Eleetalayi yan Fool akiicumuu Tit 2:8 - Jola-Kasa

⁸ Kulimaku kuya koote kulako kulim kacole kan an ayilaat áhoogul, bájum kulatoolayi jakum kulob kulim kajakut kuya li alolaal, min kubaj ñisuu.

Eleetalayi yan Fool akiicumuu Tit 2:8 Referencias Cruzadas

Maak 12:17

Yéesu li aaniil: — Seeh, kama jilaañen Sesaal wahawu wata Sesaal. Ateemit li jilaañenool wata Ateemit. Hulimahu han alobiilumuu li hújiyiil li kusego ŋáa’.

Maak 12:28

Muñeˈe akee li kaliikenemuu ésukayi eluwaayi ésukayi eluwaayi yata Móyiis, ajamiilumuu buko li búwonnoolabu, li ajuk kaanaku Yéesu látuttuul Kusaduusiyeŋaku jak, li ákoojulool min agel̥l̥enool aanool: — Eluwa yay ehaŋumuu li siluwaasu feh?

Maak 12:32

Muñeˈe áyinaawu aliikenemuu ésukayi eluwaayi yata Móyiis li aan Yéesu: — Lukooŋe, Anahaan! Lulobe mal̥egen min oonumuu: «Amaaŋenawu balewool áami Ateemit, bajut Ateemit akee ábuti li akila.

Maak 12:34

Nan Yéesu ajukumuu kaanaku ánayinaawu lalollob li bújallo ló, li aanool: — Ulóyiwut kanoken li Jáyiiyaju jata Ateemit. Muñeˈe anoowan alaañenut akaañen agel̥l̥en Yéesu wah.

Hulimahu Hásuumaahu loon Lík akiic homuu 13:17

Nan Yéesu alobumuu loon muñowu, kulatoolawool li kusuu ŋáa’. Bale búsukabu li súumiil li wahawu unwu feh wáyiinenimuu wan Yéesu alakomuu kakaanaku.

2 Kata Tesalonik 3:14

Nokoomuu loon an li bukuluul akaanut loon jilobuulumuu li eleetalayi inye, jílangumaasowool ban jakum an li bukuluul akoojool, mantee li asuu.

1 Tímote 5:14

Mó mújimuu, lifañe min kanaalaabuku kañiilomuu ban li kuhok kúyiniil kulaañ kuyabo min kubaj bañiil, ban li kooken siluufasu sooliil jak. Jakum kusen bútin alatoolaawu oololaal min alob majakut aya li ololaal.

1 Tímote 6:3

Nokoomuu loon an akee aliikene wah wábuto, min akat bo kulimaku kata mal̥egen kata Amaaŋenawu kammuu baliikenelabu bakaanemuu bukanabuku kútuul Ateemit,

Eleetalayi yan Fool akiicumuu Tit 3:14

Bukanabuku koololaal koote kuhanken min kuliiken kakaan wah wajake, boot bil kalambenoo li wah wan jokolaal li wo ŋáa’, jakum bil kubaj buloŋ babajut jáliŋ.

1 Fiyeel 2:12

Jiloŋ buloŋ bajake hákil bukanabuku kákaanumutumuu li Ateemit balewool, mantee maayeet min kukite kúlobooluul min koon bukuluul bukan kajakut, li kujuk bakaanelabu booluul bajakaabu, min kújowum tó kusal Ateemit li hunakahu nan ammuu li abil.

1 Fiyeel 2:15

Li mal̥egenamu, wahawu wan Ateemit afañumuu wo wommuu, min jikaan majake mantee bukanabuku kábaamomuu li kahaasutumuu wahoowah li kujok utumawu wooliil.

1 Fiyeel 3:16

Bale joote jilobiil mata káyinenaku kooluul li buyinum bájoobiye li ekole ló, ban foof li buyinum basete, bájum tan kúloboolewuulumuu loon eenimuu bukuluul bukan kajakut joom, li kujuk baloŋelabu booluul bajakaabu ban jibajumuu li Kilisita, li kusuu.