Máciya 8:27 - Jola-Kasa

²⁷ Bukanabuku kalako tomuu li kusego ŋáa’, min kunaak koon: — Kama laalu an buu, an emmuu maayeet búlusabu li bútuulool, malamu mata húwajahu li mútuulool?

Máciya 8:27 Referencias Cruzadas

Máciya 14:33

Bukanabuku kalakomuu li busaanaabu li kúkuntuŋ hákil Yéesu min kumanenool koon: — Li mal̥egenamu awu ommuu Añiilawu ata Ateemit!

Máciya 15:31

Muñeˈe búsukabu li busego ŋáa’ nan kujukumuu kukumbaku li kúlobul, utankiñawu li ufak, kakajumuu li kujow jak, káfuumumuu li kujuk. Li kúbinken Ateemitawu ata Isilayeel.

Máciya 8:10

Nan Yéesu ajamumuu kulimaku unku, li asego ŋáa’. Li aan kanabumuu li akila: — Li mal̥egenamu, boot min ilobuul, ijukolut híndo Isilayeel an abaje káyinen lí ínje loon ánayinaawu ummu.

Máciya 8:26

Bale Yéesu li aaniil: — Mó káyinenuul lí ínje kukite kutiti! Wáa újiye li jíkoli? Muñeˈe nan Yéesu ayitomuu, li anuuloo búlusabu li malamu mata húwajahu. Li lulenoo lul.

Máciya 8:28

Muñeˈe Yéesu li ajow boot kageb kaaka kata húwajahu, li etaamayi yata kata Gadala. Nan áliiŋumuu, kánayine kúl̥uba kan uyinum wajakut újufowe, ban li kúfulumul li kuyaak kawoki li hugisa, li kubil kufam li akila. Kánayinaabuku umbuku kúl̥uba li kúkoyileni bil gay, an ayilaat ájowum li bútinabu umbu.

Maak 1:27

Bukanabuku feh li kúkoli ŋáa’, gay li kunaak kugel̥l̥enoo koon: — Kama laalu waa? Baliikene buwunkul banaboole li sembe? Anáyinaawu ummu anuuloomuu uyinumawu wajakutumuu li ukaan loon alob womuu.

Maak 6:51

Muñeˈe Yéesu li aŋito atook kúgoomaku li busaanaabu, búlusabu li buyaan buweelen. Kúgoomaku li kusego ŋáa’,

Maak 7:37

Muñeˈe bukanabuku li kusego masego ŋáa’ gay li kunaak koon: — Wahoowah feh wan Yéesu akaane ujaajak ŋáa’! Maayeet kásokomuu li akaaniil min kujam, kakumbomuu li akaaniil kúlobul.