Máciya 19:29 - Jola-Kasa

²⁹ Ban an akat bomuu siluufool, mantee kutuyool, mantee kúliinool, mantee atuubawool, mantee jaawool, mantee bañoolool, mantee foof etaamool mata ínje íji, fan abil abaj wahawu unwu feh haŋ to ñoono téemeel, ban foof fan abaj buloŋ bábaneliit.

Máciya 19:29 Referencias Cruzadas

Máciya 10:22

Bukanabuku feh fan kuhoyuul mata ínje íji. Bale an átukumuu káyinenaku koola lí ínje lit boot yok li húbanumahu, fan afak.

Máciya 13:23

Etaamayi yakonetumuu dán sígulasu silomuu, yo yommuu anawu ajamumuu Hulimahu hata Ateemit, ban li ánaanum ho. Anawu ummu li abaj buloŋ bajake banokoole li kamaano kan kabas kano kubaje ukake’ woono éteemeel, kakee li kubaj woono kúyii kúhaaji, kufaal ko li kubaj woono áyii li kuŋen.

Máciya 13:8

Búgin baabu bata sígulasu li bulo li etaam yakonete. Li sibuk ŋáa’, min kabas kano kubaj ukake’ woono éteemeel, kakee li kubaj woono kúyii kúhaaji, kufaal ko li kubaj woono áyii li kuŋen.

Máciya 16:25

Mata an aŋesumuu kafaken buloŋool, buloŋabu bábaneliitumuu fan bufakool. Bale an aketumuu mata ínje íji, fan abil abaj buloŋ bábaneliit.

Máciya 19:16

Li líiŋ hunak hakee, ánayine akee li ákoojul Yéesu min agel̥l̥enool aanool: — Anahaan, waa leete ikaan wajake min ibaj buloŋabu bábaneliitumuu?

Máciya 25:34

Banumuu, áyiiyawu fan aan bukanabuku kammuu kulako kaŋenool káli: «Jibil, bukuluul jan Atuubawom ásooniyenumuu. Jiŋa’ jáyiiyaju jan akaanumuu boot li bukuluul, yaan no nan ajuul̥umuu adunaayi, jitowo.

Máciya 25:46

Muñeˈe umbuku fan kujow dán koote kubaj katek boot nanoonan. Bale kátuulumuu Ateemit fan kubaj buloŋ bábaneliit.»

Máciya 5:11

Awólowuul, bukanabuku bageleluul, li kúlaatenuul, ban li kulob kulim kanookan kajakut kalet mal̥egen kuya li bukuluul, mata ínje íji.

Máciya 6:33

Jijand jiyinoo mata Jáyiiyaju jata Ateemit ban li jiloŋ loon afañumuu, wah waawu feh fan asenuul wo afamen to.

Hulimahu Hásuumaahu loon Lík akiic homuu 14:26

— An abilumuu búmbaam, laate afañom ahaŋ min afañumuu atuubawool, jaawool, aseekool, kuñoolool, kutuyool, kúliinool li buloŋabu boola humum bo. Letumuu mo, let ayili alako ágoomom.

Hulimahu Hásuumaahu loon Lík akiic homuu 5:11

Nan kuweenumuu usaanaawu wooliil kujow kuya li katantaku, li kukat to wahoowah feh min kunab li akila.

Hulimahu Hásuumaahu loon Lík akiic homuu 6:22

Awólowuul, bukanabuku balateluul, li kuhoyuul, li kugeluul, ban li kujokuul bukan kajakut, mata Añool-An áji!

Hulimahu Hásuumaahu loon Saŋ akiic homuu 15:19

Jilakoweenumuu bukan kata adunaayi, bukanabuku kata yo fan kufañeenuul, mata min jóomimuu bukan kata adunaayi. Bale jilet bukan kata adunaayi, mata li adunaayi lil̥usumuulumuu ífulenul. Mó mújimuu bukanabuku kata adunaayi li kulatuul.

Hulimahu Hásuumaahu loon Saŋ akiic homuu 4:36

Anawu ammuu li ecacayi layaane ayab bacaamool aban, ban li awoogen káhanjiinaku boot li buloŋabu bábaneliitumuu. Mo emmuu, anawu al̥ukemuu li anawu acacemuu fan kubaj ésuumahukow li mano.

Bakaanelabu 9:16

Injé humumom fan íhiisool sílaamasu feh san áatimuu álaam boot mata ínje.

1 Kata Koolent 2:9

Bale loon Bakiicelabu bulobumuu: «Wah wan an ajukulelut li wan ajamolut, wan an ámusut ayinoo li aan fan ubaj, wo Ateemit afalemuu boot li bukanabuku kafañoolumuu.»

2 Kata Koolent 5:16

Mó mújimuu, muñeˈe áloli let jíhaasum an li bóono bata ál̥ahukowan. Maayeet min kite eenimuu no, li bóono bata ál̥ahukowan áloli jíhaasume Kilisita, bale muñeˈe let jíhaasumool loon muñaˈa.

Kata Fílib 3:8

Ban inti wahawu unwu bale lijoke loon kakaal̥o, bale wahawu foof wo feh, humum hata wahawu unwe wahaŋumuu feh maluuk: wo wommuu kahaas Yéesu Kilisita ammuu Amaaŋenawu úmbaam. Akila ájimuu li ibeten wahoowah feh wabajeene jáliŋ lí ínje. Wahawu unwumaa feh lijoojok wo loon wah wata kabeten li huwey, mantee li ibaj Kilisita,

1 Fiyeel 4:14

Awólo, bukanabuku bageleluul mata kúgoom joom kata Kilisita, mata Buyinumabu báyiineniyaabu, Buyinumabu bata Ateemit bumbu li bukuluul.

3 Saŋ 1:7

Elob mata Kilisita éjimuu li kujow, ban kufañut kuyab wahoowah li kuŋen kata bukanabuku kákaanumutumuu li Ateemit balewool.