuluul ó’.

Hulimahu Hásuumaahu loon Saŋ akiic homuu 4:10

Yéesu li aanool: — Uhaaseeneenumuu wahawu wan Ateemit esenemuu, li anawu aanemuu li awu «Usenom mal ihob», awu humumi ooteenumuu oonool aseni mal uhob, ban fan aseneeni mal masene buloŋ.

Hulimahu Hásuumaahu loon Saŋ akiic homuu 7:37

Nan hunakahu húbanumahu húliiŋumuu, hammuu hunakahu háamakahu hata kagaanaku, Yéesu li ayito hákil búsukabu feh min alob butiya aan: — An bahob bujokoolumuu, li abil búmbaam min ahob.

Bakaanelabu 10:45

Kusuwifaku káyinenumuu li Yéesu kánabulumuu li Fiyeel, li kusego ŋáa’ min Ateemit áwalenulomuu Buyinumabu Banabaabu bubil bulako foof li bukanabuku kákaanumutumuu li Ateemit balewool.

Bakaanelabu 2:33

Ateemit latebenooteben ajow akaan kaŋenool kúli, min asenool Buyinumabu Banabaabu ban alobumuu kasen, min aŋa’ bo akaan li alolaal loon bukuluul humumuul jijukumuu, ban foof li jijam.

Kata Lom 2:4

Bale waa, lubebbes másuumamu máamakamu mata Ateemit, li húmuñahu hoola li kabebenaku koola? Uhaasut oon másuumamu mata Ateemit móotimuu mújiyi li ubet búsol buloŋabu booli buhaanabu?

Kata Lom 5:5

Kákangumaku kúkaaneliit an áyeko, mata Ateemit li Buyinumabu Banabaabu ban asenolaamuu, lákaanummuu húbooliyahu hoola li uyinumawu woololaal.

Kata Lom 8:2

Li mal̥egenamu, eluwaayi yata Buyinumabu Banabaabu yasenemuu buloŋ babilumulo li hujokoolahu hoololaal li Yéesu Kilisita, efakenolaafaken li kuŋen kata eluwaayi yata kahoofoolaku, li eketayi.

Kata Efées 3:8

Injé jahaŋumuu matiti li bukanabuku feh kata Ateemit, ínje Ateemit asenumuu kájiyaku unku kata kawaale bukanabuku kaletumuu Kusuwif, hubajahu hata Kilisita han an ayilaatumuu ánaanum.

Kata Efées 4:2

Jiwalenoolo, ban li jíjoobi uyinum, ban foof li jiyili hujokoo min jinaak jímuñoo li húbooli ló.

1 Tímote 6:17

Ulob bukanabuku kammuu kusaanum li adunaayi unye ooniil jakum kutebenoolo, ban jakum foof kúkangum li hubajahu unhu haatutumuu hufiyo, bale kúkangum li Ateemit asenewolaalumuu wahoowah feh ŋáa’ mantee li úbajumaal li wo kásuumaay.

Eleetalayi yan Fool akiicumuu Tit 1:4

Injé ikiiculi eleetalayi inye, awu Tit ammuu añoolom ata mal̥egen li káyinenaku kan ubajamuu foofola: Ateemit Atuubaawu buko li Yéesu Kilisita ammuu Afakenaawu oololaal, kujow kúsooniyeni ban li kuseni kásuumaay.