Máciya 7:21 - Jola-Kasa

²¹ — Inti bukanabuku feh kaanewommuu: «Amaaŋen, Amaaŋen», kóomi li kunoken li Jáyiiyaju jata Ateemit. Bale bukanabuku kakaanemuu loon hulimahu hata Atuubawom hulobumuu, buko kommuu li kunoken li Jáyiiyaju jata Ateemit.

Máciya 7:21 Referencias Cruzadas

Máciya 12:50

Mata an akaanumuu loon Atuubawom ammuu haatiya afañumuu, anawu ummu ammuu atuyom, áliinom, li jaawom.

Máciya 16:17

Yéesu li aanool: — Awólo Simoŋ, añiil ata Sonaas, mata inti an áhiisi wahawu unwu, bale Atuubawom ammuu haatiya.

Máciya 18:10

— Jíkaanum! Jakum jibes akee li bukanabuku umbuke kan káyinenaku kooliil lí ínje kulitutumuu. Mata fan ilobuul, li emitayi kumalakaaku kooliil kumbuku nanoonan hákil Atuubawom ata haatiya.

Máciya 18:19

«Fan ilaañen eenuul, bukan kúl̥uba li bukuluul kujamoomuu li etaamaye min kul̥aw wah, Atuubawom ammuu haatiya fan aseniil wo.

Máciya 18:3

min aaniil: — Li mal̥egenamu fan ilobuul, jikatut bomuu bóonowabu booluul min jilaañ jinokoo loon bañiil batit, let jinoken li Jáyiiyaju jata Ateemit.

Máciya 18:35

«Muñaˈa foof Atuubawom ata haatiya ammuu abil akaanuul, an li bukuluul bahoye babonket li buyinumool feh an atile li akila.»

Máciya 19:24

Boot min ilaañen eenuul, séngisengi min eñonkom énokenum li ésuuh yata ekikum, bale haŋ másengi ŋáa’ min usaanum unoken li Jáyiiyaju jata Ateemit.

Máciya 25:10

Nan básungutaabu bábaamomuu kulakomuu ejowayi boot hunoomahu hata éduuliinayi, ábutowaawu li áŋejul. Básungutaabu hutokayi kafalemuu, li kunaboo li akila kunoken dán kukaanumuu ébutowayi. Nan kunokenumuu kuban, kámbiilaku li kubabi.

Máciya 25:21

Anahaanawu oola li aanool: “Jaajak, lukankaan aloka ajake an an ayilo ákangum li okila. Lútuutuk jak wah watit. Muñeˈe fan iseni wah wahaŋe maluuk ooken. Ubil ulako li ésuumansuum loon ínje.”

Máciya 26:39

Yéesu li ayinno bo lóyi jakee, li ákuntuŋ min aŋa’ buulool aya li etaam min al̥aw loon muñeˈe: — Faafa, loon kayiliyeenuma, li úloyiyen ejunkayi inyu yata sílaamasu téetiwom. Bale jakum kaan loon ínje ifañumuu, bale loon awu ufañumuu.

Máciya 26:42

Yéesu li alaañen búl̥ubut ayinno bo min al̥aw aan: — Faafa, kaanumuu loon ejunkayi inyu yata sílaamasu eyilaat éloyiyom ínje bahobut yo, jow kaan loon awu ufañumuu.

Maak 3:35

Mata an akaanumuu loon Ateemit afañumuu, anawu ummu okila ammuu atuyom, áliinom li jaawom.

Maak 9:47

Li bil nokoo loon jíkilaju jooli joote jíjiyi li ulo li kahoofoo, úkool̥ul jó ubeten. Kóyume min unoken li Jáyiiyaju jata Ateemit li jíkil jano bale, awu babaje kúkil kúl̥uba ban li ubeteni li sambunasu sáhokoweliitumuu,

Hulimahu Hásuumaahu loon Lík akiic homuu 11:28

Yéesu li aanool: — Oon maa, áwolo bukanabuku kajantenemuu Hulimahu hata Ateemit ban li kukaan loon hulobumuu.

Hulimahu Hásuumaahu loon Lík akiic homuu 13:25

«Hunakahu fan húliiŋ nan anahaanawu ata eluufayi ammuu li ayito akul̥ kámbiilaku. Ban nokoomuu loon bukuluul tíyaŋ mayitowe, min jinaak jitek kámbiilaku min jinaak joon: “Amaaŋen, úbabuloli!” Fan aanuul: “Ihaasut bay jífulumulo.”

Hulimahu Hásuumaahu loon Lík akiic homuu 18:25

Mata, séngisengi min eñonkom énokenum li ésuuh yata ekikum, bale haŋ másengi ŋáa’ min usaanum unoken li Jáyiiyaju jata Ateemit.

Hulimahu Hásuumaahu loon Lík akiic homuu 6:46

— Wáa újiye li jinaak jihooñom Amaaŋen, Amaaŋen, ban let jikaan wahawu wan ilobumuu?

Hulimahu Hásuumaahu loon Saŋ akiic homuu 14:7

Jihaasommuu, fan jihaas foof Atuubawom. Bale muñeˈe jihaasool, ban jijukool.

Hulimahu Hásuumaahu loon Saŋ akiic homuu 15:23

An alatommuu, Atuubawom foof lalate.

Hulimahu Hásuumaahu loon Saŋ akiic homuu 3:5

Yéesu li aanool: — Li mal̥egenamu fan ilobi: an ayilaat anoken li Jáyiiyaju jata Ateemit, okila babukutumi li mal, li Buyinumabu Banabaabu. An abukumi li atuuba áami an, fan alako an.

