Eleetalayi yan Fool akiicumuu Tit 2:2 - Jola-Kasa

² Ulob kánayinaabuku kahallenumuu ooniil kootut kuwuuhen li wahoowah. Koote kulako bukan kasuuneniye, bukan kabaje uyinum, kalite li káyinenaku, li húbooliyahu ban li kuhanken to jaj.

Eleetalayi yan Fool akiicumuu Tit 2:2 Referencias Cruzadas

Maak 5:15

Muñeˈe nan bukanabuku kúliiŋumuu tan Yéesu alakomuu, li kujuk to ánayinaawu an uyinumawu wajakutumuu újufoweenumuu mabahe, akila makaanowe wañ, ban okila mágiilowe. Ekole li ejokiil.

Hulimahu Hásuumaahu loon Lík akiic homuu 8:35

Bukanabuku li kúfulul kubil bajukabu bata wahawu wabajumuu. Nan kúliiŋulumuu tan Yéesu alakomuu, li kujuk ánayinaawu an uyinum wajakutumuu úfulummuu li okila, mabahe li kootaku kata Yéesu ban li akaano wañ, ban okila mágiilowe. Ekole li ejokiil.

Bakaanelabu 24:25

Bale nan Fool ajeˈe alobumuu mata buloŋ bacole, mata hujokoo, li mata batiibabu bammuu li bubil, Féeliis li ákoli min aanool: — Muñeˈe luyilo ujow. Nan emmuu li ibajo, li íhooñuli.

Kata Lom 12:3

Boot min ilobuul humum hata kájiyaku kan Ateemit asenommuu eenuul: Jakum an li bukuluul atebenoolo ajow áliiŋ tan áliiŋut, bale jiwalenoolo li mayineluul, naboo li buu Ateemit aliikumuu káyinenaku kan asenuulumuu kule.

1 Kata Koolent 15:34

Jílaañul jikaan uyinumuul jak, ban li jikat kahoofoo. Li mal̥egenamu, kukee li bukuluul kuhaasut Ateemit. Lilobuulob mo boot li ñisuu ñooluul.

1 Kata Koolent 9:25

Anoowan li bukanabuku kaheekoolemuu li búteyoo, fan atek eniilayi yoola min ahoy wah wameeŋe. Ban buko kukankaan mo boot min kubaj bacaam baatut bufiyo, bale alolaal lukaanaakaan mo boot min ubajaal bacaam baatut bubil buban.

2 Kata Koolent 5:13

Li mal̥egenamu, nokoomuu loon áloli kúkowoli kúsuumut joonosoono mo boot li Ateemit, bale nokoomuu loon úyinumoli jooke, jókisooki wó boot li bukuluul.

Kata Galasi 5:23

kájoobi buyinum, li hujokoo. Wahawu unwu feh, eluwaayi éhilut wó.

Kata Fílib 4:8

Kutuyom, hulimom húbanum ho hommuu jiŋa’ uyinumuul feh jikaan li wahoowah feh wajake li watooke kasal: li wahoowah feh wata mal̥egen, li wahoowah feh waluukeni, li wahoowah feh wacole, li wahoowah feh wanabe, li wahoowah feh wásuume li wáyiineniye.

1 Kata Tesalonik 5:6

Mó mújimuu, ootut úmooliyaal loon bukan kaabuku, bale lootaale ukaanaal to sijijolaal, ban jakum uwuuhenaal wahoowah li buloŋolaal.

1 Kata Tesalonik 5:8

Bale alolaal bañiil bata etihunaka loomaal, ban ootut uwuuhenaal li wahoowah. Lootaale uŋalaal káyinenaku li húbooliyahu kulako ebangalayi yoololaal yaŋali kaan kájufo. Kákangumaku kata fan ufakaal ko kommuu li kulako káhandolaal kata mañ.

1 Tímote 1:10

Eluwaayi ekaanikaan to boot li bukanabuku kahintowemuu li bukan kan kuyabowut, boot li kánayinaabuku kahintenemuu kufaaliil kánayine, boot li bukanabuku kájulayemuu emiikeelayi. Ekaanikaan to foof boot li kámalemuu li bukanabuku kanuulemuu ban let kukaan loon kunuulumuu, boot foof li bukanabuku káhoogulemuu baliikenelabu bata mal̥egen.

