Máciya 26:63 - Jola-Kasa

⁶³ Bale Yéesu abagut. Alámbaawu áamakawu li aanool: — Lil̥awi li kajaw kata Ateemit aloŋumuu. Ulóboli mantee awu ommuu Afakenaawu, Añiilawu ata Ateemit.

Máciya 26:63 Referencias Cruzadas

Máciya 16:16

Simoŋ Fiyeel li aanool: — Awu ommuu Kilisita, Añiilawu ata Ateemit aloŋumuu.

Máciya 26:62

Alámbaawu áamakawu li ayito, li aan Yéesu: — Kama waa ulet li ubag? Kama wahawu wan bukanabuku umbuku kulobemuu li wo kuya li awu, buu?

Máciya 27:12

Fúlum tó, huhaanaahu hata élambaayi li kunahaanaku kata ésukayi li kul̥oof Yéesu koon lakankaan majakut, bale abagut.

Máciya 27:14

Bale Yéesu alobut wahoowah li wahawu feh wan kulobumuu kuya li akila. Muñeˈe águubelunaalawu Filat li asego ŋáa’.

Máciya 27:40

Li kunaak koonool: — Awu jaanumuu luyilo uhum Eluufayi yata Ateemit ban li uŋa’ kunak kúhaaji min ulaañen yo uteef! Nokoomuu loon awu ommuu Añiilawu ata Ateemit, kama ufakenoolo awu humumi! Uwálowul li ekuluwaayi!

Máciya 27:43

Li Ateemit lákangume ban lansaan: «Injé emmuu Añiilawu ata Ateemit.» Muñeˈe kama boot min ujukaal mantee Ateemit fan afakenool, nokoomuu loon lafañoofañ.

Máciya 27:54

Anahaanawu ata kusollaali téemeel li kusollaaliyaku kalako tomuu li akila kafooyaku kata Yéesu, li kujuk etaamayi li egoloo li wahawu feh wabajumuu, li kúkoli ŋáa’ min koon: — Li mal̥egenamu, ánayinaawu ummu lalakolako Añiil ata Ateemit!

Máciya 4:3

Sayitaane li ákoojulool min abuntoolool aanool: — Nokoomuu loon awu ommuu Añiilawu ata Ateemit, ukaan kuyitikaku unku kulaañ kúmbuulu.

Maak 14:61

Bale Yéesu abagut. Alámbaawu ahaanawu li alaañen agel̥l̥enool aanool: — Awu ommuu Afakenaawu, Añiilawu ata Ateemit asaleyimuu?

Hulimahu Hásuumaahu loon Saŋ akiic homuu 1:34

Ban ínje humumom lijuke wahawu unwu li kúkilom, ban leene ánayinaawu ummu ammuu Añiilawu ata Ateemit.

Hulimahu Hásuumaahu loon Saŋ akiic homuu 1:49

Muñeˈe Natanayeel li aanool: — Anahaan, awu ommuu Añiilawu ata Ateemit, awu ommuu áyiiyawu ata Isilayeel!

Hulimahu Hásuumaahu loon Saŋ akiic homuu 10:24

Kusuwifaku li kujow kúguut Yéesu min koonool: — Kama boot min úkatoli min jíwettoo muya boot yok nay? Nokoomuu loon awu ommuu Afakenaawu, li úloboli mal̥egenamu.

Hulimahu Hásuumaahu loon Saŋ akiic homuu 10:30

Injé li Atuubaawu, an ano joom.

Hulimahu Hásuumaahu loon Saŋ akiic homuu 10:36

Injé, Atuubaawu al̥usom, ban li áboñulom li adunaayi. Waa wommuu lí úji, li joon ligeggel Ateemit mata min eenumuu: “Injé emmuu Añiilawu ata Ateemit”?

Hulimahu Hásuumaahu loon Saŋ akiic homuu 18:37

Muñeˈe Filat li aanool: — Kama áyii loom? Yéesu li aanool: — Lulobulo mo awu humumi, ínje áyii. Libukibuk ban li ibil li adunaayi boot elob bukanabuku mata mal̥egenamu. An áamimuu ata mal̥egenamu fan ajanten hulimahu húmbaam.

Hulimahu Hásuumaahu loon Saŋ akiic homuu 19:7

Kusuwifaku li koonool: — Olóli jibaje eluwa, ban loon eluwaayi inyu elobumuu Yéesu laate aket, mata laane okila Añool Ateemit.

Hulimahu Hásuumaahu loon Saŋ akiic homuu 19:9

Filat li alaañen ajow anoken li káyiiyaku, ban li aan Yéesu: — Kama awu bay lúfulumulo? Bale Yéesu abagutool.

Hulimahu Hásuumaahu loon Saŋ akiic homuu 20:31

Bale wahawu wakiicimuu li éliibalayi inye, ukiicikiic mantee li jíyinen kaanaku Yéesu ammuu Kilisita, okila ammuu Añiilawu ata Ateemit. Ban jíyinenumuu li akila, fan jíbajum buloŋabu li kajawaku koola.

Hulimahu Hásuumaahu loon Saŋ akiic homuu 6:69

Ban óloli, jíyinene ban jihaase joon awu ommuu anawu anabaawu ata Ateemit.

Hulimahu Hásuumaahu loon Saŋ akiic homuu 8:25

Muñeˈe li kugel̥l̥enool koonool: — Awu ommuu ayi? Yéesu li aaniil: — Anawu an ifimmuu min ilobuul yaan no li húkitumahu.

2 Kata Koolent 1:19

Li mal̥egenamu, Yéesu Kilisita ammuu Añiilawu ata Ateemit, an Silaas lí ínje humumom jiwaalemuu booluul, alet «éehe’» li «a’aa’». Li okila «éehe’» bale ebaje.

1 Fiyeel 2:23

Nan kunaake kugeloolumuu, anaakut aluken. Nan kulakowoolumuu jálaamenaju, anuuloolut an, bale latebooloteboolo feh asen Ateemit atiibemuu col.