Hulimahu Hásuumaahu loon Saŋ akiic homuu 5:17

Bale Yéesu li aaniil: — Atuubawom ummu li bulok boot muñeˈe. Injé foof ummu li bulok.

Hulimahu Hásuumaahu loon Saŋ akiic homuu 6:40

Húnongumahu hata Atuubawom ho hommuu unhe: anoowan ammuu li ajuk Añiilawu ban li áyinen li akila, fan abaj buloŋabu bábaneliitumuu. Ban ínje fan iyitenulool li eketayi li hunakahu húbanumahu.

Hulimahu Hásuumaahu loon Saŋ akiic homuu 7:17

An afañumuu min akaan wahawu wan Ateemit afañumuu, fan ahaas mantee baliikenelabu umbu li Ateemit bubilumulo, mantee li kajaw kúmbaam ínje humumom lílobume.

Bakaanelabu 14:22

Li kuwankulen kúgoomaku, ban li kooniil kútuk lit káyinenaku kooliil. Li kunaak foof kooniil: — Lootaale úlaamaal ŋáa’ tówum unokenaal li Jáyiiyaju jata Ateemit.

Kata Lom 12:2

Jakum jinab li bakaanelabu bata bukanabuku kata adunaayi inye, bale jikat Ateemit min akaanuul jilako bukan kábuto ban li asenuul butuuko buwunkul. Akaanuulumuu loon muñaˈa aban, fan jiyili jikooñaam min jihaas waa lafañumuu: wahawu wajakumuu, wahawu wásuumoolumuu, li wáliiŋumuu máliiŋ loon afañumuu.

Kata Lom 2:13

Let bukanabuku kajantenemuu bale waa eluwaayi elobe kommuu bukan kacole hákil Ateemit, bale bukanabuku kajantene yomuu ban li kukaan loon elobumuu, buko kommuu bukan kacole hákilool.

Kata Efées 6:6

Jítuuliil, ban jakum lako buko to bale, mantee li kusaluul, bale jikaan nanoonan bulokabu booluul li uyinumuul feh loon Ateemit afañumuu, mata bukuluul emiikeel yata Kilisita joom.

Kata Kolos 4:12

Efafulaas ammuu foof an ooluul, lasaafuluul. Lakankaan aloka ata Yéesu Kilisita, ban akatut kal̥aw súf boot li bukuluul, bájum li jítuk lit ban li jank jijow jikiben li káyinenaku kooluul, min jinaak jikaan li mal̥egen loon Ateemit afañumuu.

1 Kata Tesalonik 4:3

Wahawu wan Ateemit afañumuu wo wommuu min jilako bukan kanabe, ban jakum jihinto li an an jiyabowut.

1 Kata Tesalonik 5:18

jisal Ateemit li wahoowah feh. Wahawu unwu Ateemit afañumuu min jikaan li buloŋabu booluul li Yéesu Kilisita.

Eleetalayi yan Fool akiicumuu Tit 1:16

Fan koon kuhaase Ateemit, bale bakaanelabu booliil bunaboolut li wahawu wan kulobumuu. Kujakut majak, kútuulut Ateemit maayeet ban kuyilaat kukaan wahoowah wajake.

Eébulo 13:21

Ateemit ajow akaanuul min jiyili jikaan wahoowah feh wajake, mantee li jikaan loon afañumuu. Ajow ájowum li Yéesu Kilisita akilimuu máyiineniyamu boot nanoonan, min akaan li ololaal wahawu wásuumoolumuu. Aameen!

Eébulo 4:6

Bukanabuku kajandumuu kujam Hulimahu Hásuumaahu, kunokenut li etaamayi dán Ateemit alobumuu kakaaniil kuyool̥o, mata kútuulutool. Bale boot yok muñeˈe, baje kukee kayilo kunoken dán Ateemit afaleyiilumuu kayool̥o.

Saak 1:22

Bale jakum jibuntoolo, li kajanten hulimahu hata Ateemit bale, ban let jikaan loon hulobumuu.

1 Fiyeel 2:15

Li mal̥egenamu, wahawu wan Ateemit afañumuu wo wommuu, min jikaan majake mantee bukanabuku kábaamomuu li kahaasutumuu wahoowah li kujok utumawu wooliil.

1 Fiyeel 4:2

Muñeˈe, joote jiloŋ taŋayi yasaŋowuulumuu buloŋ baabe li etaam loon Ateemit afañumuu, bale jakum jiloŋ naboo li kásiibo kata ál̥ahukowan.

Búhiisenumabu 2:27

Fan aŋa’ egol yata mañ min amatiil, ban fan ahumiil loon an ahumemuu ateefaay. Anawu ummu fan isenool sembaasu sanolasu li san Atuubawom asenommuu.

Búhiisenumabu 22:14

«Awólo bukanabuku kafosumuu wañawu wooliil, min kuyili kutiñ mutiñaayamu mata bunuunukenabu bata buloŋabu, ban li kújowum li wámbiilawu kunoken li ésukayi.

Búhiisenumabu 3:5

«An ammuu aheek, muñaˈa foof lammuu li akaano wañ wahiite. Let íbuj kajawaku koola li éliibalayi yata buloŋabu. Fan ilob hákil Atuubawom lí hákil kumalakaaku koola, een ínje ikilool.