Máciya 3:7 - Jola-Kasa

⁷ Nan Saŋ ajukumuu Kufaaliisiyeŋ li Kusaduusiyeŋ kameeŋe li kubil boot min ábatiiseyiil, li aaniil: — Sil̥aal̥akase! Ayimaa ahebuluul buu jóomi li jikaan min jifak li katekaku kaanomuu li ebil kata etindihuuñayi yata Ateemit?

Máciya 3:7 Referencias Cruzadas

Máciya 12:24

Bale nan Kufaaliisiyeŋaku kujamumuu loon muñaˈa li koon: — Anáyinaawu ummu li búkaanum bata Bélusebul, ammuu anahaanawu ata uyinumawu wajakutaawu, lákesoolumemuu uyinumawu wajakutaawu úfu’ li bukanabuku kan újufomuu.

Máciya 12:34

Sil̥aal̥akase! Buu eete kaan li jiyili jilob majake bukuluul jajakutumuu? Mata wahawu wammuu li buyinumabu, wo butumabu búlobewulumuu.

Máciya 15:12

Muñeˈe kúgoomaku kata Yéesu li kúkoojulool min koonool: — Luhaasumuu oon kulimaku kan Kufaaliisiyeŋaku kujamimuu li ulob kúsengiyiisengi?

Máciya 16:1

Kufaaliisiyeŋaku báhiise kaanaku sembaasu soola li Ateemit sibilumulo.

Máciya 16:6

Yéesu li aaniil: — Jijuke to ban li jíkaanum élebiilayi.

Máciya 22:15

Muñeˈe Kufaaliisiyeŋaku li kujow kujoj min kujamoo li hulim han kommuu kugel̥l̥en Yéesu bájum li kúlowenumool li malobelamu moola.

Máciya 22:23

Hunakahu hanolahu, bukanabuku kan koonemuu Saduusiyeŋ li kubil kutook Yéesu. (Kusaduusiyeŋaku umbuku koone kaketumuu let kuyitowumul li eketayi.) Li kugel̥l̥en Yéesu koonool:

Máciya 22:34

Bale nan Kufaaliisiyeŋaku kuyilaat kulob wahoowah, li kujoj.

Máciya 23:33

Sinuukayilaase! Bañiil bata sil̥aal̥ak! Buu joote ban di jikaan min jifak li katekaku kata li sambunasu?

Máciya 5:20

Fan ilobuul eenuul, jítuulutumuu Hulimahu hata Ateemit jihaŋ bukanabuku kaliikenemuu ésukayi eluwaayi yata Móyiis li Kufaaliisiyeŋaku, let jibil jinoken li Jáyiiyaju jata Ateemit.

Maak 12:13

Muñeˈe li kúboñul kukee li Kufaaliisiyeŋaku bata Yéesu, kujow kugel̥l̥enool hulim mantee li álobul, li kújokumool tó.

Maak 12:18

Muñeˈe kukee li Kusaduusiyeŋaku li kubil kutook Yéesu. (Kusaduusiyeŋaku umbuku koone kaketumuu let kuyitowumul li eketayi.) Nan kúliiŋulumuu, li kugel̥l̥en Yéesu koonool:

Maak 8:15

Yéesu li aaniil: — Jijuke to, ban li jíkaanum élebiilayi.

Hulimahu Hásuumaahu loon Lík akiic homuu 16:14

Muñeˈe Kufaaliisiyeŋaku li kujam kulimaku unku feh, li kulako kajakakaay Yéesu, mata kukankaan bukan kafañe sídalam.

Hulimahu Hásuumaahu loon Lík akiic homuu 18:11

Afaaliisiyeŋawu li ajow alako balewool min al̥aw aan: «Ateemit, lisali min inokoolutumuu loon bukan kaabuku kákuuwetemuu, li kájakaatimuu, ban li kunaak kuhinten kanaale kalet kooliil. Lisali min inokoolutumuu loon áyababuhalabu umma.

Hulimahu Hásuumaahu loon Lík akiic homuu 7:30

Bale Kufaaliisiyeŋaku li kaliikenemuu ésukayi eluwaayi ésukayi eluwaayi yata Móyiis, kafañutumuu min Saŋ ábatiiseyiil, kuhoohoy wahawu wan Ateemit afañumuu boot li buko.

