Máciya 8:20 - Jola-Kasa

²⁰ Yéesu li aanool: — Kugeewuwaku kubaje uwokaay. Basuuwabu bata haatiya bubaje useeh. Bale Añool-An abajut tan aate ahinto min ayool̥o.

Máciya 8:20 Referencias Cruzadas

Máciya 12:32

An alobumuu kulim kajakut aya li Añool-An, Ateemit fan abonketool; bale an alobumuu kulim kajakut aya li Buyinumabu Banabaabu, Ateemit let abonketool li buloŋabu umbe, let abonketool foof li buloŋabu babilemaa.

Máciya 12:40

Mata loon Sonaas alakomuu sitihunaka síhaaji li sihuka síhaaji li halahu hata huwolahu, mo foof Añool-An ammuu li alako sitihunaka síhaaji li sihuka síhaaji kata láala etaamayi.

Máciya 12:8

Mata Añool-An ammuu Amaaŋenawu ata húyiiyaayahu hoololaal.

Máciya 13:37

Yéesu li aaniil: — Anawu abetumuu sígulasu sajakaasu, akila ammuu Añool-An.

Máciya 16:13

Nan Yéesu áliiŋumuu li halaabahu hata Sesaale Fílib, li agel̥l̥en kúgoomaku koola aaniil: — Kama bukanabuku koone ayi ammuu Añool-An?

Máciya 16:27

Mata Añool-An ummu li abil li máyiineniyamu mata Atuubawool li emalakaayi yoola ló. Fan acaam anoowan nab li waa lakaanumuu li buloŋabu boola.

Máciya 17:9

Muñeˈe nan kulakomuu káwalowulaku li huyuuyahu, Yéesu li aaniil: — Jakum jilob an wahawu wan jijukumuu, boot yok nan Añool-An ammuu li ayitenumuli li eketayi.

Máciya 19:28

Yéesu li aaniil: — Li mal̥egenamu fan ilobuul, nan Añool-An ammuu li abah li efenjeŋayi yoola yáyiineniyaayi nan wahawu feh wommuu ulaañen uwunkulo, bukuluul kuŋen li kúl̥ubaaku jánabulumuu lí ínje, fan jibah foof li sifenjeŋ min jitiib utoŋawu kuŋen li úl̥ubaawu wata Isilayeel.

Maak 8:38

Li mal̥egenamu, an asuuwommuu ban li asuu foof kulimaku kúmbaam hákil bukanabuku káyinenutumuu li Ateemit ban li kunaak kuhoofoo, ínje Añool-An fan isuuwool foof nan emmuu li ibil li máyiineniyamu mata Atuubawom, mánoboolulo li kumalakaaku kanabaaku.

Hulimahu Hásuumaahu loon Lík akiic homuu 12:8

— Fan ilobuul, an aanumuu hákil ésukayi feh ínje ikilool, ínje Añool-An foof fan een hákil kumalakaaku kata Ateemit ínje ikile anawu ummu.

Hulimahu Hásuumaahu loon Lík akiic homuu 18:8

Fan ilobuul, Ateemit fan akooŋeniil li mahilaamu. Bale nan Añool-An ammuu li álaañul, fan átookul fíle bukan kabaje káyinen li etaamaye?

Hulimahu Hásuumaahu loon Lík akiic homuu 2:12

Muñeˈe jommuu li jíhaasumool: fan jijuk añiil ahutumi ul̥aac, ahinteni li buyinjaay.

Hulimahu Hásuumaahu loon Lík akiic homuu 2:16

Kumataabuku li kusommen kujow boot bo kúliiŋ, li kutook to Mali li Suseef, li jiñiilaju mahinteni li buyinjaayabu.

Hulimahu Hásuumaahu loon Lík akiic homuu 2:7

Mali li áfulul li añiil ánayine, añoolool átinaa. Li aŋa’ ul̥aac min ahutool ban li ahintenool li buyinjaay, mata li eluufayi dán ejawoolaayi ewalenemuu, lewut.

Hulimahu Hásuumaahu loon Lík akiic homuu 21:36

Jijuke to, min jinaak jil̥aw nanoonan, mantee li jibaj sembe min jifak li wahawu wammuu li ubaj, min jiyito hákil Añool-An.

Hulimahu Hásuumaahu loon Lík akiic homuu 8:3

Saan, anaalaawu ata alokaawu ata Elod, an koonemuu Suusa, Susaan li bukan kukee kameeŋe, kanaake kulambenoo Yéesu li kúgoomaku koola li wahiil.

Hulimahu Hásuumaahu loon Lík akiic homuu 9:58

Yéesu li aanool: — Kugeewuwaku kubaje uwokaay. Basuuwabu bata haatiya bubaje useeh. Bale Añool-An abajut tan aate ahinto min ayool̥o.

Hulimahu Hásuumaahu loon Saŋ akiic homuu 1:51

Yéesu li afamen aan: — Li mal̥egenamu fan ilobuul: fan jijuk emitayi mábabulowe, min naak kumalakaaku.

Hulimahu Hásuumaahu loon Saŋ akiic homuu 12:34

Búsukabu li boonool: — Jijanjam wahawu walobimuu li éliibalayi yata eluwaayi laate ál̥aalumuli li etaam? Kama Añool-An ummu akila ammuu ayi?

Hulimahu Hásuumaahu loon Saŋ akiic homuu 13:31

Nan Sudaas áfu’muu, Yéesu li aan: — Muñeˈe máyiineniyamu mata Añool-An mujuki, min máyiineniyamu mata Ateemit mujuki li akila.

Hulimahu Hásuumaahu loon Saŋ akiic homuu 3:13

Bajut an abile aŋito boot li emitayi, ábuti lí ínje Añool-An abilummuu li emitayi boot li etaam.

Hulimahu Hásuumaahu loon Saŋ akiic homuu 3:14

Loon Móyiis aŋa’muu enuukayilaayi yata fálamayi akaan li hunuk ateben li kayiinaayaku, mo foof Añool-An áatimuu atebeni,

Hulimahu Hásuumaahu loon Saŋ akiic homuu 6:27

Jakum jilok boot kabaj búhen báami li bukajen, bale jilok min jibaj búhen báami li bulako to boot li buloŋabu bábaneliitumuu. Búhenabu umbu Añool-An ammuu li asenuul, mata li mal̥egenamu li akila Ateemit Atuubaawu akaanumuu húhaasumahu hoola.

Hulimahu Hásuumaahu loon Saŋ akiic homuu 6:53

Muñeˈe Yéesu li aaniil: — Li mal̥egenamu fan ilobuul: jitokoñutumuu eniilayi yata Añool-An, ban jihobutumuu húsimahu hoola, let jibaj buloŋabu bata mal̥egen.

Hulimahu Hásuumaahu loon Saŋ akiic homuu 6:62

Kama muñowu buu eete nokoo bukuluul bajuke Añool-An li alaañ boot haatiya ban alakoweenumuu naanaŋ?

Bakaanelabu 7:56

Ecen li aan: — Jijanten! Lijuke emitayi mábabulowe. Añool-An ummu min ayitowe kaŋen kúli Ateemit.

2 Kata Koolent 8:9

Li mal̥egenamu, bukuluul jihaase kájiyaku kata Amaaŋenawu oololaal Yéesu Kilisita. Akila ammuu an abaje, li akat bo hubajahu hoola feh min abil alako an agaye humum hooluul, mantee bugayabu boola li bújiwuul li jilako bukan kabaje.