1 Tímote 1:14

Bale Amaaŋenawu oololaal li áhiisom másuumamu moola ŋáa’, ban li asenom káyinen li húbooliyahu hammuu li Yéesu Kilisita.

1 Tímote 1:2

ínje ikiiculo eleetalayi inye boot li awu Tímote, ammuu añoolom ata mal̥egen li káyinenaku: Ateemit atuubaawu li Yéesu Kilisita ammuu Amaaŋenawu oololaal, kujow kuseni káji, kabonket li kásuumaay.

1 Tímote 1:5

Wahawu wájimuu li ilobi loon muñaˈa wo wommuu min baj húbooli habilumulo li buyinum bajake, buyinum babahe li káyinen kata mal̥egen.

1 Tímote 3:11

Li manolamu, kanaalaabuku foof kammuu kujaakul koote kulako kanaale kan ésukayi esuuwe, ban jakum kunaak kúloboo bukan. Kootut foof kuwuuhen li wahoowah, ban li kulako bukan kabajut búhoolo banooban.

1 Tímote 3:2

Anahaan ata Ejangu laate alako an, an an aatut ajuk majakut manooman li akila. Laate abaj anaale ano. Aatut awuuhen li wahoowah. Laate alako an abaje buyinum, ban li abaj buloŋ bajake. Laate foof alako an ayabe boola bukan jak ban li ayili awaale hulimahu hata Ateemit.

1 Tímote 3:4

Laate alako an ajoke butoŋool jak, ban li akaan manooman min bañoolool bútuulool li wahoowah feh.

1 Tímote 3:8

Kujaakulaku foof koote kulako bukan, kan ésukayi esuuwe ban jakum kulako bukan káhoolowe. Jakum kulako bukan kákaliyenoole, mantee foof bukan kaweelowe li sídalam.

1 Tímote 5:1

Jakum uwataten ánayine ahallene li sembe, bale uwankulenool loon atuubayi laam. Ujok bukanabuku kañiilomuu loon kutuyi.

Eleetalayi yan Fool akiicumuu Tit 1:13

Kulimaku unku kan alobumuu, mal̥egen. Mó mújimuu, uwatateniil li sembe, mantee li kulako bukan kal̥egene li káyinenaku.

Eleetalayi yan Fool akiicumuu Tit 1:8

Laate alako an ayabe boola bukan jak, ban li afañ majake. Laate alako an abaje buyinum ban li acol, an ata Ateemit ban li ayili hujokoo.

Eleetalayi yan Fool akiicumuu Tit 2:7

Awu humumi ulako li wahoowah feh bukittenoolum bata buloŋ bajake. Baliikenelabu booli bujow bulako baliikene bata mal̥egen ban li bucol macol.

Filemoŋ 1:9

bale haŋ majak il̥awi wah li kajawaku kata húbooliyahu, ínje humumom Fool ahallenumee, háŋum muñeˈe nan emmee foof li hukul̥ mata Yéesu Kilisita áji.

1 Fiyeel 1:13

Wahawu unwu újimuu joote jikaan to uyinumuul, ban li jíkaanum. Jiŋa’ kákangumaku kooluul feh jikaan li kájiyaku kan jommuu li jiyab nan Yéesu Kilisita ammuu li álaŋul.

1 Fiyeel 4:7

Kabanaku kata wahawu feh kúkoojulo. Jilako bukan kájallowe ban jakum jiwuuhen li wahoowah, min jinaak jil̥aw.

1 Fiyeel 5:8

Jijuke to ban li jíkaanum, mata alatoolaawu ooluul ammuu Sayitaane, ummu min ágiitoolemuu loon éŋaŋ yal̥oke, min aŋes an an ammuu li ajok.

2 Fiyeel 1:6

li jiŋa’ eyili hujokoo jifamen to li kahaasaku kan jihaasumuu Ateemit, li jiŋa’ kátuk lit jifamen to li eyili hujokoo, li jiŋa’ kákoli Ateemit jifamen to li kátuk lit.