Máciya 26:64 - Jola-Kasa

⁶⁴ Yéesu li aanool: — Lúlobulo mo awu humumi. Bale fan eenuul: Kítum muñeˈe, fan jijuk Añool-An mabahe kaŋen káli kata Ateemit ata sembe, li abilumul li ufaalawu wata haatiya emitayi.

Máciya 26:64 Referencias Cruzadas

Máciya 16:27

Mata Añool-An ummu li abil li máyiineniyamu mata Atuubawool li emalakaayi yoola ló. Fan acaam anoowan nab li waa lakaanumuu li buloŋabu boola.

Máciya 16:28

Li mal̥egenamu fan ilobuul, kukee li bukuluul káamimee taate, let kuket buko bajukut Añool-An li abil li Jáyiiyaju joola.

Máciya 22:44

«Amaaŋenawu Ateemit lansaan Amaaŋenawu úmbaam: “Ubil ubah kaŋenom kúli boot yok nan emmuu iŋa’ kulatoolayi ikaani úkakul”.»

Máciya 24:30

Muñeˈe no húhaasumahu hata Añool-An hommuu hujuki li emitayi. Esúkayi feh yammuu li etaamayi fan el̥okoo, ban fan ejuk Añool-An li abilumul li ufaalawu wata emitayi, li sembe li máyiineni máamak ló.

Máciya 25:31

— Nan Añool-An ammuu li abil loon áyii li máyiineniyamu moola, fan ánaboolul li kumalakaaku feh, abil abah li efenjeŋayi yata jáyiiyaju yáyiineniyaayi.

Máciya 26:25

Sudaas ammuu li abet Yéesu li kuŋen bukan, li agel̥l̥enool aanool: — Anahaan, waa fíle, ínje? Yéesu li aanool: — Awu humumi lúlobulo mó.

Máciya 27:11

Muñeˈe li kújowetum Yéesu kujow kukaan hakil águubelunaalawu Filat, min agel̥l̥enool aanool: — Awu ommuu áyiiyawu ata Kusuwifaku? Yéesu li aanool: — Lúlobulo mo awu humumi.

Máciya 28:18

Yéesu li ákoojuliil min aaniil: — Ateemit lasenonsen kayile kanookan li emitayi li etaamayi.

Máciya 8:20

Yéesu li aanool: — Kugeewuwaku kubaje uwokaay. Basuuwabu bata haatiya bubaje useeh. Bale Añool-An abajut tan aate ahinto min ayool̥o.

Maak 14:62

Yéesu li aanool: — Eéhe’, ínje emmuu Afakenaawu. Ban fan jibil jijuk Añool-An mabahe kaŋen kúli Ateemit ata Sembe, li abil li ufaalawu wata emitayi.

Hulimahu Hásuumaahu loon Lík akiic homuu 21:27

Muñeˈe bukanabuku fan kujuk Añool-An li abilumul li kafaal, li sembe sáamak li máyiineni máamak ló.

Hulimahu Hásuumaahu loon Lík akiic homuu 22:69

Bale kítum muñeˈe, Añool-An fan ajow abah kaŋen káli Ateemit ata sembe.

Hulimahu Hásuumaahu loon Lík akiic homuu 22:70

Bukanabuku feh li koon Yéesu: — Kama, awu ommuu Añool Ateemit? Yéesu li aaniil: — Jilobulo mo bukuluul humumuul, ínjemuu.

Hulimahu Hásuumaahu loon Saŋ akiic homuu 18:37

Muñeˈe Filat li aanool: — Kama áyii loom? Yéesu li aanool: — Lulobulo mo awu humumi, ínje áyii. Libukibuk ban li ibil li adunaayi boot elob bukanabuku mata mal̥egenamu. An áamimuu ata mal̥egenamu fan ajanten hulimahu húmbaam.

Bakaanelabu 1:11

Kánayinaabuku kúl̥ubaaku li kooniil: — Kánayinaabuke káfummulomuu Gálile, kama wáa újiye li joono taatu li kal̥uyo haatiya emitayi? Yéesu ummu, an Ateemit aŋa’muu li bukuluul ájowetum boot li emitayi, fan abil álaañul foof manolamu loon jijukoolumuu li ajow boot ló.

Kata Lom 14:10

Kama awu wáa újiye li utiib atuyi? Awu foof, wáa újiye li ubes atuyi? Li mal̥egenamu, alolaal foofolaal feh fan ubil uyitowaal hákil hutiibahu hata Ateemit min atiibolaal.

1 Kata Tesalonik 4:16

Mata Amaaŋenawu fan alob butiya, min Anahaanawu ata kumalakaaku al̥ok kasiinaku kata Ateemit. Muñeˈe no unnu, Amaaŋenawu humumool fan áwalowumul li emitayi. Bukanabuku káyinenumuu li Kilisita ban li kuket, buko kommuu kujand kuyitowumul li eketayi.

Eébulo 1:3

Kaleñaku kata máyiineniyamu mata Ateemit li Añiilawu ummu koom. Li akila bóonowabu bata Ateemit bujukimuu. Hulimahu hoola habajaahu sembe laŋale min afeb adunaayi. Nan ágiilenumuu bukanabuku li uhoofoolawu wooliil aban, li ajow abah haatiya tiya emitayi kaŋen kúli Ateemit abajaawu sembe.

Eébulo 12:2

Uŋalaal sítiijolaal feh ukaanaal li Yéesu, ájimuu li ubajaal káyinen ban li ajow li ko boot to. Lakaakat bo ésuumansuumayi yan áatimuu abaj, min aan éehe’ min aket li ekuluwaayi bajukelut li ñisuuwañu ñáamimuu li eket loon inyu. Muñeˈe okila ummu min abahe kaŋen kúli efenjeŋayi yata jáyiiyaju jata Ateemit.

Búhiisenumabu 1:7

Jijuke, ummu li ebilumul li ufaalawu. Ban bukanabuku feh fan kujukool, maayeet bukanabuku kayawoolumuu kúfawul. Bukanabuku feh kammuu li etaamayi fan kugamoo moola. Eéhe’! Muñaˈa. Aameen.

Búhiisenumabu 20:11

Fúlum tó, li ijuk efenjeŋ yahiite yáamak yata jáyii, li anawu abah lómuu. Emitayi li etaamayi li sitey síloyiyool, ban anoowan alaañenut ajuk so.