Hulimahu Hásuumaahu loon Saŋ akiic homuu 1:24

Li bukanabuku kan kúboñulomuu bata Saŋ, babbaj to Kufaaliisiyeŋ.

Hulimahu Hásuumaahu loon Saŋ akiic homuu 8:44

Atuubawuul akila ammuu Sayitaane, ban wahawu wan atuubawuul afañumuu, wo jifañumuu min jikaan. Okila yaan no li húkitumahu lafin láami amukabukan. Alakowut li mal̥egenamu, mata mal̥egen mulet li akila. Alakomuu émalamiñ, lalollob loon afinumuu min aano, mata okila ámalamiñ laam, ban okila ammuu atuubaawu ata émalimiñ.

Hulimahu Hásuumaahu loon Saŋ akiic homuu 9:40

Kufaaliisiyeŋ kukee kalako tomuu li Yéesu li kujam kulimaku unku, li koonool: — Waa, áloli foof bukan káfuume joom?

Bakaanelabu 15:5

Bale kukee li bukanabuku kata hujojahu hata kufaaliisiyeŋaku káyinenumuu, li kuyito min koon: — Fan jiteyen búkut bukanabuku feh káyinenumuu li Yéesu kaletumuu kusuwif, ban li jooniil kukaan loon eluwaayi yata Móyiis elobumuu.

Bakaanelabu 20:31

Ban di jíkaanum, min jiwayil̥o joon simit síhaaji feh, bajut etihunaka bajut ehuka, ikatut kasaabuul ikat to, li jíl̥ok ló.

Bakaanelabu 26:5

Fiyowe nan kuhaasom ban kuyilo kulob, buko bafañe, kaanaku lilolloŋ loon hujojahu hahaŋumuu majok jak bútinabu bóololi hulobumuu, hammuu hata Kufaaliisiyeŋaku.

Bakaanelabu 5:17

Muñeˈe álambaawu áamakawu li kanabumuu li akila, kammuu li hujojahu hata Kusaduusiyeŋaku, li kutiga kufootalaku. Li kujamoo min kúlaamen kufootalaku.

Kata Lom 1:18

Ateemit, haatiya emitayi láhiisummuu etindihuuñayi yajokoolumuu humum hata kátuulaatiyaku kan bukanabuku kútuulutoolumuu li kákaanikoo kanookan kooliil. Bakaanelabu bajakutumuu bata bukanabuku bújimuu ésukayi eyilaat ehaas mal̥egenamu.

Kata Lom 5:9

Húsimahu hata Kilisita háyuwimuu, hújiwolaaji li ukaanaal bukan kacole hákil Ateemit, háŋum min ammuu li afakenolaal li etindihuuñayi yata Ateemit.

1 Kata Tesalonik 1:10

Ban bukuluul li joono li banaak min Añoolool Yéesu abilumul haatiya emitayi, akila an ayitenumulomuu li ekatayi min afakenolaal li batiibabu bata Ateemit bammuu li ebil.

Eébulo 11:7

Káyinen kújimuu Nówe li ajanten kulimaku kan Ateemit aloboolumuu ákibben mata wahawu wajukolutimuu. Li akaan to buyinumool li kulimaku kan Ateemit aloboolumuu, min akaan busaana báamak dán áfakenummuu butoŋabu boola foof bo feh. Muñowu láhiisummuu kaanaku adunaayi ekajenkajen, ban Ateemit li ajokool an acole humum hata káyinenaku koola.

Eébulo 6:18

Mo emmuu baje wah úl̥uba wan Ateemit akaane: wahawu wan alobumuu kasen, li hunuulahu han anuulumuu. Wahawu unwu úl̥uba an ayilaat wo áfulen mata Ateemit ayilaat ámal. Wó újimuu li ubajaal kawankulen kabaje sembe, alolaal akataal bomuu waholaal feh min ujokaal li kákangumaku kan kusenolaalumuu.

1 Saŋ 3:10

An anaakutumuu akaan col, mantee foof afañut atuyool, anawu ummu alet añiil ata Ateemit. Muñowu lóotumaalumuu uhaasaal bukay kommuu bañiilabu bata Ateemit, li bukay kommuu bañiilabu bata Sayitaane.